Panchmukhi Hanuman: ಪಂಚಮುಖಿ ಹನುಮಂತನ ಫೋಟೋ, ನಿಮ್ಮ ಮನೆಯಲ್ಲಿ ಇದೆಯಾ!! ಇದರ ಫಲವೇನು?

Panchmukhi Hanuman: ಪಂಚಮುಖಿ ಆಂಜನೇಯನ ಫೋಟೋ ಅಥವಾ ಚಿತ್ರವನ್ನು ಮನೆಯಲ್ಲಿ ಇರಿಸಿಕೊಳ್ಳುವುದು ಲಾಭದಾಯಕವಾದದ್ದು ಎಂದು ವಾಸ್ತು ಹೇಳುತ್ತದೆ.

Sponsored

ಪುರಾಣಗಳ ಪ್ರಕಾರ ಹನುಮಂತನು ಶಕ್ತಿಶಾಲಿ ಹಾಗೂ ಬಲ ಉಳ್ಳವನು ಎಂದು ಹೇಳಲಾಗುತ್ತದೆ. ಹಾಗೆಯೇ ಹನುಮಂತನು ಕೆಟ್ಟ ಶಕ್ತಿಗಳಿಗೆ ಸಿಂಹ ಸ್ವಪ್ನ ಎಂದು ಹೇಳಲಾಗುತ್ತದೆ. ಅದರಲ್ಲೂ ಪಂಚಮುಖಿ ಹನುಮಂತ ಅತ್ಯಂತ ಶಕ್ತಿಶಾಲಿ ಎಂದೆನಿಸಿದ್ದು ಈ ದೇವರ ನಿರಂತರ ಜಪಿಸುವಿಕೆ ಅತ್ಯಂತ ಪರಿಣಾಮಕಾರಿ ಎಂದೆನಿಸಿದೆ.

ಹನುಮಂತನ ವಿರಾಟ್ ರೂಪ 

ವಿರಾಟ್’ ರೂಪ ಹನುಮಂತನ ರೂಪದಲ್ಲಿ ಒಂದಾಗಿದೆ ಎಂದು ನಂಬಲಾಗಿದೆ. ಶ್ರೀ ಪಂಚಮುಖಿ ಹನುಮಂತನ ಎರಡು ರೂಪಗಳಿವೆ ಎಂದು ಕೆಲವರ ನಂಬಿಕೆ. ಹನುಮಂತನಿಗೆ ಸೇರಿದ ಐದು ಭವ್ಯವಾದ ಮುಖಗಳು ಒಂದು ರೂಪವಾಗಿದ್ದರೆ ಎರಡನೆಯದು ಹೆಚ್ಚು ಜನಪ್ರಿಯವಾಗಿದೆ – ಐದು ಮುಖಗಳು, ಪ್ರತಿಯೊಂದೂ ವಿಭಿನ್ನ ದೇವರಿಗೆ ಸೇರಿದವು . ಈ ಮುಖಗಳು ಅತ್ಯಂತ ಶಕ್ತಿಶಾಲಿ ಎಂದೆನಿಸಿದ್ದು, ಒಂದೊಂದು ಮುಖಗಳು ವಿಭಿನ್ನ ಶಕ್ತಿಯನ್ನು ಸೂಚಿಸುತ್ತವೆ.

ಪಂಚಮುಖಿ ಹನುಮಂತನ ಫೋಟೋದ ಮಹತ್ವ

ಭಾರತೀಯ ವಾಸ್ತುವಿನ ಪ್ರಕಾರ ಪಂಚಮುಖಿ ಹನುಮಂತನ ಫೋಟೋವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದು ಪ್ರಯೋಜನ. ಇದು ಪ್ರತಿಯೊಬ್ಬನನ್ನು ಶಕ್ತಿಶಾಲಿ ಎನಿಸುವಂತೆ ಮಾಡುತ್ತದೆ.

ಪಂಚಮುಖಿ ಹನುಮಾನ್ ಭವ್ಯ ಮತ್ತು ವಿಸ್ಮಯಕಾರಿಯಾದ ರೂಪವಾಗಿದೆ. ಹನುಮಂತನಿಗೆ ಭಗವಾನ್ ರಾಮನ ಜೀವವನ್ನು ಉಳಿಸುವ ಜವಾಬ್ದಾರಿಯನ್ನು ವಹಿಸಿದಾಗ ಈ ರೂಪವು ಪಾತಾಳ ಲೋಕದಲ್ಲಿ ಹುಟ್ಟಿಕೊಂಡಿತು ಎಂದು ಹೇಳಲಾಗುತ್ತದೆ. ಈ ರೂಪವು ಪರಶು (ಯುದ್ಧದ ಕೊಡಲಿ), ಚಕ್ರ (ಡಿಸ್ಕ್), ಗದಾ (ಮಾಸ್), ತ್ರಿಶೂಲ್ (ತ್ರಿಶೂಲ) ಮತ್ತು ಖಂಡ (ಕತ್ತಿ) ಮುಂತಾದ ಅನೇಕ ಆಯುಧಗಳಿಂದ ಕೂಡಿದೆ .

ಹನುಮಂತನ ಚಿತ್ರವನ್ನು ಮನೆಯಲ್ಲಿರಿಸಿಕೊಳ್ಳುವುದರಿಂದ ಏನಾಗುತ್ತದೆ?

ಪಂಚಮುಖಿ ಎಂಬುದು ಐದು ಮುಖಗಳನ್ನು ಸೂಚಿಸುತ್ತದೆ. ಈ ಐದು ಮುಖಗಳು ನಿರ್ದಿಷ್ಟ ದಿಕ್ಕಿನಲ್ಲಿ ಇರುತ್ತವೆ . ಹನುಮನ ಐದು ಮುಖಗಳು ಪೂರ್ವ ದಿಕ್ಕಿಗೆ ಇದ್ದು, ಜ್ಞಾನ ಹಾಗೂ ಬುದ್ಧಿವಂತಿಕೆಯನ್ನು ಸೂಚಿಸುತ್ತದೆ. ನರಸಿಂಹನ ಮುಖವು ದಕ್ಷಿಣಕ್ಕೆ ಮುಖ ಮಾಡಿದೆ ಹಾಗೂ ಇದು ಧೈರ್ಯ ಹಾಗೂ ಸಂರಕ್ಷಣೆಯನ್ನು ಸೂಚಿಸುತ್ತದೆ. ಪಶ್ಚಿಮಕ್ಕೆ ಮುಖ ಮಾಡಿರುವ ಗರುಡನ ಮುಖವು ಆಧ್ಯಾತ್ಮಿಕತೆ ಹಾಗೂ ಸ್ವತಂತ್ರವನ್ನು ಸೂಚಿಸುತ್ತದೆ. ಉತ್ತರಕ್ಕೆ ಮುಖ ಮಾಡಿರುವ ವರಾಹ ಧನಾ ಹಾಗೂ ಸಮೃದ್ಧಿಯನ್ನು ಸೂಚಿಸುತ್ತದೆ. ಮೇಲಕ್ಕೆ ಮುಖ ಮಾಡಿರುವ ಹಯಗ್ರೀವ ಬುದ್ಧಿವಂತಿಕೆಯನ್ನು ಒಳಗೊಂಡಿದೆ.

ಪಂಚಮುಖಿ ಹನುಮಂತನ ವಿಗ್ರಹದ ಪ್ರಯೋಜನಗಳು ಹಾಗೂ ಐತಿಹ್ಯವೇನು?

ಹನುಮನ ವಿಗ್ರಹವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದರಿಂದ ಮನೆಯಲ್ಲಿರುವ ವಾಸ್ತು ದೋಷವನ್ನು ನಿವಾರಣೆ ಯಾಗುತ್ತದೆ. ಕೆಟ್ಟ ಶಕ್ತಿಯು ಮನೆಯಿಂದ ದೂರವಾಗುತ್ತದೆ. ಇದು ಮನೆಗೆ ಸುಖ, ಶಾಂತಿ, ಸಮೃದ್ಧಿಯನ್ನು ತಂದು ಕೊಡುತ್ತದೆ.

ದುಷ್ಟ ಶಕ್ತಿಗಳನ್ನು ನಿಗ್ರಹಿಸುತ್ತದೆ

ಪಂಚಮುಖಿ ಹನುಮಾನ್‌ನ ಚಿತ್ರವು ಭೂತ ಪ್ರೇತಗಳ ಭಯವನ್ನು ದೂರ ಮಾಡುತ್ತದೆ. ಅಂತೆಯೇ ದುಷ್ಟ ಶಕ್ತಿಗಳನ್ನು ನಾಶ ಮಾಡುತ್ತದೆ ಎಂಬ ನಂಬಿಕೆ ಇದೆ.