ಬಾಳೆತೋಟದಲ್ಲಿ ಡ್ರಗ್ಸ್‌ ದಂಧೆ: ಪ್ರಗತಿಪರ ಯುವ ರೈತ ಬಂಧನ

ಕೇರಳದಲ್ಲಿ ಪ್ರಗತಿಪರ ಯುವ ರೈತ ಎಂದು ಪ್ರಶಸ್ತಿ ಪಡೆದು, ಯುವ ಕೃಷಿಕರಿಗೆ ಸ್ಪೂರ್ತಿಯಾಗಿದ್ದ 31 ವರ್ಷದ ಧನೇಶ್‌ ಎಸ್‌ ನಾಯರ್‌ ಅಲಿಯಾಸ್‌ ಡ್ಯಾನಿ ಎನ್ನುವಾತ ಮೈಸೂರು ಜಿಲ್ಲೆಯ ನಂಜನಗೂಡಿನಲ್ಲಿ ಡ್ರಗ್ಸ್‌ ಪೆಡ್ಲರ್‌ ಆಗಿ ಸಿಕ್ಕಿಬಿದ್ದಿದ್ದಾನೆ. ಈತನ ಬಂಧನದಿಂದ ಮೈಸೂರಿನಲ್ಲಿ ಡ್ರಗ್ಸ್‌ ಜಾಲ ಪತ್ತೆಯಾಗಿದೆ.

Sponsored

ಧನೇಶ್‌ ನಂಜನಗೂಡಿನ ಕುರಿಹುಂಡಿ ಗ್ರಾಮದಲ್ಲಿ ಜಮೀನು ಗುತ್ತಿಗೆ ಪಡೆದು ಬಾಳೆ ಗಿಡ ಬೆಳೆಸಿದ್ದು, ಇದೇ ಬಾಳೆಗೊನೆಗಳಲ್ಲಿ ಡ್ರಗ್ಸ್‌ ಅಡಗಿಸಿ ಸಾಗಾಟ ಮಾಡುತ್ತಿದ್ದ. ಕೇರಳ ಪೊಲೀಸರು ಕಾರ್ಯಾಚರಣೆ ಮಾಡಿ 720 ಗ್ರಾಂ ಎಂಡಿಎಂಎ ಹಾಗೂ 800 ಎಂಎಲ್‌ ಹ್ಯಾಶ್‌ ಆಯಿಲ್‌ ವಶಪಡಿಸಿಕೊಂಡಿದ್ದಾರೆ.

ಮೈಸೂರು ಜಿಲ್ಲಾ ಪೊಲೀಸ್‌ ಅಧೀಕ್ಷಕ ಮಲ್ಲಿಕಾರ್ಜುನ್‌ ಬಾಲದಂಡಿ ಅವರು ಅಪರಿಚಿತರಿಗೆ ಜಮೀನು ಗುತ್ತಿಗೆ ನೀಡುವ ಮುನ್ನ ಎಚ್ಚರಿಕೆ ವಹಿಸಲು ಮನವಿ ಮಾಡಿದ್ದಾರೆ.