ನಿಮ್ಮ ಮಾನಸಿಕ ಆರೋಗ್ಯ ರೆಲಾಕ್ಸ್ ಆಗಿ ಇರಬೇಕೇ? ಹಾಗಿದ್ರೆ ಫಾಲೋ ಮಾಡಿ ಈ ಸೂಪರ್ ಆಸನ!

ಇತ್ತೀಚಿನ ದಿನಗಳಲ್ಲಿ ಯೋಗಾಸನ ಪ್ರತಿಯೊಬ್ಬರ ಜೀವನದ ಅವಿಭಾಜ್ಯ ಅಂಗವಾಗಿ ಬದಲಾಗುತ್ತಿದೆ. ಯಾಕಂದ್ರೆ ಮನುಷ್ಯನ ಆರೋಗ್ಯಕ್ಕೆ ಬಹಳ ಸಹಾಯಕವಾಗಿದೆ ಯೋಗ. ಯೋಗ ಮಾಡುವುದರಿಂದ ನಿಮ್ಮ ಮನಸ್ಸು ಮತ್ತು ದೇಹ ಎರಡನ್ನೂ ಆರೋಗ್ಯವಾಗಿ ಇಟ್ಟುಕೊಳ್ಳಬಹುದು. ರಕ್ತದ ಒತ್ತಡ, ತೂಕ ಕಡಿಮೆ ಮಾಡಿಕೊಳ್ಳಲು, ಒತ್ತಡವನ್ನು ಕಡಿಮೆ ಮಾಡುವುದು, ಕೊಲೆಸ್ಟ್ರಾಲ್ ಅನ್ನು ಹತೋಟಿಯಲ್ಲಿ ಇಡುವಲ್ಲಿ ಯೋಗ ಸಕಾರಾತ್ಮಕವಾದ ಪರಿಣಾಮವನ್ನು ನೀಡುತ್ತದೆ.

Sponsored

ಇಂದಿನ ಆಧುನಿಕ ಯುಗದಲ್ಲಿ ಪ್ರತಿಯೊಬ್ಬ ವ್ಯಕ್ತಿಯೂ ಹೆಚ್ಚಿನ ಒತ್ತಡಕ್ಕೆ ಗುರಿಯಾಗುತ್ತಾನೆ. ಈ ಹಂತದಲ್ಲಿ ಯೋಗವು ಮಾನಸಿಕ ಆರೋಗ್ಯಕ್ಕೆ ಅಪಾರ ಪ್ರಯೋಜನಗಳನ್ನು ನೀಡುತ್ತದೆ. ಇದು ಮನಸ್ಥಿತಿ, ಏಕಾಗ್ರತೆ, ಒತ್ತಡವನ್ನು ನಿವಾರಿಸುವುದು, ಆತಂಕ, ಖಿನ್ನತೆ ಮತ್ತು ನಿದ್ರಾಹೀನತೆಯ ಲಕ್ಷಣಗಳನ್ನು ಸುಧಾರಿಸುವಂತಹ ಪ್ರಯೋಜನಗಳನ್ನು ಒದಗಿಸುತ್ತದೆ. ಹೀಗಾಗಿ ಮಾನಸಿಕ ಆರೋಗ್ಯಕ್ಕೆ ಉತ್ತಮ ಯೋಗಾಸನಗಳ ಬಗ್ಗೆ ತಿಳಿಯೋದು ಸೂಕ್ತ. ಆದ್ದರಿಂದ ಕೆಲವೊಂದು ಯೋಗಾಸನದ ಬಗ್ಗೆ ನಿಮಗೆ ನಾವು ತಿಳಿಸುತ್ತೇವೆ ನೋಡಿ..

ಉತ್ತಾನಾಸನ:
ಮನುಷ್ಯನ ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಉತ್ತಾನಾಸನವು ತುಂಬಾ ಉಪಯುಕ್ತವಾಗಿದೆ. ಈ ಆಸನವು ಬೆನ್ನಿನ ಸ್ನಾಯುಗಳ ಮೇಲೆ ಕೆಲಸ ಮಾಡುತ್ತದೆ. ಶಕ್ತಿ ಮತ್ತು ನಮ್ಯತೆಯನ್ನು ಸುಧಾರಿಸುತ್ತದೆ. ಈ ಭಂಗಿಯಲ್ಲಿ ತಲೆ ಹೃದಯದ ಕೆಳಗಿರುತ್ತದೆ. ಉತ್ತಾನಾಸನವು ಮೆದುಳಿಗೆ ಆಮ್ಲಜನಕ-ಭರಿತ ರಕ್ತದ ಹರಿವನ್ನು ಸುಧಾರಿಸುತ್ತದೆ. ಪ್ರತಿದಿನ ಉತ್ತಾನಾಸನ ಮಾಡುವುದರಿಂದ ಆತಂಕ ಮತ್ತು ಒತ್ತಡ ಕಡಿಮೆಯಾಗುತ್ತದೆ. ಅಲ್ಲದೆ ಮನಸ್ಸನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ.

ತೀವ್ರ ಕರನಿ ಆಸನ:
ಈ ಆಸನವು ತುಂಬಾ ಸರಳವಾಗಿದೆ. ಈ ಆಸನವನ್ನು ಮಾಡುವುದರಿಂದ ವ್ಯಕ್ತಿಯಲ್ಲಿ ಆತಂಕ ಕಡಿಮೆಯಾಗುತ್ತದೆ. ಇದು ಮನಸ್ಸನ್ನು ಶಾಂತವಾಗಿಡಲು ಸಹಾಯ ಮಾಡುತ್ತದೆ. ನರಮಂಡಲವನ್ನು ಉತ್ತೇಜಿಸುತ್ತದೆ. ವಿಪರೀತ ಕರಣಿಯು ರಕ್ತದ ಹರಿವನ್ನು ಸಹ ನಿಯಂತ್ರಿಸುತ್ತದೆ. ಈ ಆಸನವು ಖಿನ್ನತೆ ಮತ್ತು ನಿದ್ರಾಹೀನತೆಗೆ ಉಪಯುಕ್ತವಾಗಿದೆ.

ಶವಾಸನ:
ಈ ಆಸನವು ಮನುಷ್ಯನಿಗೆ ಬಹಳ ಪ್ರಶತತೆಯನ್ನು ಕೊಡುತ್ತದೆ. ಸುಮ್ಮನೆ ಮಲಗುವುದು ಉಸಿರು ತೆಗೆದುಕೊಂಡಂತೆ ಅಲ್ಲ. ಈ ಆಸನವನ್ನು ಮಾಡಲು ಕೆಲವು ವಿಧಾನಗಳಿವೆ. ಅವರನ್ನು ಅನುಸರಿಸಿ ಮತ್ತು ಈ ಆಸನವನ್ನು ಮಾಡಿ. ಈ ಆಸನವು ಮಾನಸಿಕ ಆರೋಗ್ಯವನ್ನು ಹೆಚ್ಚಿಸಲು ಮತ್ತು ದೇಹವನ್ನು ವಿಶ್ರಾಂತಿ ಮಾಡಲು ಅದ್ಭುತವಾಗಿದೆ .