13 ವರ್ಷದ ಬಾಲಕಿಗೆ ಹೃದಯದ ಕವಾಟ ಉಲ್ಟಾ ಅಳವಡಿಸಿದ ಭಾರತೀಯ ಮೂಲದ ಸರ್ಜನ್ – 140 ಕೋಟಿ ದಾವೆ ಹೂಡಿದ ಕುಟುಂಬ!!

13 ವರ್ಷದ ಬಾಲಕಿಯೊಬ್ಬಳಿಗೆ ನಡೆಸಿದ ಹೃದಯ ಶಸ್ತ್ರಚಿಕಿತ್ಸೆಯ  ವೇಳೆ ಹೃದಯದ ಕವಾಟವನ್ನು  ತಲೆಕೆಳಗಾಗಿ ಅಳವಡಿಸಿದ ಗಂಭೀರ ನಿರ್ಲಕ್ಷ್ಯದ ಆರೋಪವೊಂದು ಭಾರತ ಮೂಲದ ಹೃದಯ ಶಸ್ತ್ರಚಿಕಿತ್ಸಕನ ವಿರುದ್ಧ ಬರೋಬ್ಬರಿ  ಕೇಳಿಬಂದಿದೆ.

Sponsored

ಅಮೆರಿಕದ ಒರೆಗಾನ್ ಹೆಲ್ತ್ ಆಂಡ್ ಸೈನ್ಸ್ ಯೂನಿವರ್ಸಿಟಿ (OHSU) ಮತ್ತು ಅಲ್ಲಿ ಕಾರ್ಯನಿರ್ವಹಿಸುತ್ತಿರುವ ಭಾರತೀಯ ಮೂಲದ ಹೃದಯ ಶಸ್ತ್ರಚಿಕಿತ್ಸಕ ಡಾ. ಅಶೋಕ್ ಮುರಳೀಧರನ್ ವಿರುದ್ಧ ಈ ಗಂಭೀರ ಆರೋಪ ಹೊರಿಸಲಾಗಿದೆ. ಕಳೆದ ವರ್ಷದ ಆಗಸ್ಟ್ ತಿಂಗಳಲ್ಲಿ ಈ ಶಸ್ತ್ರಚಿಕಿತ್ಸೆ ನಡೆದಿತ್ತು. ಶಸ್ತ್ರಚಿಕಿತ್ಸೆಯ ನಂತರ ಬಾಲಕಿಯ ಹೃದಯವನ್ನು ಮತ್ತೆ ಸಹಜ ಸ್ಥಿತಿಗೆ ತರಲು ವೈದ್ಯರು ಪ್ರಯತ್ನಿಸಿದಾಗ ಹೃದಯ ಸ್ಪಂದಿಸಲಿಲ್ಲ. ಧೃತಿಗೆಡದ ಪೋಷಕರು ತಮ್ಮ ಮಗಳನ್ನು ವೈಮಾನಿಕ ಆಂಬ್ಯುಲೆನ್ಸ್ ಮೂಲಕ ಸಿಯಾಟಲ್ ಮಕ್ಕಳ ಆಸ್ಪತ್ರೆಗೆ ದಾಖಲಿಸಿದರು. ಅಲ್ಲಿನ ವೈದ್ಯರು ತಪಾಸಣೆ ನಡೆಸಿದಾಗ, ಮೊದಲು ನಡೆದ ಶಸ್ತ್ರಚಿಕಿತ್ಸೆಯಲ್ಲಿ ಹೃದಯದ ಕವಾಟವನ್ನು ಉಲ್ಟಾ ಅಳವಡಿಸಿರುವುದು ಪತ್ತೆಯಾಗಿದೆ. 

ಹೀಗಾಗಿ . ಅಶೋಕ್ ಮುರಳೀಧರನ್ ವಿರುದ್ಧ  17 ಮಿಲಿಯನ್ ಡಾಲರ್ (ಸುಮಾರು 140 ಕೋಟಿ ರೂಪಾಯಿಗೂ ಹೆಚ್ಚು) ನಷ್ಟಪರಿಹಾರ ಕೋರಿ ಹುಡುಗಿಯ ಕುಟುಂಬವು ನ್ಯಾಯಾಲಯದಲ್ಲಿ ಮೊಕದ್ದಮೆ ಹೂಡಿದ್ದಾರೆ.

ಡಾ. ಅಶೋಕ್ ಮುರಳೀಧರನ್ ಅವರು ಭಾರತದ ಮದ್ರಾಸ್ ಮೆಡಿಕಲ್ ಕಾಲೇಜಿನಲ್ಲಿ ವೈದ್ಯಕೀಯ ಶಿಕ್ಷಣ ಮುಗಿಸಿ, ಅಮೆರಿಕದ ಸ್ಟ್ಯಾನ್‌ಫೋರ್ಡ್ ಮತ್ತು ಯೇಲ್ ವಿಶ್ವವಿದ್ಯಾಲಯಗಳಂತಹ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಉನ್ನತ ತರಬೇತಿ ಪಡೆದಿದ್ದಾರೆ. ಪ್ರಸ್ತುತ ಅವರು OHSU ಆಸ್ಪತ್ರೆಯ ಮಕ್ಕಳ ಹೃದಯ ಶಸ್ತ್ರಚಿಕಿತ್ಸಾ ವಿಭಾಗದ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.