ಗೋಮೂತ್ರದಲ್ಲಿ ಚಿಕುನ್ಗುನ್ಯ ವೈರಾಣು ವಿರುದ್ಧ ಹೋರಾಡುವ ಸಾಮರ್ಥ್ಯವಿದೆ ಎಂದು ಐಐಟಿ ರೂರ್ಕಿ ಸಂಶೋಧಕರು ಪತ್ತೆ ಮಾಡಿದ್ದಾರೆ. ಆದರೆ ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಪರ -ವಿರೋಧ ಚರ್ಚೆ ಹುಟ್ಟು ಹಾಕಿದೆ.
ಐಐಟಿ ರೂರ್ಕಿಯ ಬಯೋಸೈನ್ಸಸ್ ಮತ್ತು ಬಯೋಎಂಜಿನಿಯರಿಂಗ್ ವಿಭಾಗದ ಪ್ರೊ. ಶೈಲಿ ತೋಮರ್ ಮತ್ತು ಅವರ ತಂಡವು ಈ ಕುರಿತಾಗಿ ಸಂಶೋಧನೆಯನ್ನು ನಡೆಸಿದ್ದು ‘ACS Agricultural Science & Technology’ ಎಂಬ ಜರ್ನಲ್ನಲ್ಲಿ ಅಧ್ಯಯನದ ವರದಿ ಪ್ರಕಟವಾಗಿದೆ.
ಸಂಶೋಧನೆಯಲ್ಲಿ ಗೋಮೂತ್ರದ ಅರ್ಕವನ್ನು ಬಳಸಿದಾಗ ಶೇ 90ಕ್ಕಿಂತ ಹೆಚ್ಚು ಪ್ರಮಾಣದಲ್ಲಿ ಚಿಕುನ್ಗುನ್ಯ ವೈರಾಣುವಿನ ತೀವ್ರತೆ ಕಡಿಮೆಯಾಗಿದೆ. ಅದೇ ಗೋಮೂತ್ರಕ್ಕೆ ನಿಸರ್ಗ ಆಧಾರಿತ ಸೂತ್ರೀಕರಣ ಅಂದರೆ, ಯಾವುದೇ ಕೃತಕ ರಾಸಾಯನಿಕಗಳನ್ನು ಬಳಸದೆ, ಪ್ರಕೃತಿಯಲ್ಲಿ ಸಿಗುವ ನೈಸರ್ಗಿಕ ಪದಾರ್ಥಗಳನ್ನು ಬಳಸಿ ತಯಾರಿಸಿದ ಔಷಧದಿಂದ ವೈರಾಣು ತೀವ್ರತೆ ಶೇ 99.85ರಷ್ಟು ಕಡಿಮೆಯಾಗಿದೆ. ಹೀಗಾಗಿ ಐಐಟಿ ರೂರ್ಕಿಯ ಈ ಸಂಶೋಧನೆ ವೈದ್ಯಕೀಯ ಲೋಕಕ್ಕೆ ಅಮೂಲ್ಯ ಕೊಡುಗೆ ನೀಡಲಿದೆ.
ಐಐಟಿ ರೂರ್ಕಿ ತನ್ನ ಅಧಿಕೃತ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಈ ಸಂಶೋಧನೆಯನ್ನು ಹಂಚಿಕೊಳ್ಳುತ್ತಿದ್ದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಪರ- ವಿರೋಧ ಚರ್ಚೆ ಶುರುವಾಗಿದೆ.
