‘ಮೋದಿಯನ್ನು ದೂರದೆ ಸ್ವದೇಶಿ ವಸ್ತು ಬಳಸಿ, ರೂಪಾಯಿ ದರ ಹೆಚ್ಚುತ್ತೆ’ ಎಂದ ಮಹಿಳೆ – ‘ಅಕ್ಕ ನೀವು ಜಪಾನ್ ಕಾರಿನಲ್ಲಿ ಕುಳಿತಿದ್ದೀರಿ’ ಎಂದು ಬಾಯಿಮುಚ್ಚಿಸಿದ ಪತ್ರಕರ್ತ!!
ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿಯುತ್ತಿರುವುದಕ್ಕೆ ಅನೇಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ ಅಲ್ಲದೆ ಪ್ರಧಾನಿ ನರೇಂದ್ರ ಮೋದಿಯ ವಿರುದ್ಧ ಕಿಡಿ ಕಾರುತ್ತಿದ್ದಾರೆ. ಈ ವಿಚಾರದ ಬಗ್ಗೆ ಇಲ್ಲೊಬ್ಬ ಪತ್ರಕರ್ತ ಜನರನ್ನು ಮಾತನಾಡಿಸುತ್ತಾ ಹೋಗುವಾಗ ಮಹಿಳೆಯೊಬ್ಬರು “ಮೋದಿಯನ್ನು ದೂರದೇ ನೀವು ಸ್ವದೇಶಿ ವಸ್ತುವನ್ನು ಬಳಸಿ. ಆಗ ರೂಪಾಯಿ ಸ್ಟ್ರಾಂಗ್ ಆಗುತ್ತದೆ” ಎಂದು ಕಿವಿಮಾತು ಹೇಳಿದ್ದಾರೆ. ಆಗ ಆ ಪತ್ರಕರ್ತ ಹೇಗೆ ಮಹಿಳೆಯ ಬಾಯಿ ಮುಚ್ಚಿಸಿದ ಎಂದು ಗೊತ್ತಾದರೆ ನೀವು ಕೂಡ ನಗುತ್ತಿರಿ.
Sponsoredಸುದ್ದಿ ವಾಹಿನಿಯೊಂದರ ನಿರೂಪಕ ಸಾರ್ವಜನಿಕರ ಬಳಿ ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿತದ ಬಗ್ಗೆ ಅಭಿಪ್ರಾಯ ಕೇಳಲು ಮುಂದಾಗಿದ್ದಾರೆ. ಈ ವೇಳೆ ಕಾರಿನಲ್ಲಿ ಕುಳಿತ ಮಹಿಳೆಯೊಬ್ಬರು ‘ಮೋದಿ ಸರ್ಕಾರವನ್ನು ನಿಂದಿಸುವ ಬದಲು ಯಾವಾಗ ದೇಶದ ಜನತೆ ಸ್ವದೇಶಿ ಉತ್ಪನ್ನಗಳನ್ನು ಬಳಸಲು ಶುರು ಮಾಡುತ್ತಾರೋ ಅಂದು ರೂಪಾಯಿ ಮೌಲ್ಯ ಬಲಿಷ್ಠಗೊಂಡು ಇರುವ ತೊಂದರೆಗಳೆಲ್ಲ ಬಗೆಹರಿಯಲಿದೆ’ ಎಂದು ಹೇಳಿದ್ದಾರೆ.
ಹೀಗೆ ಮಹಿಳೆ ಉತ್ತರ ನೀಡುತ್ತಿದ್ದಂತೆ ಮರು ಪ್ರಶ್ನೆ ಹಾಕಿದ ನಿರೂಪಕ ‘ಹಾಗಾದರೆ ನೀವ್ಯಾಕೆ ಜಪಾನ್ ದೇಶದ ಫಾರ್ಚುನರ್ ಕಾರನ್ನು ಬಳಸುತ್ತಿದ್ದೀರಿ?’ ಎಂದು ಕೌಂಟರ್ ಕೊಟ್ಟಿದ್ದಾರೆ. ಈ ಪ್ರಶ್ನೆಗೆ ತಬ್ಬಿಬ್ಬಾದ ಮಹಿಳೆ ‘ನೀವು ಯಾಕೆ ನನ್ನ ಕಾರಿನ ಬಗ್ಗೆ ಪ್ರಶ್ನೆ ಮಾಡುತ್ತಿದ್ದೀರಿ? ಟಾಟಾ ಕಂಪನಿ ಓವರ್ ರತನ್ ಟಾಟಾ ಬಳಿ ಸಹ ಈ ಕಾರಿದೆ’ ಎಂದು ಉತ್ತರಿಸಿದ್ದಾರೆ. ಆದರೆ ಹೀಗೆ ಸ್ವದೇಶಿ ಉತ್ಪನ್ನ ಬಳಸಿ ಎಂದು ಇತರರಿಗೆ ಉಪದೇಶ ಮಾಡುವ ಈಕೆಯೇ ಸ್ವದೇಶಿ ಕಾರು ಖರೀದಿಸದೇ ಜಪಾನಿನ ಕಾರನ್ನು ಖರೀದಿಸಿರುವುದನ್ನು ಕಂಡು ನೆಟ್ಟಿಗರು ವಿಡಿಯೊ ಹಂಚಿಕೊಂಡು ಕಾಲೆಳೆದಿದ್ದಾರೆ.




