Advertisement
Advertisement
ಮಧುರೈ: ತನಿಷ್ಕ್ ಜ್ಯುವೆಲ್ಲರ್ ಮಳಿಗೆಯಲ್ಲಿ ನಡೆದ ದರೋಡೆ ಪ್ರಕರಣದ ಪ್ರಮುಖ ಆರೋಪಿ ಯೂಟ್ಯೂಬರ್ ನಿಶಾಂತ್ನನ್ನು ತಮಿಳುನಾಡು ಪೊಲೀಸರು ಬಂಧನ ಮಾಡಿದ್ದಾರೆ.
Sponsoredನಿಶಾಂತ್ ತಂದೆ ಸುರೇಶ್ ಮತ್ತು ಆತನ ಆಪ್ತ ಸ್ನೇಹಿತೆ, ಇನ್ಸ್ಟಾಗ್ರಾಂ ಇನ್ಫ್ಲುಯೆನ್ಸರ್ ಮೀನಾಕ್ಷಿ ಎಂಬುವವರನ್ನು ಬಂಧನ ಮಾಡಲಾಗಿದ್ದು, ವಿಚಾರಣೆ ನಡೆಯುತ್ತಿದೆ.
ಧರ್ಮಪುರಿ ಮಾರ್ಗವಾಗಿ ಸೇಲಂ ಕಡೆಗೆ ಹೋಗುತ್ತಿದ್ದ ಖಾಸಗಿ ಬಸ್ (ಓಮ್ನಿ ಬಸ್) ನಲ್ಲಿ ಟೋಪಿ ಧರಿಸಿ ಮುಖ ಮುಚ್ಚಿಕೊಂಡು ನಿಶಾಂತ್ ಕುಳಿತಿದ್ದ. ಇದನ್ನು ಕಂಡು ಅನುಮಾನ ಬಂದ ಕಂಡಕ್ಟರ್ ಕೂಡಲೇ ಧರ್ಮಪುರಿ ಜಿಲ್ಲೆಯ ಅಧಿಯಮಾನ್ ಕೋಟೆ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದರು. ಈ ಮಾಹಿತಿಯ ಅನುಸಾರ ಪೊಲೀಸರು ಕಾರ್ಯಾಚರಣೆ ಮಾಡಿ, ಬಸ್ ತಡೆದು ನಿಲ್ಲಿಸಿದ್ದರು. ಈ ಸಂದರ್ಭದಲ್ಲಿ ಆರೋಪಿ ಪರಾರಿಯಾಗಲು ಯತ್ನ ಮಾಡಿದ್ದಾನೆ. ಆದರೆ ಪೊಲೀಸರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಾಗಲಿಲ್ಲ.
ಆರೋಪಿಯನ್ನು ಬಂಧಿಸಿ, ಹೆಚ್ಚಿನ ವಿಚಾರಣೆಗಾಗಿ ಮಧುರೈಗೆ ಕರೆತರಲಾಗುತ್ತಿದೆ.