ಕೇತನ್ ಕೊಲೆ ಪ್ರಕರಣ – ನಮ್ಮ ಮಗಳನ್ನು ಅದೇ ಕೋಟೆಯ ಮೇಲಿಂದ ತಳ್ಳಿ ಸಾಯಿಸಿ ಇಲ್ಲಾ ಗಲ್ಲಿಗೇರಿಸಿ ಎಂದ ಸಿಯಾ ಅಪ್ಪ, ಅಮ್ಮ
ಮುಂಬೈನಲ್ಲಿ ಉದ್ಯಮಿ ಕೇತನ್ ಅಗರ್ವಾಲ್ ಅವರ ಕೊಲೆ ಪ್ರಕರಣ ಇಡೀ ದೇಶವನ್ನೇ ಬೆಚ್ಚಿ ಬೀಳಿಸಿದೆ. ಯುವತಿ ಸಿಯಾ, ಮದುವೆಯಾಗುವ ಇಷ್ಟವಿಲ್ಲದಿದ್ದರೂ, ಖುಷಿಖುಷಿಯಿಂದ ಎಂಗೇಜ್ಮೆಂಟ್ ಮಾಡಿಕೊಂಡು, ಭಾವಿ ಪತಿ ನೀಡಿದ್ದ ಸರ್ಪ್ರೈಸ್ ಗಿಫ್ಟ್ ಅನ್ನೂ ಸ್ವಲ್ಪವೂ ಮುಖದಲ್ಲಿ ಡೌಟೇ ಬರದ ಹಾಗೆ ಖುಷಿಯಿಂದ ಸ್ವೀಕರಿಸಿ ಕೊನೆಗೆ ಕೊಲೆ ಮಾಡಿರುವ ವಿಚಾರ ದೇಶದ ಜನರನ್ನು ದಂಗುಬಡಿಸಿದೆ. ಇದೀಗ ಸಿಯಾಳ ಅಪ್ಪ-ಅಮ್ಮ, ನಮ್ಮ ಮಗಳನ್ನು ಅದೇ ಜಾಗದಿಂದ ತಳ್ಳಿ ಸಾಯಿಸಿ ಅಥವಾ ಗಲ್ಲಿಗೇರಿಸಿ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
Sponsoredಹೌದು, ತಮ್ಮ ಮಗಳು ಇಂಥದ್ದೊಂದು ಕ್ರೂರ ಕೃತ್ಯಕ್ಕೆ ಕೈಹಾಕುತ್ತಾಳೆ ಎಂದು ಕನಸಿನಲ್ಲಿಯೂ ಊಹಿಸದ ಸಿಯಾಳ ಅಪ್ಪ-ಅಮ್ಮ ಚೇತರಿಸಿಕೊಳ್ಳಲಾಗದಂತಹ ಅಘಾತಕ್ಕೆ ಒಳಗಾಗಿದ್ದಾರೆ. ಅವರಿಗೂ ತಮ್ಮ ಮಗಳು ತಪ್ಪಿತಸ್ಥಳು ಎಂದು ತಿಳಿದಿದೆ. ಆದರೆ ಕಾನೂನಿನ ದೃಷ್ಟಿಯಲ್ಲಿ ಅಪರಾಧಿ ಆಗುವವರೆಗೂ ಆಕೆ ಆರೋಪಿಯಷ್ಟೇ ಅಲ್ಲವೇ, ಆದರೂ ತಮ್ಮ ಮಗಳು ಅಪರಾಧಿ ಎಂದು ಸಾಬೀತಾದರೆ ಅವಳನ್ನು ಅದೇ ಕೋಟೆಯ ಮೇಲಿನಿಂದಲೇ ತಳ್ಳಿ ಸಾಯಿಸಿ, ಅಲ್ಲದೆ ಗಲ್ಲಿಗೇರಿಸಿ ಎಂದು ಅಪ್ಪ-ಅಮ್ಮ ಮಾಧ್ಯಮಗಳ ಎದುರು ಹೇಳಿದ್ದಾರೆ.
ಕೇತನ್ ನನಗೆ ಮಗನಿದ್ದಂತೆ. ಈ ದುರಂತ ಘಟನೆಯು ನಮ್ಮ ಎರಡೂ ಕುಟುಂಬಗಳನ್ನು ಸಂಪೂರ್ಣವಾಗಿ ಛಿದ್ರಗೊಳಿಸಿದೆ. ನಾವೆಲ್ಲರೂ ಅತ್ಯಂತ ಸಂಭ್ರಮದಿಂದ ಮದುವೆಗೆ ತಯಾರಿ ನಡೆಸುತ್ತಿದ್ದೆವು. ಇಂತಹ ಘೋರ ಕೃತ್ಯ ನಡೆದಿದೆ ಎಂಬುದನ್ನು ಇಂದಿಗೂ ನಮಗೆ ನಂಬಲು ಸಾಧ್ಯವಾಗುತ್ತಿಲ್ಲ. ನನ್ನ ಮಗಳು ಇಂಥದ್ದೊಂದು ಭೀಕರ ಕೃತ್ಯ ಮಾಡಿದ್ದಾಳೆ ಎಂದರೆ ನಂಬಲು ಆಗುತ್ತಲೇ ಇಲ್ಲ. ಅವಳು ಇದು ಮಾಡಿದ್ದೇ ಹೌದಾದರೆ ಅವಳಿಗೂ ಅದೇ ರೀತಿಯ ಶಿಕ್ಷೆ ಆಗಬೇಕು, ಕೋಟೆಯ ಮೇಲಿನಿಂದ ಅವಳನ್ನೂ ತಳ್ಳಿ ಸಾಯಿಸಿಬಿಡಿ ಎಂದು ತಮ್ಮ ಮನಸ್ಸನ್ನು ಕಲ್ಲು ಮಾಡಿಕೊಂಡು ಕಣ್ಣೀರಾಗಿದ್ದಾರೆ.




