ಇತ್ತೀಚಿನ ದಿನಗಳಲ್ಲಿ ಮಹಿಳೆಯರು, ಹುಡುಗಿಯರು ಹೊರಗಡೆ ಒಣ ಹಾಕಿದ ಒಳಉಡುಪುಗಳನ್ನು ವಿಚಿತ್ರ ರೀತಿಯ ಕಾಮುಕರು ಕದ್ದುಕೊಂಡು ಹೋಗುವ ಪ್ರಕರಣಗಳು ಬೆಳಕಿಗೆ ಬರುತ್ತಿವೆ. ಇಂಥವರಿಗೆ ಪೊಲೀಸರು ಸರಿಯಾಗಿ ಬುದ್ಧಿಯನ್ನು ಕಲಿಸಿರುವುದು ಉಂಟು. ಅಂತೆಯೇ ಇಲ್ಲೊಂದೆಡೆ ಕಾಲೇಜು ಹುಡುಗಿಯರ ಹಾಸ್ಟೆಲ್ ನಲ್ಲಿ ಅವರ ಒಳಉಡುಪುಗಳು ಕಳ್ಳತನವಾಗುತ್ತಿವೆ. ಆದರೆ ಹುಡುಗಿಯರಿಗೆ ಒಳ ಉಡುಪು ಕಳ್ಳತನ ವಾಗುವುದಕ್ಕಿಂತಲೂ ಕಳ್ಳರ ಕುರಿತಾಗಿ ಆ ಒಂದು ಚಿಂತೆ ಕಾಡುತ್ತಿದೆಯಂತೆ!!
ಸೋಶಿಯಲ್ ಮೀಡಿಯಾ ಒಂದರಲ್ಲಿ ವಿಡಿಯೋವನ್ನು ಹಂಚಿಕೊಂಡಿರುವ ಯುವತಿಯೊಬ್ಬಳು ತಮ್ಮ ಹಾಸ್ಟೆಲ್ ನಲ್ಲಿ ಒಳಉಡುಪು ಕಳ್ಳತನವಾಗುತ್ತಿರುವ ಬಗ್ಗೆ ಹೇಳಿಕೊಂಡಿದ್ದಾಳೆ. ಈ ವಿಡಿಯೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲಾಗುತ್ತಿದ್ದು ಸಂಚಲನ ಸೃಷ್ಟಿಸಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ವಿದ್ಯಾರ್ಥಿನಿಯೊಬ್ಬಳು ತನ್ನ ಗೆಳತಿಯೊಂದಿಗೆ ಹಾಸ್ಟೆಲ್ ಕಾರಿಡಾರ್ನಲ್ಲಿ ಸಾಗುತ್ತಾ, ಗಂಭೀರ ವಿಷಯವೊಂದನ್ನು ಅತ್ಯಂತ ಹಾಸ್ಯಮಯವಾಗಿ ವಿವರಿಸಿರುವುದನ್ನು ಕಾಣಬಹುದು. ವಿಡಿಯೋದ ಆರಂಭದಲ್ಲಿ ಆಕೆ “ಗೈಸ್, ಬಾಯ್ಸ್ ಹಾಸ್ಟೆಲ್ನಲ್ಲಿ ಸಾಮಾನ್ಯವಾಗಿ ಏನು ಕಳ್ಳತನವಾಗುತ್ತೆ? ಲ್ಯಾಪ್ಟಾಪ್ ಅಥವಾ ಚಾರ್ಜರ್ ಅಲ್ವಾ?’. ಆದರೆ, ಹುಡುಗಿಯರ ಹಾಸ್ಟೆಲ್ ಕಥೆಯೇ ಬೇರೆ ಇದೆ. ಅದೇನೆಂದರೆ ನಮ್ಮ ಗರ್ಲ್ಸ್ ಹಾಸ್ಟೆಲ್ನಲ್ಲಿ ಬ್ರಾಗಳು ಕಳ್ಳತನವಾಗುತ್ತಿವೆ” ಎಂದು ಹೇಳುತ್ತಾಳೆ.
ಮುಂದುವರಿದು ಆಕೆ ಹೇಳುವ ಮಾತುಗಳು ಈಗ ನೆಟ್ಟಿಗರ ಗಮನ ಸೆಳೆದಿವೆ. ‘ನನ್ನ ಬ್ರಾ ಕಳ್ಳತನವಾಗಿದೆ ಎನ್ನುವುದಕ್ಕಿಂತಲೂ, ನಾನು ಧರಿಸುವ 32B ಸೈಜ್ನ ಬ್ರಾ ಆ ಕಳ್ಳಿಗೆ ಹೇಗೆ ಸರಿಹೊಂದುತ್ತದೆ (Fit) ಎನ್ನುವುದೇ ನನ್ನ ದೊಡ್ಡ ಚಿಂತೆ’ ಎಂದು ಆಕೆ ತಮಾಷೆ ಮಾಡಿದ್ದಾಳೆ. ಕದ್ದ ವಸ್ತುವನ್ನು ಮರಳಿ ಕೊಡುವಂತೆ ಮನವಿ ಮಾಡುತ್ತಾ, ‘ಬೇರೆಯವರ ವಸ್ತುಗಳನ್ನು ಬಳಸಲು ನಿಮಗೆ ಹೇಗೆ ಸಾಧ್ಯವಾಗುತ್ತದೆ? ಬಹುಶಃ ಈ ಕಳ್ಳತನಕ್ಕೆ ಬಡತನವೇ ಕಾರಣವಿರಬಹುದು’ ಎಂದು ಹಾಸ್ಯದ ಧಾಟಿಯಲ್ಲಿ ಲೇವಡಿ ಮಾಡಿದ್ದಾಳೆ. ಸದ್ಯ ಈ ವಿಡಿಯೋ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಪರ- ವಿರೋಧ ಚರ್ಚೆ ಉಂಟಾಗಿದೆ.
