ಸೋಮವಾರ, 16 ನವೆಂಬರ್ 2026
Trending

ತಲೆ ಬೋಳಿಸಿಕೊಂಡ್ರೆ ಸರ್ಕಾರದಿಂದ ₹15,000 ಸಿಗುತ್ತೆ ಅಂತ ಊರ ಮಹಿಳೆಯರ ಬಕ್ರ ಮಾಡಿದ ವ್ಯಕ್ತಿ!!

Advertisement
Advertisement

ಸರ್ಕಾರದಿಂದ ಉಚಿತವಾಗಿ ಹಣ ಸಿಗುತ್ತದೆ ಎಂಬ ಆಸೆಗೆ ಬಿದ್ದ ಅಮಾಯಕ ಮಹಿಳೆಯರು, ಅಪರಿಚಿತ ವ್ಯಕ್ತಿಯ ಮಾತು ನಂಬಿ ತಲೆ ಬೋಳಿಸಿಕೊಂಡು ಬಕ್ರ ಆದ ಘಟನೆ ಪುದುಕೊತ್ತಂಬಾಡಿ ಗ್ರಾಮದಲ್ಲಿ ನಡೆದಿದೆ.

Sponsored

ಪುದುಕೊತ್ತಂಬಾಡಿ ಗ್ರಾಮದ ಪಳನಿಯಮ್ಮಾಳ್ ಎಂಬ ಮಹಿಳೆಗೆ ಅಪರಿಚಿತ ವ್ಯಕ್ತಿಯೊಬ್ಬ ಕರೆ ಮಾಡಿ, ತಾನು ಜಿಲ್ಲಾ ತಹಶೀಲ್ದಾರ್ ಕಚೇರಿಯ ಹಿರಿಯ ಅಧಿಕಾರಿ ಎಂದು ಪರಿಚಯಿಸಿಕೊಂಡು, ವಿದೇಶಗಳಲ್ಲಿ ಕೊರೊನಾ ಮಾದರಿಯ ಹೊಸ ವೈರಸ್ ತೀವ್ರವಾಗಿ ಹರಡುತ್ತಿದ್ದು, ಮಹಿಳೆಯರು ತಲೆ ಬೋಳಿಸಿಕೊಳ್ಳುವುದರಿಂದ ಈ ಅಪಾಯದಿಂದ ಪಾರಾಗಬಹುದು ಎಂದು ಸುಳ್ಳು ಕಥೆ ಕಟ್ಟಿ ಭಯ ಹುಟ್ಟಿಸಿದ್ದಾನೆ.

Advertisement
Advertisement

ಅಲ್ಲದೆ ತಮಿಳುನಾಡು ಸರ್ಕಾರ ವಿಶೇಷ ಯೋಜನೆ ರೂಪಿಸಿದೆ ಎಂದು ನಂಬಿಸಿದ ವಂಚಕ, ತಲೆ ಬೋಳಿಸಿಕೊಳ್ಳುವ ಪ್ರತಿ ಮಹಿಳೆಗೆ ₹15,000, ವಿದ್ಯಾರ್ಥಿನಿಯರಿಗೆ ₹45,000 ಹಣದ ಜೊತೆಗೆ ಉಚಿತ ಲ್ಯಾಪ್‌ಟಾಪ್ ಹಾಗೂ ಪುರುಷರಿಗೆ ₹6,000 ನೀಡಲಾಗುವುದು ಎಂದು ಆಮಿಷ ಒಡ್ಡಿ ಇಡೀ ಊರಿನಲ್ಲಿ ಕೇವಲ 18 ಜನರಿಗೆ ಮಾತ್ರ ಈ ಆಫರ್ ಲಭ್ಯವಿದ್ದು, ಅದರಲ್ಲಿ ನಿಮ್ಮ ಹೆಸರೂ ಆಯ್ಕೆಯಾಗಿದೆ ಎಂದು ಹೇಳಿ ಮಹಿಳೆಯನ್ನು ಸಂಪೂರ್ಣವಾಗಿ ಬುಟ್ಟಿಗೆ ಹಾಕಿಕೊಂಡಿದ್ದಾನೆ. 

Advertisement

ಅಧಿಕಾರಿಯ ಮಾತು ನಿಜವೆಂದು ನಂಬಿದ ಪಳನಿಯಮ್ಮಾಳ್ ತಕ್ಷಣವೇ ಈ ವಿಷಯವನ್ನು ನೆರೆಹೊರೆಯ ಮಹಿಳೆಯರಿಗೆ ತಿಳಿಸಿದ್ದಾರೆ. ಉಚಿತವಾಗಿ ಹಣ ಸಿಗುತ್ತದೆ ಎಂಬ ಖುಷಿಯಲ್ಲಿ ಸ್ಥಳೀಯ ಕ್ಷೌರಿಕನನ್ನು ಕರೆಸಿ, ಕಾವೇರಿ, ರಾಮಾಯಿ ಮತ್ತು ಚಿತ್ರಾ ಎಂಬ ಮಹಿಳೆಯರು ಉತ್ಸಾಹದಿಂದಲೇ ತಲೆ ಬೋಳಿಸಿಕೊಂಡಿದ್ದಾರೆ. ಇನ್ನುಳಿದ ಕೆಲವರು ತಲೆ ಬೋಳಿಸಿಕೊಳ್ಳಲು ಸಾಲಿನಲ್ಲಿ ನಿಂತಿದ್ದಾಗ, ಹಣ ಖಾತೆಗೆ ಯಾವಾಗ ಜಮೆಯಾಗುತ್ತದೆ ಎಂದು ತಿಳಿಯಲು ಪಳನಿಯಮ್ಮಾಳ್ ಮತ್ತೆ ಆ ವ್ಯಕ್ತಿಯ ಮೊಬೈಲ್‌ಗೆ ಕರೆ ಮಾಡಿದ್ದಾರೆ.

ಆ ವ್ಯಕ್ತಿಯ ಮೊಬೈಲ್ ಫೋನ್ ಸ್ವಿಚ್ ಆಫ್ ಆಗಿತ್ತು. ಸತತವಾಗಿ ಕರೆ ಮಾಡಿದರೂ ಸಂಪರ್ಕ ಸಿಗದಿದ್ದಾಗ ಅನುಮಾನಗೊಂಡು ತಕ್ಷಣವೇ ಉಳಿದವರ ತಲೆ ಬೋಳಿಸುವುದನ್ನು ತಡೆದಿದ್ದಾರೆ. ನಂತರ ಸ್ಥಳೀಯವಾಗಿ ವಿಚಾರಿಸಿದಾಗ ಇದೊಂದು ಕಿಡಿಗೇಡಿಯ ಸೈಬರ್ ವಂಚನೆ ಎಂಬುದು ಸ್ಪಷ್ಟವಾಗಿದೆ. ಸಿನಿಮಾ ಶೈಲಿಯಲ್ಲಿ ನಡೆದ ಈ ವಿಚಿತ್ರ ಘಟನೆ ಈಗ ರಾಜ್ಯಾದ್ಯಂತ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. 

Advertisement
Advertisement