ಶುಕ್ರವಾರ, 20 ನವೆಂಬರ್ 2026

ಕುದುರೆಗಳನ್ನೇ ಮೀರಿಸಿದ ‘ಕಾಲಾ ಬಾದಲ್’ ಕ್ರೇಜ್: 760 ಕೆ.ಜಿ ತೂಕದ ಈ ಕೋಣಕ್ಕೆ 1 ಕೋಟಿ ರೂ. ಡಿಮ್ಯಾಂಡ್!

Advertisement
Advertisement
Sponsored

ಜೈಪುರ: ರಾಜಸ್ಥಾನದ ವಿಶ್ವಪ್ರಸಿದ್ಧ ಪುಷ್ಕರ್ ಮೇಳದಲ್ಲಿ ಸಾಮಾನ್ಯವಾಗಿ ದುಬಾರಿ ಕುದುರೆಗಳದ್ದೇ ಕಾರುಬಾರು ಇರುತ್ತದೆ. ಆದರೆ ಈ ಬಾರಿ ಕುದುರೆಗಳ ಬದಲಿಗೆ ಮಧ್ಯಪ್ರದೇಶದಿಂದ ಬಂದಿರುವ ಮುರ್ರಾ ತಳಿಯ ‘ಕಾಲಾ ಬಾದಲ್’ ಎಂಬ ದೈತ್ಯ ಕೋಣವು ಮೇಳಕ್ಕೆ ಬಂದವರ ಕಣ್ಮನ ಸೆಳೆಯುತ್ತಿದೆ.
​
1 ಕೋಟಿ ರೂ. ಮೌಲ್ಯ, ಆದರೂ ಮಾರಾಟಕ್ಕಿಲ್ಲ:
ಕೇವಲ 20 ತಿಂಗಳ ವಯಸ್ಸಿನಲ್ಲೇ ಬರೋಬ್ಬರಿ 760 ಕೆ.ಜಿ ತೂಕ ಹೊಂದಿರುವ ಈ ಕೋಣಕ್ಕೆ ಅದರ ಮಾಲೀಕ ಶೈಲೇಂದ್ರ ಚೌಧರಿ ಅವರು 1 ಕೋಟಿ ರೂಪಾಯಿ ಮೌಲ್ಯ ಕಟ್ಟಿದ್ದಾರೆ. ಇಷ್ಟು ದೊಡ್ಡ ಮೊತ್ತದ ಬೇಡಿಕೆ ಇದ್ದರೂ, ಮುರ್ರಾ ತಳಿಯ ಶ್ರೇಷ್ಠತೆ ಮತ್ತು ಇದರಿಂದ ಪ್ರತಿ ತಿಂಗಳು ಲಭಿಸುತ್ತಿರುವ ಲಕ್ಷಾಂತರ ರೂಪಾಯಿ ನಿರಂತರ ಆದಾಯದ ಕಾರಣದಿಂದ ಮಾಲೀಕರು ಇದನ್ನು ಮಾರಾಟ ಮಾಡಲು ಸುತಾರಾಂ ಒಪ್ಪುತ್ತಿಲ್ಲ.

Sponsored

​ಕೋಟಿ ಬೆಲೆಯ ಕೋಣಗಳ ಇತಿಹಾಸ:
ಪುಷ್ಕರ್ ಮೇಳದಲ್ಲಿ ಕೋಟಿ ಬೆಲೆಯ ಕೋಣಗಳು ಸುದ್ದಿಯಾಗುತ್ತಿರುವುದು ಇದೇ ಮೊದಲೇನಲ್ಲ. 2023ರಲ್ಲಿ ಹರಿಯಾಣದ ಸಿರ್ಸಾದಿಂದ ಬಂದಿದ್ದ 1,570 ಕೆ.ಜಿ ತೂಕದ ‘ಅನ್ಮೋಲ್’ ಎಂಬ ಮುರ್ರಾ ತಳಿಯ ಕೋಣಕ್ಕೆ ಬರೋಬ್ಬರಿ 11 ಕೋಟಿ ರೂಪಾಯಿ ಬೆಲೆ ನಿಗದಿಪಡಿಸಲಾಗಿತ್ತು. ಸುಮಾರು 150 ಕರುಗಳ ಜನನಕ್ಕೆ ಕಾರಣವಾಗಿದ್ದ ಆ ಕೋಣವನ್ನು ಒಂದೇ ಬಾರಿಗೆ ಮಾರಾಟ ಮಾಡುವುದಕ್ಕಿಂತ, ತಳಿ ಅಭಿವೃದ್ಧಿಗೆ ಬಳಸಿಕೊಳ್ಳುವುದರಿಂದ ದೀರ್ಘಾವಧಿಯಲ್ಲಿ ಹೆಚ್ಚಿನ ಲಾಭ ಗಳಿಸಬಹುದು ಎಂಬುದು ಮಾಲೀಕರ ದೂರದೃಷ್ಟಿಯಾಗಿತ್ತು.

Advertisement
Advertisement

https://www.instagram.com/p/Df56vhPR93k/?utm_source=ig_embed&utm_campaign=embed_video_watch_again

Advertisement

​ಕೋಣದ ವೀರ್ಯವನ್ನು ಸಂಗ್ರಹಿಸಿ ವೈಜ್ಞಾನಿಕವಾಗಿ ಪರೀಕ್ಷಿಸಿದ ನಂತರ, ಸಣ್ಣ ನಳಿಕೆಗಳಲ್ಲಿ ತುಂಬಿ ಅತಿ ಕಡಿಮೆ ತಾಪಮಾನದಲ್ಲಿ ಶೇಖರಿಸಿಡಲಾಗುತ್ತದೆ. ಬಳಿಕ ದೂರದ ಊರುಗಳಲ್ಲಿರುವ ಎಮ್ಮೆಗಳಿಗೆ ಕೃತಕ ಗರ್ಭಧಾರಣೆ ಮಾಡಲು ಇದನ್ನು ಬಳಸಲಾಗುತ್ತದೆ. ಇದರಿಂದ ದೈತ್ಯ ಕೋಣಗಳನ್ನು ಬೇರೆಡೆಗೆ ಸಾಗಿಸುವ ಶ್ರಮವಿಲ್ಲದೆಯೇ ತಳಿ ಅಭಿವೃದ್ಧಿ ಸುಲಭವಾಗುತ್ತದೆ.
​
ಮಾಲೀಕರಿಗೆ ನಿರಂತರ ಆದಾಯದ ಮೂಲ:
ವೀರ್ಯ ಮಾರಾಟದಿಂದಲೇ ಮಾಲೀಕರಿಗೆ ಪ್ರತಿ ತಿಂಗಳು ಕೈತುಂಬಾ ಆದಾಯ ಹರಿದುಬರುತ್ತಿದೆ. 2023ರಲ್ಲಿ ‘ಅನ್ಮೋಲ್’ ಕೋಣದ ಒಂದು ಡೋಸ್ ವೀರ್ಯ 250 ರೂಪಾಯಿಗೆ ಮಾರಾಟವಾಗಿ ತಿಂಗಳಿಗೆ ಲಕ್ಷಾಂತರ ರೂಪಾಯಿ ವಹಿವಾಟು ನಡೆಯುತ್ತಿತ್ತು. ತದನಂತರ 2025ರಲ್ಲಿ ಮತ್ತೊಬ್ಬ ಮಾಲೀಕರು ಒಂದು ಟ್ಯೂಬ್ ಅನ್ನು 400 ರೂಪಾಯಿಗೆ ಮಾರಾಟ ಮಾಡಿ ತಿಂಗಳಿಗೆ 70,000 ದಿಂದ 80,000 ರೂಪಾಯಿ ಆದಾಯ ಗಳಿಸುತ್ತಿರುವುದಾಗಿ ತಿಳಿಸಿದ್ದರು. ಹೀಗೆ ತಳಿಯ ಗುಣಮಟ್ಟ ಮತ್ತು ಬೇಡಿಕೆಯನ್ನು ಆಧರಿಸಿ ನಿರಂತರ ಆದಾಯ ಬರುತ್ತಿರುವುದರಿಂದ, ಕೋಟ್ಯಂತರ ರೂಪಾಯಿ ಆಫರ್ ಬಂದರೂ ಮಾಲೀಕರು ಇವುಗಳನ್ನು ಮಾರಾಟ ಮಾಡದೆ ತಮ್ಮ ಆದಾಯದ ಮೂಲವಾಗಿ ಉಳಿಸಿಕೊಂಡಿದ್ದಾರೆ.

​ಮುರ್ರಾ ತಳಿ ಮತ್ತು ವೀರ್ಯ ಮಾರಾಟದ ಲಾಭದಾಯಕ ಉದ್ಯಮ:
ಮುರ್ರಾ ತಳಿಯ ಎಮ್ಮೆಗಳು ಅತಿ ಹೆಚ್ಚು ಹಾಲು ನೀಡುವ ಸಾಮರ್ಥ್ಯ ಹೊಂದಿರುವುದರಿಂದ ಹೈನುಗಾರಿಕೆಯಲ್ಲಿ ತೊಡಗಿರುವ ರೈತರು ತಮ್ಮ ಎಮ್ಮೆಗಳಿಗೂ ಇದೇ ತಳಿಯ ಉತ್ತಮ ಕರುಗಳು ಜನಿಸಬೇಕೆಂದು ಬಯಸುತ್ತಾರೆ. ಈ ಕಾರಣದಿಂದ ಈ ಕೋಣಗಳ ವೀರ್ಯಕ್ಕೆ ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆಯಿದೆ.

Advertisement
Advertisement