Advertisement
Advertisement
ಧಾರವಾಡ: ವೀರಾಂಜನೇಯನಿಗೆ ಮಾಡಿದ ಬೆಣ್ಣೆ ಪೂಜೆಯಲ್ಲಿ ಅಲಂಕಾರ ಮಾಡಿದ ನಂದಿನಿ ಬೆಣ್ಣೆ 16 ದಿನವಾದರೂ ಕರಗದೇ ಇದ್ದಿದ್ದು ಭಕ್ತರಲ್ಲಿ ಪವಾಡದ ಅನುಭೂತಿ ನೀಡಿದೆ.
Sponsoredಬೆಣ್ಣೆ ಪೂಜೆಯಲ್ಲಿ ಅಲಂಕರಿಸುವ ಬೆಣ್ಣೆ ಸಾಮಾನ್ಯವಾಗಿ ಆ ದಿನವೇ ಕರಗಿ ಹೋಗುತ್ತದೆ. ಗರಿಷ್ಠವೆಂದರೆ ಮೂರು ದಿನ ಇದ್ದರೂ ವಾಸನೆ ಬರುತ್ತದೆ. ಆದರೆ ನಗರದ ಕೆಲಗೇರಿ ರಸ್ತೆಯ ಶಿರಡಿ ಸಾಯಿಬಾಬಾ ದೇವಸ್ಥಾನದ ಸಮೀಪದ ಕೃಷಿನಗರದಲ್ಲಿರುವ ಶ್ರೀ ವೀರ ಆಂಜನೇಯ ದೇವಸ್ಥಾನದಲ್ಲಿ ವೀರಾಂಜನೇಯನಿಗೆ ಮಾಡಿರುವ ಬೆಣ್ಣೆ ಪೂಜೆಯ ಬೆಣ್ಣೆ ಅದೇ 16 ದಿನವಾದರೂ ಕರಗದೇ ಹಾಗೇ ಇದೆ.
ಅ. 31 ರಂದು ವಿಶೇಷ ಬೆಣ್ಣೆ ಪೂಜೆ ನಡೆದಿದ್ದು, ಬೆಣ್ಣೆ ಕರಗಿಲ್ಲ, ವಾಸನೆಯೂ ಇಲ್ಲ. ಎಂಟು ಕೆಜಿ ನಂದಿನಿ ಬೆಣ್ಣೆಯನ್ನು ಮೂರ್ತಿಗೆ ಅಲಂಕಾರ ಮಾಡಿದ್ದು, ಗೋಡಂಬಿ, ಬಾದಾಮಿ ಕೂಡ ಲೇಪಿಸಲಾಗಿದೆ. ಇದೊಂದು ಪವಾಡ ಎಂದು ಬೆಣ್ಣೆ ಪೂಜೆ ನೆರವೇರಿಸಿದ ಕೆಸಿಡಿ ಗಣಪತಿಯ ಅರ್ಚಕ ದತ್ತಾತ್ರೇಯ ಕುಲಕರ್ಣಿಯವರ ಮಾತು.
ಈ ಸುದ್ದಿ ಹಡುತ್ತಿದ್ದಂತೆ ದೇವಸ್ಥಾನಕ್ಕೆ ಬರುವ ಭಕ್ತರ ಸಂಖ್ಯೆ ಹೆಚ್ಚುತ್ತಿದೆ.