Bad Urine Smell: ಮೂತ್ರ ವಿಸರ್ಜನೆ ವೇಳೆ ಕೆಟ್ಟ ವಾಸನೆ ಬರುತ್ತಿದೆಯೇ ? ಹಾಗಾದರೆ ಈ ಕಾಯಿಲೆಗಳ ಬಗ್ಗೆ ಎಚ್ಚರಿಕೆಯ ಗಂಟೆ ಆಗಿರಬಹುದು

ಆರೋಗ್ಯವವೇ ಮನುಷ್ಯನ ಅತಿದೊಡ್ಡ ಆಸ್ತಿಯು ಹೌದು. ಆರೋಗ್ಯ ಕಾಪಾಡಿಕೊಳ್ಳಲು ಮನುಷ್ಯ ಹರಸಾಹಸ ಪಡುತ್ತಿದ್ದಾನೆ ಅಂದರೆ ತಪ್ಪಾಗಲಾರದು. ಯಾಕೆಂದರೆ ಆರೋಗ್ಯ ಇದ್ದರೆ ಮನುಷ್ಯ ಪರಿಪೂರ್ಣ ಅನಿಸಿಕೊಳ್ಳುತ್ತಾನೆ. ಆದರೆ ಪ್ರಸ್ತುತ ಮನುಷ್ಯ ಒಂದಲ್ಲಾ ಒಂದು ಆರೋಗ್ಯ ಸಮಸ್ಯೆಯನ್ನು ಎದುರಿಸುತ್ತಿರುವುದು ನಮಗೆ ಗೊತ್ತಿರುವ ವಿಚಾರ. ಬಿಡುವಿಲ್ಲದ ಸ್ಪರ್ಧಾತ್ಮಕ ಬದುಕಿನಲ್ಲಿ ಕೆಲವೊಂದು ಸಣ್ಣ ಸಮಸ್ಯೆಗಳು ಹೇಗೆ ಕಾಣಿಸಿಕೊಳ್ಳುತ್ತವೆ ಎಂಬ ಗೊಂದಲ ಎಲ್ಲರಿಗೂ ಕಾಡಬಹುದು.

Sponsored

ದೇಹದ ಆರೋಗ್ಯ ಸಮಸ್ಯೆಯಲ್ಲಿ ಮೂತ್ರ ವಿಸರ್ಜನೆ ವೇಳೆ ಬರುವ ಕೆಟ್ಟ ವಾಸನೆ ಸಹ ಕಾಯಿಲೆಯ ಲಕ್ಷಣ ಆಗಿದೆ.
ಮುಖ್ಯವಾಗಿ ಮೂತ್ರದಲ್ಲಿ ಹೆಚ್ಚಿನ ಪ್ರಮಾಣ ನೀರಿನದ್ದಾಗಿದ್ದರೆ, ಇನ್ನೂ ಕೆಲವು ಭಾಗ ಸೋಡಿಯಂ, ಪೊಟ್ಯಾಸಿಯಮ್, ಕ್ಯಾಲ್ಸಿಯಂ, ಅಮೋನಿಯಾ, ಕ್ಲೋರೈಡ್ ನಿಂದ ತುಂಬಿರುತ್ತದೆ. ದೇಹದಲ್ಲಿ ನೀರಿನ ಪ್ರಮಾಣ ಹೆಚ್ಚಾಗುತ್ತಿದ್ದಂತೆ ಮೂತ್ರದ ಬಣ್ಣವು ನೀರಿನಂತೆ ಇರುತ್ತದೆ. ಅದಲ್ಲದೆ ಆರೋಗ್ಯವನ್ನು ದೇಹದಿಂದ ಹೊರಬರುವ ದ್ರವ್ಯದ ವಾಸನೆ, ಬಣ್ಣದ ಮೂಲಕ ತಿಳಿಯಬಹುದುದಾಗಿದೆ. ಒಂದು ವೇಳೆ ದೇಹವು ನಿರ್ಜಲೀಕರಣಗೊಂಡಾಗ ಮೂತ್ರದ ಬಣ್ಣ ಮತ್ತು ವಾಸನೆ ಬದಲಾಗುತ್ತದೆ. ಅಷ್ಟೇ ಅಲ್ಲದೆ, ಇವು ಕೆಲವು ಆರೋಗ್ಯ ಸಮಸ್ಯೆಗಳ ಮುನ್ಸೂಚನೆಯನ್ನೂ ನೀಡುತ್ತದೆ.

ಕೆಲವೊಂದು ಬಾರಿ ಮೂತ್ರ ವಿಸರ್ಜನೆ ಮಾಡುವ ಸಂದರ್ಭದಲ್ಲಿ ಕೆಟ್ಟ ವಾಸನೆ ಸಮಸ್ಯೆ ಅಥವಾ ನೋವು, ಬಣ್ಣ ಬದಲಾವಣೆ ಆಗಿರುವುದು ಹೀಗೆ ಕೆಲ ವಿಚಾರಗಳು ನಿಮ್ಮ ಗಮನಕ್ಕೆ ಬಂದಿರಬಹುದು. ಆದರೆ ಇವುಗಳ ಬಗ್ಗೆ ನಿರ್ಲಕ್ಷ್ಯ ವಹಿಸಬೇಡಿ. ಏಕೆಂದರೆ ಇವುಗಳು ಗಂಭೀರ ಕಾಯಿಲೆಗಳ ಮುನ್ಸೂಚನೆ ಆಗಿರುತ್ತದೆ ಎಂದು ತಜ್ಞರು ಮಾಹಿತಿ ನೀಡಿದ್ದಾರೆ.

ಮೂತ್ರನಾಳದ ಸಮಸ್ಯೆಯ ಮುಖ್ಯ ಲಕ್ಷಣಗಳು:

• ಜಠರ ಕರುಳಿನ ಗಾಳಿಗುಳ್ಳೆಯ ಫಿಸ್ಟುಲಾ ಸಮಸ್ಯೆಯು ಮೂತ್ರದಲ್ಲಿ ಮಲ ವಾಸನೆ ಬರಲು ಕಾರಣವಾಗುತ್ತದೆ. ಕೆಲವೊಮ್ಮೆ ಈ ಸಮಸ್ಯೆಯ ಪರಿಹಾರಕ್ಕೆಂದು ಶಸ್ತ್ರಚಿಕಿತ್ಸೆಯನ್ನೂ ಮಾಡಲಾಗುತ್ತದೆ.
• ಮೇಪಲ್ ಸಿರಪ್ ಮೂತ್ರದ ಕಾಯಿಲೆಯು ಅನುವಂಶೀಯವಾಗಿದ್ದು, ಇದರ ಸ್ಥಿತಿಯನ್ನು ಬಾಲ್ಯದಲ್ಲಿಯೇ ತಿಳಿದುಕೊಳ್ಳಬಹುದು. ಈ ಸಮಸ್ಯೆಯಿಂದ ಬಳಲುತ್ತಿರುವ ಮಕ್ಕಳ ಮೂತ್ರವು ತೀವ್ರ ಕೆಟ್ಟ ವಾಸನೆ ಬರುತ್ತದೆ.
• ಮೂತ್ರನಾಳದಲ್ಲಿ ಸಮಸ್ಯೆಯಿದ್ದರೆ, ಮೂತ್ರದಲ್ಲಿ ಅಮೋನಿಯಾ ವಾಸನೆ ಕಂಡುಬರುತ್ತದೆ. ಇದರ ಜೊತೆಗೆ ಮೂತ್ರ ಮಾಡುವ ಸಂದರ್ಭದಲ್ಲಿ ಉರಿಯುವುದು, ರಕ್ತ ವಿಸರ್ಜನೆ ಆಗುವುದು ಎಲ್ಲಾ ಮೂತ್ರನಾಳದ ಸಮಸ್ಯೆಯ ಲಕ್ಷಣಗಳು. ಹೀಗಿರುವಾಗ ವೈದ್ಯರನ್ನು ತಕ್ಷಣ ಸಂಪರ್ಕಿಸುವುದು ಸೂಕ್ತ.
• ಇತ್ತೀಚಿನ ದಿನಗಳಲ್ಲಿ ಅನೇಕ ಜನರು ಮಧುಮೇಹದಿಂದ ಬಳಲುತ್ತಿದ್ದಾರೆ. ಈ ಸಮಸ್ಯೆ ಉಳ್ಳವರ ಮೂತ್ರದಲ್ಲಿ ಗ್ಲೂಕೋಸ್ ಪ್ರಮಾಣ ಹೆಚ್ಚಾಗಿರುತ್ತದೆ. ಜೊತೆಗೆ ಮಧುಮೇಹಿಗಳ ಮೂತ್ರವು ತುಂಬಾ ಕೆಟ್ಟ ವಾಸನೆಯಿದ್ದು, ಕೊಳೆತ ಹಣ್ಣಿನ ವಾಸನೆ ಬರುತ್ತದೆ. ಮಧುಮೇಹವನ್ನು ನಿಯಂತ್ರಣದಲ್ಲಿಟ್ಟರೆ ಈ ಸಮಸ್ಯೆಯನ್ನು ಗುಣಪಡಿಸಲು ಸಾಧ್ಯ.
• ಅಮೋನಿಯ ಅಥವಾ ಮಸ್ಟಿನೆಸ್ನ ವಾಸನೆ ಬಂದರೆ ಅದು ಯಕೃತ್ತಿನ ರೋಗದ ಸಂಕೇತ. ಯಕೃತ್ತು ಸರಿಯಾಗಿ ಕೆಲಸ ಮಾಡದಿದ್ದರೆ ಮೂತ್ರ ಮತ್ತು ರಕ್ತದಲ್ಲಿ ಅಮೋನಿಯಾ ಸಂಗ್ರಹ ಆಗುತ್ತದೆ. ಆಗ ಕೆಟ್ಟ ವಾಸನೆ ಬರಲು ಪ್ರಾರಂಭವಾಗುತ್ತದೆ.
• ಪಿತ್ತಜನಕಾಂಗದಲ್ಲಿ ಅಡಚಣೆ ಇದ್ದ ಸಂದರ್ಭದಲ್ಲೂ ಚರ್ಮ ಮತ್ತು ಕಣ್ಣುಗಳು ಹಳದಿ ಬಣ್ಣಕ್ಕೆ ತಿರುಗುತ್ತವೆ. ಕಿಬ್ಬೊಟ್ಟೆಯಲ್ಲಿ ನೋವು, ವಾಂತಿ, ಊತ ಮತ್ತು ರಕ್ತಸ್ರಾವದಂತಹ ಕೆಲ ರೋಗಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ.
• ಗಾಳಿಗುಳ್ಳೆಯ ಸೋಂಕುಗಳು ಮೂತ್ರ ಕೆಟ್ಟ ವಾಸನೆ ಬರಲು ಪ್ರಮುಖ ಕಾರಣ. ಅಷ್ಟೇ ಅಲ್ಲದೆ, ಈ ಸಮಸ್ಯೆ ಇದ್ದವರು, ಪದೇ ಪದೇ ಮೂತ್ರ ವಿಸರ್ಜನೆ ಮಾಡಲು ಹೋಗುತ್ತಾರೆ.

ಮೂತ್ರನಾಳ ದೇಹದಲ್ಲಿನ ಸೂಕ್ಷ್ಮ ಭಾಗವು ಹೌದು. ಆದ್ದರಿಂದ ಮೂತ್ರ ನಾಳಕ್ಕೆ ಯಾವುದೇ ರೀತಿಯ ಸೋಂಕು ತಗುಳದಂತೆ ಎಚ್ಚರ ವಹಿಸುವುದು ಉತ್ತಮ.