ಅಮೆರಿಕಾ ಸಂಸತ್ತಿನ ಸಮಿತಿಯ ವಿಚಾರಣೆ ಸಂದರ್ಭದಲ್ಲಿ ಬಿಲ್ಗೇಟ್ಸ್ ತಮ್ಮ ವಿವಾಹೇತರ ಸಂಬಂಧಗಳ ಕುರಿತು ಮುಕ್ತವಾಗಿ ಒಪ್ಪಿಕೊಂಡಿದ್ದು, ನನಗೆ ಮೂವರ ಜೊತೆ ಅಫೇರ್ ಇತ್ತು ಎಂದು ಹೇಳಿರುವುದಾಗಿ ವರದಿಯಾಗಿದೆ.
ಹೌದು, ಬ್ರಿಡ್ಜ್ ಪ್ಲೇಯರ್ ಮಿಲಾ ಆಂಟೋನೊವಾ, ಪರಮಾಣು ಭೌತಶಾಸ್ತ್ರಜ್ಞೆ ಕರಿಮಾ ನಿಗ್ಮಾತುಲಿನಾ, ವೈದ್ಯಕೀಯ ಉದ್ಯಮಿ ಆಲಿಸ್ ಜಾಕೋಬ್ಸ್ ನೆಸೆಲ್ರೋಡ್ಟ್ ಅವರ ಜೊತೆಗಿನ ಮೂರನೇ ಸಂಬಂಧವನ್ನು ಬಿಲ್ಗೇಟ್ಸ್ ಒಪ್ಪಿಕೊಂಡಿದ್ದಾರೆ.
ಅಲ್ಲದೆ ಲೈಂಗಿಕ ಅಪರಾಧಿ ಜೆಫ್ರಿ ಎಪ್ಸ್ಟೀನ್ ಈ ಸಂಬಂಧಗಳ ಬಗ್ಗೆ ತಿಳಿದುಕೊಂಡಿದ್ದನು ಮತ್ತು ಬಿಲ್ಗೇಟ್ಸ್ ಅವರನ್ನು ಬ್ಲ್ಯಾಕ್ಮೇಲ್ ಮಾಡಲು ಪ್ರಯತ್ನಿಸಿದ್ದನು ಎಂದು ವರದಿಯಾಗಿದೆ. ಆದರೆ ಬಿಲ್ಗೇಟ್ಸ್ ಯಾವುದೇ ರೀತಿಯ ಲೈಂಗಿಕ ದುರ್ನಡತೆಯನ್ನು ಸ್ಪಷ್ಟವಾಗಿ ತಳ್ಳಿಹಾಕಿದ್ದಾರೆ. ಜೆಫ್ರಿ ಎಪ್ಸ್ಟೀನ್ ಅವರ ಯಾವುದೇ ಕ್ರಿಮಿನಲ್ ಚಟುವಟಿಕೆಗಳಲ್ಲಿ ತಾನು ಭಾಗಿಯಾಗಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಸ್ವಯಂಪ್ರೇರಿತರಾಗಿ ಹಾಜರಾದ ಗೇಟ್ಸ್
ಜೂ.10ರಂದು ಸಮಿತಿ ಮುಂದೆ ಸ್ವಯಂಪ್ರೇರಿತರಾಗಿ ಹಾಜರಾದ ಗೇಟ್ಸ್, ‘ರಷ್ಯಾದ ಕಾರ್ಡ್ಸ್ ಆಟಗಾರ್ತಿ ಮಿಲಾ ಆ್ಯಂಟೊನೋವಾ ಹಾಗೂ ಅಣು ಭೌತವಿಜ್ಞಾನಿ ಕರಿಮಾ ನಿಗ್ಮತುಲಿನಾ ಜತೆಗೆ ನನಗೆ ವಿವಾಹೇತರ ಸಂಬಂಧ ಇತ್ತು. ಅದು ಎಪ್ಸ್ಟೀನ್ಗೆ ಗೊತ್ತಿತ್ತು. ಬಳಿಕ ವೈದ್ಯಕೀಯ ಉದ್ಯಮಿ ಅಲೈಸ್ ಜಾಕೋಬ್ಸ್ ನೆಸೆಲ್ರೋಡ್ ಜತೆಗೂ ನಾನು ಸಂಬಂಧ ಹೊಂದಿದ್ದೆ. ಕುಟುಂಬಕ್ಕೆ ನಾನು ಮಾಡಿದ ದ್ರೋಹವನ್ನು ಎಪ್ಸ್ಟೀನ್ ನನ್ನ ವಿರುದ್ಧ ಬಳಸಲು ಮುಂದಾಗಿದ್ದ. ಅದರ ಮೇಲೆ ಆತ ಇನ್ನಷ್ಟು ಕಥೆಗಳನ್ನು ಬೇರೆ ಪೋಣಿಸಿದ್ದ. ಈ ಮೂಲಕ ಆತನ ಜತೆಗೆ ಮತ್ತೆ ಸಂಪರ್ಕದಲ್ಲಿರುವಂತೆ ಒತ್ತಡ ಹೇರಿದ್ದ’ ಎಂದರು.
‘ಈ ಸಂಬಂಧಗಳಿಗೂ ಎಪ್ಸ್ಟೀನ್ ಜತೆಗಿನ ಮಾತುಕತೆಗೂ ಯಾವುದೇ ಸಂಬಂಧ ಇಲ್ಲ. ಆತನ ಯಾವುದೇ ಅಪರಾಧಗಳಲ್ಲಿ ನನ್ನ ಪಾತ್ರ ಇಲ್ಲ’ ಎಂದು ಸ್ಪಷ್ಟಪಡಿಸಿದ ಗೇಟ್ಸ್, ಆತನ ಜತೆಗೆ ಸಂಪರ್ಕ ಉಳಿಸಿಕೊಂಡಿದ್ದು ನಾನು ಮಾಡಿದ ತಪ್ಪು ಎಂದು ಹೇಳಿಕೊಂಡಿದ್ದಾರೆ.