ಗುರುವಾರ, 19 ನವೆಂಬರ್ 2026

ಮಾರುಕಟ್ಟೆಗೆ ಭತ್ತದ ಭರ್ಜರಿ ಆವಕ: ಅಕ್ಕಿ ಪ್ರಿಯರಿಗೆ ನಿರಾಳ: ₹90ರ ಗಡಿ ದಾಟಿದ್ದ ಸೋನಾ ಮಸೂರಿ ದರ ಈಗ ₹65ಕ್ಕೆ ಕುಸಿತ

Rice Price
Image Credit Source: New 18 Kannada
Advertisement
Advertisement

ರಾಯಚೂರು, ನವೆಂಬರ್ 19: ದಿನೇ ದಿನೇ ಗಗನಕ್ಕೇರುತ್ತಿದ್ದ ಅಕ್ಕಿ ಬೆಲೆಯಿಂದ ಕಂಗಾಲಾಗಿದ್ದ ಜನಸಾಮಾನ್ಯರಿಗೆ ಇದೀಗ ಭರ್ಜರಿ ಸಿಹಿಸುದ್ದಿ ಸಿಕ್ಕಿದೆ. ಮಾರುಕಟ್ಟೆಯಲ್ಲಿ ಹೊಸ ಸೋನಾ ಮಸೂರಿ ಅಕ್ಕಿಯ ದರದಲ್ಲಿ ಗಣನಯ ಇಳಿಕೆಯಾಗಿದ್ದು, ಗ್ರಾಹಕರ ಜೇಬಿಗೆ ಕೊಂಚ ನಿರಾಳತೆ ತಂದಿದೆ.

Sponsored

​ಕಳೆದ ಕೆಲವು ದಿನಗಳ ಹಿಂದೆ ಚಿಲ್ಲರೆ ಮಾರುಕಟ್ಟೆಯಲ್ಲಿ ಪ್ರತಿ ಕೆಜಿಗೆ ₹80ರಿಂದ ₹90ರ ವರೆಗೆ ಮಾರಾಟವಾಗುತ್ತಿದ್ದ ಸೋನಾ ಮಸೂರಿ ಅಕ್ಕಿ, ಇದೀಗ ₹65ರಿಂದ ₹70ಕ್ಕೆ ಇಳಿಕೆಯಾಗಿದೆ. ಅಂದರೆ, ಪ್ರತಿ ಕೆಜಿಗೆ ಸುಮಾರು ₹10ರಿಂದ ₹20ರಷ್ಟು ದರ ಕಡಿಮೆಯಾದಂತಾಗಿದೆ. ಸಗಟು ಮಾರುಕಟ್ಟೆಯಲ್ಲೂ ಬೆಲೆ ಇಳಿಕೆಯ ಬಿಸಿ ತಟ್ಟಿದ್ದು, ಈ ಹಿಂದೆ ಕ್ವಿಂಟಲ್‌ಗೆ ₹8,500 ಇದ್ದ ಅಕ್ಕಿ ದರ ಇದೀಗ ₹6,500ಕ್ಕೆ ಬಂದು ನಿಂತಿದೆ. ಈ ಮೂಲಕ ಕ್ವಿಂಟಲ್‌ಗೆ ಬರೋಬ್ಬರಿ ₹2,000 ಕಡಿತವಾಗಿದೆ.

Advertisement
Advertisement

​ಬೆಲೆ ಇಳಿಕೆಗೆ ಕಾರಣವೇನು?
ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಗೆ ಭತ್ತದ ಪೂರೈಕೆ ಕುಸಿದಿದ್ದರಿಂದ ಅಕ್ಕಿ ಬೆಲೆ ಏರಿಕೆಯ ಹಾದಿ ಹಿಡಿದಿತ್ತು. ಆದರೆ, ಪ್ರಸ್ತುತ ಮಹಾರಾಷ್ಟ್ರ ಹಾಗೂ ತೆಲಂಗಾಣ ರಾಜ್ಯಗಳಲ್ಲಿ ಭತ್ತದ ಕಟಾವು ಕಾರ್ಯ ಪೂರ್ಣಗೊಂಡಿದ್ದು, ಅಲ್ಲಿಂದ ಹೆಚ್ಚಿನ ಪ್ರಮಾಣದಲ್ಲಿ ಭತ್ತ ಮಾರುಕಟ್ಟೆಗೆ ಆವಕವಾಗುತ್ತಿದೆ. ಅಕ್ಕಿ ಗಿರಣಿಗಳಿಗೆ (ಮಿಲ್) ಭತ್ತದ ಪೂರೈಕೆ ಹೆಚ್ಚಾಗಿರುವುದರಿಂದ ಉತ್ಪಾದನೆ ಚುರುಕುಗೊಂಡಿದ್ದು, ಸಹಜವಾಗಿಯೇ ಅಕ್ಕಿ ದರ ಇಳಿಕೆಯಾಗಲು ಕಾರಣವಾಗಿದೆ.

Advertisement
Advertisement
Advertisement