ನಂದಿನಿ ಹಾಲಿನ ಬೆಲೆ ಏರಿಕೆ ಬೆನ್ನಲ್ಲೇ, ಅಮುಲ್‌ ಮತ್ತು ಮದರ್‌ ಡೈರಿ ಹಾಲಿನ ದರ ಭರ್ಜರಿ ಹೆಚ್ಚಳ

ಇತ್ತೀಚೆಗಷ್ಟೇ ರಾಜ್ಯ ಸರಕಾರ ನಂದಿನಿ ಹಾಲಿನ ಬೆಲೆಯನ್ನು ದುಪ್ಪಟ್ಟು ಹೆಚ್ಚಳ ಮಾಡಿತ್ತು. ಇದೀಗ ಇದೇ ಹಾದಿಯಲ್ಲಿ ದೇಶದ ಪ್ರಮುಖ ಡೈರಿ ಸಂಸ್ಥೆಗಳಾದ ಗುಜರಾತ್‌ನ ಅಮುಲ್‌ ಮತ್ತು ಭಾರತ ಸರಕಾರದ ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಮಂಡಳಿಯ ಅಂಗ ಸಂಸ್ಥೆಯಾಗಿರುವ ಮದರ್‌ ಡೈರಿ ತಮ್ಮ ಹಾಲಿನ ದರವನ್ನು ಪ್ರತಿ ಲೀ ರೂ.2 ರಿಂದ ರೂ.4 ರವರೆಗೆ ಏರಿಸಿದೆ. ಈ ಪರಿಷ್ಕೃತ ದರಗಳು ಗುರುವಾರ ನವೆಂಬರ್‌ 12, 2026 ರಿಂದಲೇ ದೇಶಾದ್ಯಂತ ಜಾರಿಗೆ ಬರಲಿದೆ.

Sponsored

ಹಾಲು ಉತ್ಪಾದನೆ ಮತ್ತು ಸಂಸ್ಕರಣಾ ವೆಚ್ಚದಲ್ಲಿ ಏರಿಕೆಯಾಗಿರುವುದೇ ಈ ನಿರ್ಧಾರಕ್ಕೆ ಕಾರಣ ಎಂದು ಅಮುಲ್‌ ಕಾರಣ ನೀಡಿದೆ.

ಅಮೂಲ್ ಬೆಲೆ ಹೆಚ್ಚಳ ಇಂತಿದೆ
ಅಮುಲ್ ತಾಜಾ -ಟೋನ್ಡ್ ಹಾಲು ₹62 ಕ್ಕೆ ಏರಿಕೆಯಾಗಿದೆ
ಅಮುಲ್ ಗೋಲ್ಡ್ -ಕೆನೆ ಹಾಲು ₹80 ಕ್ಕೆ ತಲುಪಿದೆ.
ಅಮುಲ್ ಶಕ್ತಿ, ಅಮುಲ್ ಟೀ ಸ್ಪೆಷಲ್ ಪ್ರತಿ ಲೀಟರ್‌ಗೆ ಸರಿಸುಮಾರು₹2 ರಿಂದ ₹4 ರೂ ಏರಿದೆ.

ಇನ್ನೊಂದೆಡೆ, ದೆಹಲಿ-ಎನ್‌ಸಿಆರ್‌ ಭಾಗದ ಅತಿದೊಡ್ಡ ಹಲು ಪೂರೈಕೆದಾರ ಸಂಸ್ಥೆಯಾದ ಮದರ್‌ ಡೈರಿ ಕೂಡಾ ನ.12 ರಿಂದಲೇ ಜಾರಿಗೆ ಬರುವಂತೆ ದ್ರವ ಹಾಲಿನ ದರವನ್ನು ಲೀ.2 ರೂ. ರಿಂದ ರೂ.4 ರವರೆಗೆ ಹೆಚ್ಚಳ ಮಾಡಿದೆ. ಹಾಲು ಖರೀದಿ ಹೆಚ್ಚಾಗಿರುವುದರಿಂದ ಈ ಆರ್ಥಿಕ ಹೊರೆಯನ್ನು ಗ್ರಾಹಕರಿಗೆ ಅನಿವಾರ್ಯವಾಗಿ ವರ್ಗಾಯಿಸಲಾಗುತ್ತಿದೆ ಎಂದು ಕಂಪನಿ ಹೇಳಿದೆ.

ಮದರ್ ಡೈರಿಯ ಪರಿಷ್ಕೃತ ದರಗಳು ಈ ಕೆಳಗಿನಂತಿವೆ
ಟೋನ್ಡ್ ಹಾಲು : ₹58 ರಿಂದ ₹60ಕ್ಕೆ ಏರಿಕೆ
ಪೌಚ್ ಟೋನ್ಡ್ ಹಾಲು: ₹60 ರಿಂದ ₹62ಕ್ಕೆ ಏರಿಕೆ
ಫುಲ್ ಕ್ರೀಮ್ ಪೌಚ್ ಹಾಲು: ₹72 ರಿಂದ ₹76ಕ್ಕೆ ಏರಿಕೆ
ಡಬಲ್ ಟೋನ್ಡ್ ಹಾಲು: ₹54 ರಿಂದ ₹56ಕ್ಕೆ ಏರಿಕೆ
ಹಸುವಿನ ಹಾಲು: ₹62 ರಿಂದ ₹65ಕ್ಕೆ ಹೆಚ್ಚಳ