ಪವಿತ್ರ ವಚನವನ್ನು ಫ್ಯಾಷನ್ ಆಭರಣವಾಗಿ ಬಳಸಿದ್ದೇಕೆ? ಕರೀನಾ ಕಪೂರ್ ವಿರುದ್ಧ ಕಾನೂನು ಸಮರಕ್ಕೆ ಮುಂದಾದ ಮಧ್ಯಪ್ರದೇಶ ಕಾಂಗ್ರೆಸ್ ನಾಯಕ

ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಧರಿಸಿದ್ದ ವಿಶೇಷ ಪೆಂಡೆಂಟ್‌ನಿಂದಾಗಿ ವಿವಾದ ಎದುರಾಗಿದ್ದು, ಮಧ್ಯಪ್ರದೇಶದ ಕಾಂಗ್ರೆಸ್ ನಾಯಕರೊಬ್ಬರು ಅವರಿಗೆ ಕಾನೂನು ನೋಟೀಸ್ ಕಳುಹಿಸಿದ್ದಾರೆ. ದೀಪಾವಳಿ ಹಬ್ಬದ ವಿಶೇಷ ಉಡುಗೆಯೊಂದಿಗೆ ಕರೀನಾ ಕಪೂರ್ ಅವರು ಸುಮಾರು 30 ಕ್ಯಾರೆಟ್ ತೂಕದ ಹಸಿರು ಪಚ್ಚೆ ಪೆಂಡೆಂಟ್ ಧರಿಸಿದ್ದರು. ಆ ಪೆಂಡೆಂಟ್ ಮೇಲೆ ಪವಿತ್ರ ಕುರಾನ್ ಗ್ರಂಥದ ಪ್ರಸಿದ್ಧ ವಚನವಾದ ‘ಆಯತ್-ಉಲ್-ಕುರ್ಸಿ’ (Ayat-ul-Kursi) ಯನ್ನು ಕೆತ್ತಲಾಗಿದೆ.
​
ಇಸ್ಲಾಮಿಕ್ ನಂಬಿಕೆಗಳ ಪ್ರಕಾರ ಪವಿತ್ರ ವಚನಗಳನ್ನು ಧರಿಸುವಾಗ ಮತ್ತು ಸ್ಪರ್ಶಿಸುವಾಗ ಧಾರ್ಮಿಕ ನಿಯಮಗಳು ಹಾಗೂ ಪಾವಿತ್ರ್ಯತೆಯನ್ನು ಕಾಪಾಡಿಕೊಳ್ಳಬೇಕು. ಆದರೆ ಕರೀನಾ ಕಪೂರ್ ಅವರು ಅದನ್ನು ಫ್ಯಾಷನ್ ಆಕ್ಸೆಸರಿಯಂತೆ ಧರಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರದರ್ಶಿಸಿದ್ದಾರೆ ಎಂದು ಆಕ್ಷೇಪ ವ್ಯಕ್ತಪಡಿಸಲಾಗಿದೆ.

Sponsored

​ಮಧ್ಯಪ್ರದೇಶ ಕಾಂಗ್ರೆಸ್‌ನ ಮುಖ್ಯ ವಕ್ತಾರರಾದ ಅಬ್ಬಾಸ್ ಹಫೀಜ್ ಅವರು ಈ ಕಾನೂನು ನೋಟೀಸ್ ಕಳುಹಿಸಿದ್ದಾರೆ. ಇದು ಪಕ್ಷದ ಅಧಿಕೃತ ನಿಲುವಲ್ಲದೆ, ತಮ್ಮ ವೈಯಕ್ತಿಕ ನೆಲೆಯಲ್ಲಿ ಕಳುಹಿಸಿರುವ ನೋಟೀಸ್ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ಕರೀನಾ ಅವರ ಉಡುಗೆ ತೊಡುಗೆಯ ಬಗ್ಗೆ ತಮಗೆ ಯಾವುದೇ ಅಭ್ಯಂತರವಿಲ್ಲ, ಆದರೆ ಪವಿತ್ರ ಧರ್ಮಗ್ರಂಥದ ವಚನವನ್ನು ಪ್ರದರ್ಶಿಸಿದ ರೀತಿಯ ಬಗ್ಗೆ ಮಾತ್ರ ಆಕ್ಷೇಪವಿದೆ ಎಂದು ತಿಳಿಸಿದ್ದಾರೆ. ಇದೇ ವಿವಾದದಲ್ಲಿ ಸ್ಟೈಲಿಸ್ಟ್ ರಿಯಾ ಕಪೂರ್‌ಗೂ ನೋಟೀಸ್ ನೀಡಲಾಗಿದೆ.

​ಕರೀನಾ ಕಪೂರ್ ಧರಿಸಿದ್ದ ಈ ಆಭರಣ ಸಾಮಾನ್ಯವಾದದ್ದಲ್ಲ. ಇದು ಭೋಪಾಲ್‌ನ ಮಾಜಿ ರಾಜಮನೆತನಕ್ಕೆ ಸೇರಿದ ಸುಮಾರು 200 ವರ್ಷಗಳ ಹಳೆಯ ವಂಶಪಾರಂಪರ್ಯ ಆಸ್ತಿಯಾಗಿದೆ. ಕರೀನಾ ಅವರ ಪತಿ, ನಟ ಸೈಫ್ ಅಲಿ ಖಾನ್ ಅವರ ಅಜ್ಜಿ ಹಾಗೂ ಭೋಪಾಲ್‌ನ ಕೊನೆಯ ನವಾಬರ ಮಗಳಾದ ಸಾಜಿದಾ ಸುಲ್ತಾನ್ ಅವರ ಮೂಲಕ ಈ ಆಭರಣವು ಪಟೌಡಿ ಕುಟುಂಬಕ್ಕೆ ಬಂದಿದೆ.

​ಕರೀನಾ ಕಪೂರ್ ಮತ್ತು ಅವರ ಸ್ಟೈಲಿಸ್ಟ್ ರಿಯಾ ಕಪೂರ್ ಅವರು ಈ ಪೆಂಡೆಂಟ್‌ಗೆ ಸಂಬಂಧಿಸಿದ ಫೋಟೋಗಳು ಮತ್ತು ವೀಡಿಯೊಗಳನ್ನು ಸಾಮಾಜಿಕ ಜಾಲತಾಣಗಳಿಂದ ತಕ್ಷಣವೇ ತೆಗೆದುಹಾಕಬೇಕು. ​ಸಾರ್ವಜನಿಕವಾಗಿ ಕ್ಷಮೆ ಯಾಚಿಸಬೇಕು. ಭವಿಷ್ಯದಲ್ಲಿ ಧಾರ್ಮಿಕ ಭಾವನೆಗಳಿಗೆ ಧಕ್ಕೆಯಾಗುವ ರೀತಿಯಲ್ಲಿ ಪವಿತ್ರ ವಚನಗಳನ್ನು ಪ್ರದರ್ಶಿಸುವುದಿಲ್ಲ ಎಂದು ಭರವಸೆ ನೀಡಬೇಕು. ಈ ವಿಚಾರಕ್ಕೆ ಸಂಬಂಧಿಸಿದಂತೆ ಕರೀನಾ ಕಪೂರ್ ಅಥವಾ ಅವರ ತಂಡದಿಂದ ಇದುವರೆಗೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ಬಂದಿ