ಒಲಿಂಪಿಕ್ಸ್‌ ಹಾಕಿಪಟು ಸೋಮಯ್ಯ ಮನೇಲಿ ಕಳ್ಳತನ ಪ್ರಕರಣ: ಇಬ್ಬರ ಬಂಧನ

ಬೆಂಗಳೂರು: ಭಾರತ ಹಾಕಿ ತಂಡದ ಮಾಜಿ ನಾಯಕ ಸೋಮಯ್ಯ ಅವರ ಮನೆಯಲ್ಲಿ ಕಳವು ಮಾಡಿ ಪರಾರಿಯಾಗಿದ್ದ ಇಬ್ಬರು ಆರೋಪಿಗಳನ್ನು ಇಂದಿರಾನಗರ ಠಾಣೆ ಪೊಲೀಸರು ಬಂಧನ ಮಾಡಿದ್ದಾರೆ.

Sponsored

ಇಟ್ಟುಮಡು ನಿವಾಸಿ ಮಾಣಿಕ್ಯ ಅಲಿಯಾಸ್‌ ಮಣಿಕಾಂತ (31) ಮತ್ತು ಭರತ್‌ (25) ಬಂಧಿತರು.

ಆರೋಪಿಗಳಿಂದ 6 ಪದಕಗಳು, 1 ಕೊಡಗು ಕತ್ತಿ, 1 ಕ್ಯಾಮೆರ, 1 ಒಲಂಪಿಕ್‌ ಬ್ಯಾಗ್‌ ವಶಕ್ಕೆ ಪಡೆಯಲಾಗಿದೆ. ಈ ಪ್ರಕರಣದಲ್ಲಿ ಆರೋಪಿಗಳ ಪೈಕಿ ಮಾಣಿಕ್ಯನ ವಿರುದ್ಧ ಬೆಂಗಳೂರು ಸೇರಿ ರಾಜ್ಯದ ವಿವಿಧೆಡೆ 25 ಪ್ರಕರಣಗಳು ಮತ್ತು ತಮಿಳುನಾಡಿನಲ್ಲಿ 8 ಪ್ರಕರಣಗಳು ದಾಖಲಾಗಿದೆ. ಜೊತೆಗೆ 3 ಪ್ರೋಕ್ಲೋಮೇಶನ್‌, ಆರು ಎನ್‌ಬಿಡಬ್‌ ಲ್ಯೂ ಹೊರಡಿಸಲಾಗಿದೆ. ಇನ್ನೋರ್ವ ಆರೋಪಿ ಭರತ್‌ ವಿರುದ್ಧ ಒಂದು ಕೊಲೆ ಪ್ರಕರಣ, ಒಂದು ಕಳವು ಪ್ರಕರಣ ದಾಖಲಾಗಿದೆ.

ಬುಧವಾರ ಸುದ್ದಿಗೋಷ್ಠಿಯಲ್ಲಿ ನಗರ ಪೊಲೀಸ್‌ ಆಯುಕ್ತ ಸೀಮಂತ್‌ ಕುಮಾರ್‌ಸಿಂಗ್‌, ಆರೋಪಿಗಳ ಪತ್ತೆಗಾಗಿ 65 ಮಂದಿ ಅಧಿಕಾರಿ ಸಿಬ್ಬಂದಿಯ ವಿಶೇಷ ತಂಡ ರಚನೆ ಮಾಡಲಾಗಿತ್ತು. ಸಿಸಿ ಕ್ಯಾಮೆರಾ ದೃಶ್ಯ ಆಧರಿಸಿ ಆರೋಪಿಗಳ ಬಂಧನ ಮಾಡಲಾಗಿದೆ. ಇನ್ನೋರ್ವ ಆರೋಪಿಗಾಗಿ ಶೋಧಕಾರ್ಯ ನಡೆಯುತ್ತಿದೆ. ವಿಶೇಷ ತನಿಖಾ ತಂಡಕ್ಕೆ ಒಂದು ಲಕ್ಷ ರೂ. ಬಹುಮಾನ ಘೋಷಣೆ ಮಾಡಲಾಗಿದೆ ಎಂದು ಹೇಳಿದರು.