ನೇಪಾಳ ಪ್ರವಾಹ ಎಫೆಕ್ಟ್ – ನದಿಯಲ್ಲಿ ಈಜಿ ಭಾರತ ತಲುಪಿದ 5 ಆನೆಗಳು!!

ನೇಪಾಳದಲ್ಲಿ ಭೀಕರ ಜಲಪ್ರಳಯ ಉಂಟಾಗಿದ್ದು ನೂರಾರು ಸಾವು ನೋವುಗಳು ಸಂಭವಿಸಿದೆ. ಈ ಪ್ರಳಯದ ವೇಳೆ ರಭಸಕ್ಕೆ ಸಿಲುಕಿದ 5 ಕಾಡಾನೆಗಳ ಹಿಂಡು ಪ್ರವಾಹದಲ್ಲಿ ಕೊಚ್ಚಿಕೊಂಡು ಬಂದು ಉತ್ತರ ಪ್ರದೇಶದ ಬಹ್ರೈಚ್ ಜಿಲ್ಲೆಯ ಕಟರ್ನಿಯಾಘಾಟ್ ಬಳಿಯಿರುವ ಗಿರ್ಜಾಪುರಿ ಬ್ಯಾರೇಜ್ ಘಟನೆ ನಡೆದಿದೆ. 

Sponsored

ಆಗಸ್ಟ್ 25ರಂದು ಉಂಟಾದ ಪ್ರವಾಹ ದುರಂತದಲ್ಲಿ 3 ವಯಸ್ಕ ಆನೆಗಳು ಹಾಗೂ 2 ಮರಿ ಆನೆ ಮರಿಗಳು ಕೌದಿಯಾಲ ನದಿಯ ಪ್ರವಾಹದ ಸುಳಿಗೆ ಸಿಲುಕಿದ್ದವು. ನೀರಿನ ಭಾರಿ ಹರಿವಿನಿಂದಾಗಿ ಸಣ್ಣ ಮರಿಗಳಿಗೆ ತೇಲುತ್ತಿರಲು ಕಷ್ಟಸಾಧ್ಯವಾದಾಗ, ದೊಡ್ಡ ಆನೆಗಳು ಮರಿಗಳ ಸುತ್ತಲೂ ನಿಂತು ಅವುಗಳನ್ನು ಪ್ರವಾಹದ ಜ್ವಾಲೆಯಿಂದ ರಕ್ಷಿಸಲು ಅಸಾಧಾರಣ ಹೋರಾಟ ನಡೆಸಿದವು.

ಆನೆಗಳ ಹಿಂಡು ಅಪಾಯದಲ್ಲಿರುವುದನ್ನು ಗಮನಿಸಿದ ಅರಣ್ಯ ಇಲಾಖೆ ಸಿಬ್ಬಂದಿ ತಕ್ಷಣವೇ ನೀರಾವರಿ ಇಲಾಖೆಯೊಂದಿಗೆ ಸಂಪರ್ಕ ಸಾಧಿಸಿ ಬ್ಯಾರೇಜ್ ಗೇಟ್‌ಗಳನ್ನು ಮುಚ್ಚಿಸಿದರು. ಗೇಟ್‌ಗಳನ್ನು ಬಂದ್ ಮಾಡಿದ್ದರಿಂದ ನೀರಿನ ರಭಸ ಮತ್ತು ಹರಿವಿನ ವೇಗ ತಕ್ಷಣವೇ ತಗ್ಗಿತು. ಆಗ ಆನೆಗಳು ಮರಿಗಳನ್ನು ಸುರಕ್ಷಿತವಾಗಿ ದಂಡೆಯತ್ತ ನಡೆಸಿಕೊಂಡು ಹೋದವು. ತದನಂತರ ಅರಣ್ಯ ಸಿಬ್ಬಂದಿಯು ಇಡೀ ಆನೆಗಳ ಹಿಂಡನ್ನು ಬ್ಯಾರೇಜ್ ಪ್ರದೇಶದಿಂದ ದೂರಕ್ಕೆ ಕಳುಹಿಸಿ, ಸುರಕ್ಷಿತವಾಗಿ ಕಾಡಿನ ಕಡೆಗೆ ತಲುಪಿಸಿದ್ದಾರೆ.