ಎಕ್ಸೆಲ್ ಕಾಲೇಜಿನಲ್ಲಿ ಸಾಧಕ ವಿದ್ಯಾರ್ಥಿಗಳಿಗೆ ಸನ್ಮಾನ

ಗುರುವಾಯನ ಕೆರೆ: ಜುಲೈ ೫: ಕರ್ನಾಟಕದಲ್ಲಿ ಗುಣಾತ್ಮಕ ಶಿಕ್ಷಣಕ್ಕೆ ಹೆಸರು ಗಳಿಸಿರುವ ಗುರುವಾಯನ ಕೆರೆಯ ಎಕ್ಸೆಲ್ ಕಾಲೇಜಿನಲ್ಲಿ ಸಾಧಕ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು. ಪದವಿ ಪೂರ್ವ ಅಂತಿಮ ಪರೀಕ್ಷೆ,CET, JEE,CA ಫೌಂಡೇಶನ್, ಅಗ್ರಿಕಲ್ಚರಲ್ ಮತ್ತು ವಾಣಿಜ್ಯ ವಿಭಾಗದ ವಿದ್ಯಾರ್ಥಿಗಳನ್ನು ಒಳಗೊಂಡಂತೆ ೫೦೦ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.

Sponsored

ಪದವಿ ಪೂರ್ವ ಮಂಡಳಿ ಪರೀಕ್ಷೆಯಲ್ಲಿ 600 ಕ್ಕೆ 600 ಅಂಕಗಳನ್ನು ಗಳಿಸಿದ್ದ ಯಾನ ಪೊನ್ನಮ್ಮ , ಅಕ್ಷಯ್ ಮತ್ತು JEE ಪರೀಕ್ಷೆಯಲ್ಲಿ ಅತ್ಯುತ್ತಮ ಶ್ರೇಣಿ ಪಡೆದು ದಕ್ಷಿಣ ಕನ್ನಡ ಜಿಲ್ಲೆಗೆ ಪ್ರಥಮ ಸ್ಥಾನ ಗಳಿಸಿದ್ದ ವಿದ್ಯಾರ್ಥಿ ಮೌರ್ಯ ಇವರೆಲ್ಲರಿಗೂ 1 ಲಕ್ಷ ರೂಗಳ ಚೆಕ್ ವಿತರಿಸಲಾಯಿತು. ರಾಜ್ಯದ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ್ದ ಸಾಧಕ ವಿದ್ಯಾರ್ಥಿಗಳಿಗೆ ಎಕ್ಸೆಲ್ ವಿದ್ಯಾ ಸಂಸ್ಥೆಯ ಅಧ್ಯಕ್ಷರಾದ ಶ್ರೀ ಸುಮಂತ್ ಕುಮಾರ್ ಇವರು ನಗದುಬಹುಮಾನ,ಸ್ಮರಣಿಕೆ, ಪ್ರಮಾಣ ಪತ್ರ,ಹಾರ, ಶಾಲು, ಫಲ ಪುಷ್ಪಗಳನ್ನು ನೀಡಿ ಗೌರವಿಸಿದರು.

ಬಹುಮಾನವನ್ನು ಸ್ವೀಕರಿಸಿದ ಪ್ರತಿಭಾನ್ವಿತ ವಿದ್ಯಾರ್ಥಿಗಳಲ್ಲಿ ಒಬ್ಬರಾದ ಯಾನ ಪೊನ್ನಮ್ಮ ಮಾತನಾಡುತ್ತಾ ” ನನ್ನಂತಹ ಎಷ್ಟೋ ಸಾಧಕರಿಗೆ ಎಕ್ಸೆಲ್ ಪಿಯು ಕಾಲೇಜು ಸ್ಪೂರ್ತಿಯಾಗಿದೆ. ಸಾಧಿಸುವ ಕನಸಿರುವವರ ಮೊದಲ ಆಯ್ಕೆ ಎಕ್ಸೆಲ್ ಆಗಿರುತ್ತದೆ. ಪ್ರೀತಿಯ ಅಧ್ಯಕ್ಷರಾದ ಸುಮಂತ್ ಕುಮಾರ್ ಜೈನ್ ಅವರನ್ನು ಒಳಗೊಂಡಂತೆ ಕಾಲೇಜಿನ ಪ್ರತಿಯೊಬ್ಬರ ಆತ್ಮೀಯತೆ ಮತ್ತು ಮಾರ್ಗದರ್ಶನ ನನ್ನ ಸಾಧನೆಗೆ ಪ್ರಮುಖ ಕಾರಣ” ಎಂದು ಹೇಳಿದರು.

ವಿದ್ಯಾರ್ಥಿಗಳನ್ನು ಸನ್ಮಾನಿಸಿ ಮಾತನಾಡಿದ ಶ್ರೀ ಸುಮಂತ್ ಕುಮಾರವರು “ಸಾಧಕರನ್ನು ಸನ್ಮಾನಿಸಲು ನಮ್ಮ ಸಂಸ್ಥೆಯು ಸದಾ ಸಿದ್ಧವಿದೆ. ಸಾಧಕ ವಿದ್ಯಾರ್ಥಿಗಳು ನಮ್ಮ ಸಂಸ್ಥೆಯ ಆಸ್ತಿ. ಬಹು ಸಂಖ್ಯೆಯ ಸಾಧಕರನ್ನು ವೇದಿಕೆ ಮೇಲೆ ನೋಡಿ ನನಗೆ ಸಂತೋಷವಾಗುತ್ತಿದೆ” ಎಂದರು.

ಈ ಕಾರ್ಯಕ್ರಮದಲ್ಲಿ ಶ್ರೀ ಅನಿಲ್ ಕುಮಾರ್ ಭೂಮರೆಡ್ಡಿ ಹೆಚ್ಚುವರಿ ಪೊಲೀಸ್ ಅಧೀಕ್ಷಕರು, ದಕ್ಷಿಣ ಕನ್ನಡ ಜಿಲ್ಲೆ. ಡಾ. ರವೀಶ್ ಮಯ್ಯ. ಪ್ರಾಧ್ಯಾಪಕರು, ನ್ಯೂಯಾರ್ಕ್ ವಿಶ್ವ ವಿದ್ಯಾನಿಲಯ,ಡಾ. ಧನಂಜಯ ಕುಂಬ್ಳೆ.ಪ್ರಾಧ್ಯಾಪಕರು ಹಾಗೂ ಅಧ್ಯಕ್ಷರು ಎಸ್ ವಿ ಪಿ ಕನ್ನಡ ಅಧ್ಯಯನ ಸಂಸ್ಥೆ ಮಂಗಳೂರು ವಿಶ್ವ ವಿದ್ಯಾನಿಲಯ, ಶಿವಾನಂದ ತಗಡೂರು ಅಧ್ಯಕ್ಷರು, ಕರ್ನಾಟಕ ರಾಜ್ಯ ಕಾಯನಿರತ ಪತ್ರಕರ್ತರ ಸಂಘ
ಶ್ರೀ ಶಿವಪ್ರಸಾದ್ ಅಜಿಲ. ವಿಶ್ರಾಂತ ಅಭಿಯಂತರರು ಹಾಗೂ ಆಡಳಿತ ಮಂಡಳಿ ಅಧ್ಯಕ್ಷರು ಶ್ರೀ ಸತ್ಯ ದೇವತಾ ದೈವಸ್ಥಾನ ಅಳದಂಗಡಿ, ಡಾ. ನವೀನ್ ಕುಮಾರ್ ಮರಿಕೆ. ಪ್ರಾಂಶುಪಾಲರು, ವಿದ್ಯಾಸಾಗರ ಕ್ಯಾಂಪಸ್ ಡಾ. ಪ್ರಜ್ವಲ್ ಕೆಜಿ.ಪ್ರಾಂಶುಪಾಲರು, ಅರಮಲೆಬೆಟ್ಟ ಕ್ಯಾಂಪಸ್ ,ಉಪ ಪ್ರಾಚಾರ್ಯರು, ಆಡಳಿತ ಮಂಡಳಿಯ ಸರ್ವ ಸದಸ್ಯರನ್ನು ಒಳಗೊಂಡಂತೆ ಬೋಧಕ ಬೋಧಕೇತರ ಸಿಬ್ಬಂದಿ ಉಪಸ್ಥಿತರಿದ್ದರು.