ಕ್ಯಾರಾವ್ಯಾನ್‌ನಲ್ಲಿ ಒಬ್ಬಳೇ ಇರುವಾಗ ಸಹಾಯಕ ನಿರ್ದೇಶಕ ಬಂದು, ತನ್ನ ಶರ್ಟ್‌ ತೆಗೆದು..!! ಶಾಕಿಂಗ್ ಘಟನೆ ಬಿಚ್ಚಿಟ್ಟ ನಟಿ ಕಾಜಲ್ ಅಗರ್ವಾಲ್

ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಸಿನಿಮ ನಟಿಯರು ತಮ್ಮ ಸಿನಿ ಜರ್ನಿಯಲ್ಲಿ ಆದ ಕಹಿ ಅನುಭವಗಳನ್ನು ಸಂದರ್ಶನದ ವೇಳೆ ತೆರೆದಿಡುತ್ತಿದ್ದಾರೆ. ಅಂತಯೇ ದಕ್ಷಿಣ ಭಾರತದ ಖ್ಯಾತ ನಟಿ ಕಾಜಲ್ ಅಗರ್ವಾಲ್ ಅವರು ಶೂಟಿಂಗ್ ಸೆಟ್ ನಲ್ಲಿ ತಮಗಾದ ಕಹಿ ಅನುಭವವನ್ನು ಬಿಚ್ಚಿಟ್ಟಿದ್ದಾರೆ.

Sponsored

ಕಾಜಲ್ ಅಗರ್ವಾಲ್ ಅವರು ಮದುವೆ, ಮಗು ಆದ ಬಳಿಕ ಇದೀಗ ಮತ್ತೆ ತಮ್ಮ ಸಿನಿ ಜರ್ನಿಯನ್ನು ಮುಂದುವರೆಸಿದ್ದು ಉತ್ತಮ ಸಕ್ಸಸ್ ಕಾಣುತ್ತಿದ್ದಾರೆ. ಈ ವೇಳೆ ಅವರು ಸಂದರ್ಶನದಲ್ಲಿ ಇತ್ತೀಚಿನ ದಿನಗಳಲ್ಲಿ ಶೂಟಿಂಗ್ ಸೆಟ್ ನಲ್ಲಿ ಕ್ಯಾರಾವ್ಯಾನ್ ಒಳಗಡೆ ತಾವೊಬ್ಬರೇ ಇದ್ದಾಗ ಒಳಗಡೆ ಬಂದ ಸಹ ನಿರ್ದೇಶಕನಿಂದ ತಮಗಾದ ಮರೆಯಲಾಗದ ಒಂದು ಕಹಿ ಘಟನೆಯನ್ನು ನೆನೆಸಿಕೊಂಡಿದ್ದಾರೆ.

“ಕೆಲವು ದಿನಗಳ ಹಿಂದೆ ಸಿನಿಮಾವೊಂದರ ಶೂಟಿಂಗ್‌ನಲ್ಲಿ ಮೊದಲ ಟೇಕ್‌ ಮುಗಿಸಿ ನಾನು ನನ್ನ ಕ್ಯಾರಾವ್ಯಾನ್‌ನಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದೆ. ಆ ಸಮಯದಲ್ಲಿ ಆ ಚಿತ್ರದ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡುತ್ತಿದ್ದ ವ್ಯಕ್ತಿಯೊಬ್ಬ ಯಾವುದೇ ಪೂರ್ವಾನುಮತಿ ಇಲ್ಲದೆ ಹಠಾತ್ತನೆ ನನ್ನ ಕೊಠಡಿಗೆ ಪ್ರವೇಶಿಸಿದ. ಒಳಬರುತ್ತಿದ್ದಂತೆ ಆತ ತನ್ನ ಶರ್ಟ್ ಬಿಚ್ಚಿ, ಎದೆಯ ಮೇಲೆ ನನ್ನ ಹೆಸರಿನಲ್ಲಿ ಹಾಕಿಸಿಕೊಂಡಿದ್ದ ಟ್ಯಾಟೂವನ್ನು ತೋರಿಸಿದ. ಒಬ್ಬಳೇ ಇದ್ದಾಗ ನಡೆದ ಈ ಅನಿರೀಕ್ಷಿತ ಘಟನೆಯಿಂದ ನನ್ನ ಕೈಕಾಲುಗಳು ನಡುಗಿಹೋದವು” ಎಂದು ಕಾಜಲ್ ಆತಂಕದ ಕ್ಷಣವನ್ನು ವಿವರಿಸಿದ್ದಾರೆ.