Russia : ಭಾರತ ಯಾವ ದೇಶದಿಂದಲಾದ್ರೂ ತೈಲ ಖರೀದಿಸಲಿ – ರಷ್ಯಾ ಹೇಳಿಕೆ

Russia : ಭಾರತದ ಸರಕುಗಳ ಮೇಲಿದ್ದ ಸುಂಕವನ್ನು ಅಮೆರಿಕ ತೆಗೆದುಹಾಕಿದ ಬಳಿಕ ಭಾರತವು ರಷ್ಯಾದಿಂದ ತೈಲ ಖರೀದಿಯನ್ನು ಭಾರತ ನಿಲ್ಲಿಸಲಿದೆ ಎಂದು ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದರು. ಇದೀಗ ಈ ವಿಚಾರವಾಗಿ ರಷ್ಯಾ  ಪ್ರತಿಕ್ರಿಯಿಸಿದ್ದು “ಭಾರತವು ಯಾವುದೇ ದೇಶದಿಂದ ಬೇಕಿದ್ದರೂ ತೈಲ ಖರೀದಿಸಬಹುದು. ಭಾರತಕ್ಕೆ ರಷ್ಯಾ ಮಾತ್ರ ತೈಲ ಮತ್ತು ಪೆಟ್ರೋಲಿಯಂ ಉತ್ಪನ್ನಗಳನ್ನು ರಫ್ತು ಮಾಡುತ್ತಿಲ್ಲ. ದೇಶವೊಂದು ಯಾರಿಂದ ಬೇಕಿದ್ದರೂ ತೈಲ ಖರೀದಿಸಬಹುದು. ಇದರಲ್ಲಿ ಹೊಸತೇನಿಲ್ಲ’ ಎಂದು ಹೇಳಿದೆ.

Sponsored

ಹೌದು, ರಷ್ಯಾದಿಂದ ತೈಲ ಖರೀದಿಯನ್ನು ಭಾರತ ನಿಲ್ಲಿಸಲಿದೆ ಎಂಬ ಅಮೆರಿಕ ಅಧ್ಯಕ್ಷ ಡೊನಾಲ್ಟ್ ಟ್ರಂಪ್‌ ಅವರ ಹೇಳಿಕೆ ಕುರಿತ ಪತ್ರಕರ್ತರ ಪ್ರಶ್ನೆಗೆ ರಷ್ಯಾದ ವಕ್ತಾರ ಡಿಮಿತ್ರಿ ಪೆಸ್ಕೊ ಉತ್ತರಿಸಿದರು. ರಷ್ಯಾದ ‘ರಾಷ್ಟ್ರೀಯ ವಿದ್ಯುತ್‌ ಭದ್ರತಾ ನಿಧಿ’ ಸಂಸ್ಥೆಯ ತಜ್ಞರು ಈ ಬಗ್ಗೆ ಪ್ರತಿಕ್ರಿಯಿಸಿ, ‘ರಷ್ಯಾದಿಂದ ತೈಲ ಖರೀದಿಸುವುದನ್ನು ಸಂಪೂರ್ಣವಾಗಿ ನಿಲ್ಲಿಸಲು ಭಾರತಕ್ಕೆ ಸಾಧ್ಯವಿಲ್ಲ’ ಎಂದಿದ್ದಾರೆ.

ಅಲ್ಲದೆ ‘ರಷ್ಯಾವು ಭಾರತಕ್ಕೆ 15 ಲಕ್ಷ ಬ್ಯಾರಲ್‌ನಿಂದ 20 ಲಕ್ಷ ಬ್ಯಾರೆಲ್ ತೈಲ ರಫ್ತು ಮಾಡುತ್ತದೆ. ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ ತೈಲ ರಫ್ತು ಮಾಡಲು ಅಮೆರಿಕಕ್ಕೆ ಸಾಧ್ಯವೇ ಇಲ್ಲ. ಭಾರತದೊಂದಿಗೆ ವ್ಯಾಪಾರ ಒಪ್ಪಂದ ಕುದುರಿಸಿಕೊಂಡು ಗೆದ್ದು ಬಿಟ್ಟೆ ಎಂದು ಟ್ರಂಪ್‌ ಬೀಗುತ್ತಿದ್ದಾರೆ. ಅಮೆರಿಕದ ಆಗ್ರಹದ ಮೇರೆಗೇ ಈ ಒಪ್ಪಂದ ನಡೆದಿದೆ’ ಎಂದರು.