ಭಾನುವಾರ, 22 ನವೆಂಬರ್ 2026

ಸೋಪಿನೊಳಗೆ ಕಬ್ಬಿಣದ ಬ್ಲೇಡ್‌ ಪತ್ತೆ: ಮಗುವಿನ ಕೆನ್ನೆಗೆ ಗಾಯ

Uttarpradesh
Advertisement
Advertisement
Sponsored

ಗ್ರಾಹಕ ಆಯೋಗ ನೀಡಿದ ದಂಡವೇನು?

Sponsored

ಡೆಟ್ಟಾಲ್‌ ಸೋಪಿನೊಳಗೆ ಕಬ್ಬಿಣದ ಬ್ಲೇಡ್‌ ಪತ್ತೆಯಾದ ಪ್ರಕರಣಕ್ಕೆ ಕುರಿತಂತೆ ಉತ್ಪಾದಕ ಕಂಪನಿ ರೆಕಿಟ್‌ ಇಂಡಿಯಾಗೆ ಗ್ರಾಹಕ ಆಯೋಗ ರೂ.50000 ದಂಡ ವಿಧಿಸಿದೆ. ಅಂಗಡಿ ಮಾಲೀಕ ಹಾಗೂ ವಿತರಕರಿಗೂ ತಲಾ ರೂ.2000 ದಂಡ ಪಾವತಿಸುವಂತೆ ಆದೇಶಿಸಿದೆ.

Advertisement
Advertisement

ಮಧ್ಯಪ್ರದೇಶದ ಗ್ವಾಲಿಯರ್‌ನಲ್ಲಿ ಈ ಘಟನೆ ನಡೆದಿದ್ದು, ಸೋಪನ್ನು ಬಳಸುತ್ತಿದ್ದ ವೇಳೆ ಮಗುವಿನ ಕೆನ್ನೆಗೆ ಗಾಯವಾಗಿದೆ. ಆಗ ಕಬ್ಬಿಣದ ಬ್ಲೇಡ್‌ ಸೋಪಿನೊಳಗೆ ಇರುವುದು ಪತ್ತೆಯಾಗಿದೆ.

Advertisement

ಆನಂದ್‌ ನಗರ ನಿವಾಸಿ ಅಂಗದ್‌ ಸಿಂಗ್‌ ತೋಮರ್‌ ಅವರು 2025ರ ಮೇ 21 ರಂದು ಸ್ಥಳೀಯ ಮೊಹಿತ್‌ ಕಿರಾಣಿ ಅಂಗಡಿಯಿಂದ ತಲಾ ರೂ.10 ಬೆಲೆಯ 10 ಡೆಟಾಲ್‌ ಸೋಪುಗಳನ್ನು ಖರೀದಿ ಮಾಡಿದ್ದರು. ಕೆಲವು ದಿನಗಳ ಬಳಿಕ ಅವರ 10 ವರ್ಷದ ಮಗ ಅಂಶ್‌ ಸ್ನಾನ ಮಾಡುವಾಗ ಸೋಪನ್ನು ಮುಖಕ್ಕೆ ಹಚ್ಚಿದ್ದಾನೆ. ಈ ವೇಳೆ ಸೋಪಿನೊಳಗಿದ್ದ ಹರಿತವಾದ ಕಬ್ಬಿಣದ ಬ್ಲೇಡ್‌ ಮಗುವಿನ ಕೆನ್ನೆಯನ್ನು ಸೀಳಿದೆ.

ನಂತರ ತಂದೆ ಪರಿಶೀಲನೆ ಮಾಡಿದಾಗ ಸೋಪಿನೊಳಗೆ ಬ್ಲೇಡ್‌ ಇರುವುದು ಕಂಡು ಬಂದಿದೆ. ಆಗ ಆಘಾತಕ್ಕೊಳಗಾದ ಅವರು ಅಂಗಡಿಗೆ ತೆರಳಿ ವಿಷಯ ತಿಳಿಸಿದ್ದಾರೆ. ಆಗ ಅಂಗಡಿಯವರು ಬದಲಿಯಾಗಿ ಇನ್ನೊಂದು ಸೋಪನ್ನು ನೀಡಿದ್ದರು. ಆಗ ಅದನ್ನೂ ಪರಿಶೀಲನೆ ಮಾಡಿದಾಗ ಅದರೊಳಗೂ ಬ್ಲೇಡ್‌ ಇರುವುದು ಪತ್ತೆಯಾಗಿದೆ.

ಈ ಕುರಿತು ಅಂಗದ್‌ ಸಿಂಗ್‌ ಅವರು ರಾಷ್ಟ್ರೀಯ ಗ್ರಾಹಕ ಸಹಾಯವಾಗಿ 1915ಕ್ಕೆ ಕರೆ ಮಾಡಿ ದೂರು ದಾಖಲಿಸಿದ್ದರು. ನಂತರ ಗ್ವಾಲಿಯರ್‌ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗದಲ್ಲಿ ಪ್ರಕರಣ ದಾಖಲಿಸಿ ನ್ಯಾಯಕ್ಕಾಗಿ ಮನವಿ ಮಾಡಿದ್ದರು. ಕುಟುಂಬ ರೂ.3.50ಲಕ್ಷ ಪರಿಹಾರ ಬೇಡಿಕೆ ಇಟ್ಟಿತ್ತು.

ವಿಚಾರಣೆ ಸಂದರ್ಭ ಡೆಟ್ಟಾಲ್‌ ಸೋಪು ತಯಾರಕ ಕಂಪನಿಯಾದ ರೆಕಿಟ್‌ ಇಂಡಿಯಾ ಲಿಮಿಟೆಡ್‌ ತನ್ನ ಉತ್ಪಾದನಾ ಪ್ರಕ್ರಿಯೆಯಲ್ಲಿ ಹಣ ಗುಣಮಟ್ಟದ ಪರೀಕ್ಷೆಗಳನ್ನು ನಡೆಸಲಾಗುತ್ತದೆ ಎಂದು ವಾದಿಸಿತ್ತು. ಆದರೆ ಕಂಪನಿಯು ದೂರುದಾರರು ಬಳಸಿದ ನಿರ್ದಿಷ್ಟ ಸೋಪನ್ನು ಕಡ್ಡಾಯ ಗುಣಮಟ್ಟದ ಪರೀಕ್ಷೆಗೆ ಒಳಪಡಿಸಲಾಗಿತ್ತು ಎಂಬುವುದನ್ನು ಸಾಬೀತುಪಡಿಸಲು ವಿಫಲವಾಗಿದೆ ಎಂದು ಆಯೋಗ ಅಭಿಪ್ರಾಯಪಟ್ಟಿದೆ.

ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗದ ಅಧ್ಯಕ್ಷ ರಾಜೇಂದ್ರ ಪ್ರಸಾದ್‌ ಶರ್ಮಾ ಅವರು ಮಹತ್ವದ ಆದೇಶ ನೀಡಿದ್ದಾರೆ. ರೆಕಿಟ್‌ ಇಂಡಿಯಾ ಲಿಮಿಟೆಡ್‌ ರೂ.50000, ಅಂಗಡಿ ಮಾಲೀಕ ರೂ.2000, ವಿತರಕ ರೂ.2000 ಸೇರಿ ಒಟ್ಟು ರೂ.54,000 ಪರಿಹಾರ ನೀಡಲು ಆದೇಶಿಸಿದೆ.

ಗ್ರಾಹಕರು ದಿನನಿತ್ಯ ಬಳಕೆಯ ವಸ್ತಗಳಲ್ಲಿಯೂ ಗುಣಮಟ್ಟ ಮತ್ತು ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡಬೇಕೆನ್ನುವುದನ್ನು ಈ ಪ್ರಕರಣ ಮತ್ತೊಮ್ಮೆ ನೆನಪಿಸಿದೆ. ಸೋಪು, ಆಹಾರ ಪದಾರ್ಥಗಳು ಸೇರಿ ಯಾವುದೇ ಉತ್ಪನ್ನದಲ್ಲಿ ಅಸಹಜ ವಸ್ತು ಕಂಡು ಬಂದರೆ ಅದನ್ನು ಬಳಸದೆ, ಉತ್ಪನ್ನದ ಪ್ಯಾಕೆಟ್‌ ಮತ್ತು ಖರೀದಿ ಬಿಲ್‌ಗಳನ್ನು ಸುರಕ್ಷಿತವಾಗಿಟ್ಟುಕೊಂಡು ಸಂಬಂಧಪಟ್ಟ ಸಂಸ್ಥೆ ಹಾಗೂ ಗ್ರಾಹಕ ಸಹಾಯವಾಣಿಗೆ ದೂರು ನೀಡುವುದು ಒಳ್ಳೆಯದು.

Advertisement
Advertisement