Gilli-Kavya: ಗಿಲ್ಲಿ ಜೊತೆಗಿನ ಲವ್, ಹನಿಮೂನ್ ಬಗ್ಗೆ ಕಾವ್ಯ ಮಾತು

Gilli-Kavy: ಬಿಗ್ ಬಾಸ್ ಕನ್ನಡದ ಪ್ರತಿಯೊಂದು ಸೀಸನ್ ನಲ್ಲೂ ಒಂದೊಂದು ಜೋಡಿ ಫೇಮಸ್ ಆಗುತ್ತಲೇ ಇರುತ್ತದೆ. ಅಂತೆಯೇ ಬಿಗ್ ಬಾಸ್ ಕನ್ನಡ ಸೀಸನ್ 12 ರಲ್ಲಿ ತುಂಬಾ ಹೆಸರು ಮಾಡಿ ಸದ್ದು ಮಾಡಿದ ಜೋಡಿ ಎಂದರೆ ಅದು ಗಿಲ್ಲಿ ಮತ್ತು ಕಾವ್ಯ ಅವರದ್ದು. ಬಿಗ್ ಬಾಸ್ ಮನೆಯಲ್ಲಿರುವಾಗ ಮಾತ್ರವಲ್ಲ ಮನೆಯಿಂದ ಹೊರಬಂದ ಬಳಿಕವೂ ಕೂಡ ಈ ಜೋಡಿ ಸಕ್ಕತ್ ಸದ್ದು ಮಾಡುತ್ತಿದೆ. ಇವರಿಬ್ಬರ ನಡುವೆ ಸ್ನೇಹ ಸಂಬಂಧವಿದ್ದರೂ ಕೂಡ ತಮಾಷೆಗಾಗಿ ಗಿಲ್ಲಿ, ಲವ್ ಲವ್ ಎಂದು ಕಾವ್ಯ ಅವರ ಕಾಲೆಳೆಯುತ್ತಾ ಬಂದಿದ್ದಾರೆ. ಇದೀಗ ಕಾವ್ಯ ಅವರು ಇಲ್ಲಿಯವರ ಜೊತೆಗೆ ಲವ್ ಮತ್ತು ಹನಿಮೂನ್ ಬಗ್ಗೆ ಮಾತನಾಡಿದ್ದಾರೆ ಎಂದು ಸುದ್ದಿಯಾಗಿದೆ.

Sponsored

ಯಸ್, ಬಿಗ್‌ಬಾಸ್ ಸೀಸನ್ 12ರ ಸ್ಪರ್ಧಿಗಳನ್ನೆಲ್ಲಾ ಒಂದ್ಕಡೆ ಸೇರಿಸಿ ‘ದೊಡ್ಮನೆ ಹಬ್ಬ’ ಕಾರ್ಯಕ್ರಮ ಚಿತ್ರೀಕರಣ ಮಾಡಿದ್ದಾರೆ.  ಈಗಾಗಲೇ ಒಂದೊಂದೇ ಪ್ರೋಮೊ ರಿಲೀಸ್ ಆಗಿ ವೀಕ್ಷಕರ ಮನ ಗೆದ್ದಿದೆ. ಹೊಸ ಪ್ರೋಮೊದಲ್ಲಿ ಗಿಲ್ಲಿ ಹಾಗೂ ಕಾವ್ಯಾ ಸಂಭಾಷಣೆ ವೈರಲ್ ಆಗ್ತಿದೆ. ಅಂದಹಾಗೆ ಕಾರ್ಯಕ್ರಮದಲ್ಲಿ ಡಂಬ್ ಚರೇಡ್ಸ್ ಗೇಮ್ ಆಡಿಸಲಾಗಿದೆ. ಕಿವಿಗೆ ಜೋರಾಗಿ ಶಬ್ಧ ಕೇಳುವ ಮ್ಯೂಸಿಕ್ ಹಾಕಿ ಎದುರಿಗೆ ನಿಂತವರು ಹೇಳುವ ವಾಕ್ಯಗಳನ್ನು ಬರೀ ತುಟಿ ಚಲನೆ ನೋಡಿ ಕಂಡು ಹಿಡಿಯುವ ಗೇಮ್ ಆಡಿಸಲಾಗಿದೆ. ಬಳಿಕ ಒಂದು ಪದವನ್ನು ಕೊಟ್ಟು ಅದನ್ನು ನೇರವಾಗಿ ಹೇಳದೇ ಮೊತ್ತೊಂದು ರೀತಿ ಹೇಳಿ ಊಹಿಸುವಂತಹ ಟಾಸ್ಕ್ ಕೊಟ್ಟಿದ್ದಾರೆ. ಒಬ್ಬರನ್ನು ಒಬ್ಬರು ಎಷ್ಟು ಅರ್ಥ ಮಾಡಿಕೊಂಡಿದ್ದಾರೆ ಎನ್ನುವುದನ್ನು ತಿಳಿಯಲು ಈ ಗೇಮ್ ಎಂದು ಸುಷ್ಮಾ ಹೇಳಿದ್ದಾರೆ. ಅದಕ್ಕೆ ಸಂಬಂಧಿಸಿದ ಪ್ರೋಮೊ ವೈರಲ್ ಆಗ್ತಿದೆ.

ಗಿಲ್ಲಿ ಕಾವ್ಯ ಜೋಡಿಯ ಸರದಿ ಬಂದಾಗ ಕರಿಬೇವು ಸೊಪ್ಪು ಎನ್ನುವುದನ್ನು ಗುರ್ತಿಸಲು “ಕರಿಬಸಪ್ಪ ಅವರನ್ನು ರಕ್ಷಿತಾ ಏನೆಂದು ಕರೀತಾಳೆ?” ಎಂದಿದ್ದಾರೆ. ಅದಕ್ಕೆ ಕಾವ್ಯಾ ಕರಿಬೆ ಸೊಪ್ಪು ಎಂದು ಹೇಳಿ ನಕ್ಕಿದ್ದಾರೆ. ಬಳಿಕ ನಾನು ನಿನ್ನನ್ನು ಏನ್ ಮಾಡ್ತಿದ್ದೀನಿ ಎಂದು ಗಿಲ್ಲಿ ಕೇಳಿದ್ದು “ಲವ್” ಎಂದು ಕಾವ್ಯಾ ಹೇಳಿದ್ದಾರೆ. ನಾನು ನೀನು ಹೋಗೋಣ ಅಂದ್ಕೊಂಡಿದ್ವಲ್ಲ, ಎಂದು ಗಿಲ್ಲಿ ಕೇಳುತ್ತಿದ್ದಂತೆ, “ಹನಿಮೂನ್” ಎಂದು ಕಾವ್ಯಾ ಹೇಳಿರುವುದು ವೈರಲ್ ಆಗ್ತಿದೆ. ಸುಷ್ಮಾ “ಹನಿಮೂನಾ” ಎಂದು ರಾಗ ಎಳೆದಿದ್ದು ಎಲ್ಲರೂ ಬಿದ್ದು ಬಿದ್ದು ನಕ್ಕಿದ್ದಾರೆ.