ಮಗುವನ್ನು ನೆಲಕ್ಕೆ ಬಡಿದು ಕೊಂದಿದ್ದ ಆರೋಪಿಗೆ 40 ದಿನದಲ್ಲೇ ಗಲ್ಲು ಶಿಕ್ಷೆ ನೀಡಿದ ನ್ಯಾಯಾಲಯ

ಒಂದೂವರೆ ವರ್ಷದ ಗಂಡು ಮಗುವನ್ನು ನೆಲಕ್ಕೆ ಬಡಿದು ಕೊಂದ ಆರೋಪಿಗೆ 40 ದಿನದಲ್ಲಿಯೇ ಗಲ್ಲುಶಿಕ್ಷೆ ಆಗಿದೆ. ಉತ್ತರಪ್ರದೇಶದ ಫಿರೋಜಾಬಾದ್‌ನಲ್ಲಿ ಈ ಘಟನೆ ನಡೆದಿತ್ತು. ಆರವ್‌ ಕೊಲೆಯಾದ ಮಗು. ಆರೋಪಿಯನ್ನು ಜಿತೇಂದ್ರ ಅಲಿಯಾಸ್‌ ವಿರಾಜ್‌ ಎಂದು ಗುರುತಿಸಲಾಗಿದೆ. ಆರೋಪಿಗೆ ಫಿರೋಜಾಬಾದ್‌ ಜಿಲ್ಲಾ ನ್ಯಾಯಾಲಯವು ಮರಣದಂಡನೆ ವಿಧಿಸಿದೆ.

Sponsored

ಗಂಡನಿಂದ ದೂರವಾಗಿದ್ದ ಶಿಕ್ಷಕಿ ರತಿದೇವಿಯನ್ನು ಮದುವೆಯಾಗುವಂತೆ ಕಿರಾಣಿ ಶಾಪ್‌ ನಡೆಸುತ್ತಿದ್ದ ಜಿತೇಂದ್ರ ಪೀಡಿಸುತ್ತಿದ್ದ. ಆದರೆ ಆಕೆ ನನಗೆ ಈಗಾಗಲೇ ಮದುವೆಯಾಗಿದೆ. ಒಂದೂವರೆ ವರ್ಷದ ಮಗನೂ ಇದ್ದಾನೆ ಎಂದು ತಿರಸ್ಕರಿಸಿದ್ದಳು. ಇದರಿಂದ ಸಿಟ್ಟಿಗೆದ್ದ ಆತ, ಈ ಮಗುವೇ ಅಡ್ಡಿ ಎಂದು ಕೊಲೆಗೆ ಸಂಚು ರೂಪಿಸಿ. ಮೇ 31 ರಂದು ಚಾಕ್ಲೆಟ್‌ ಕೊಡಿಸುವುದಾಗಿ ಮಗುವನ್ನು ಎತ್ತೊಯ್ದು ನೆಲಕ್ಕೆ ಬಡಿದು ಕೊಂದು, ನಂತರ ಎಸ್ಕೇಪ್‌ ಆಗಿದ್ದ. ನಂತರ ಪೊಲೀಸರು ಆರೋಪಿಗೆ ಗುಂಡು ಹಾರಿಸಿ ಬಂಧಿಸಿ ಜೈಲಿಗಟ್ಟಿದ್ದರು.