Pregnancy: ನಿಮಗಿದು ಗೊತ್ತಾ? ಇಷ್ಟೇ ದಿನದಲ್ಲಿ ನೀವು ತಾಯಿ ಆಗಲಿದ್ದೀರಿ ಅನ್ನೋದು ಕನ್‌ಫರ್ಮ್ ಆಗುತ್ತೆ!

pregnancy: ಗರ್ಭಾವಸ್ಥೆಯಲ್ಲಿ ಒಂಬತ್ತು ತಿಂಗಳ ಅವಧಿಯಲ್ಲಿ ಹೆಣ್ಣಿನ ದೇಹದಲ್ಲಿ ಅನೇಕ ಬದಲಾವಣೆಗಳು ಸಂಭವಿಸುತ್ತವೆ. ಈ ಬದಲಾವಣೆಗಳು ಗರ್ಭಧಾರಣೆಯಾದ (pregnancy) ಕೆಲವು ದಿನಗಳ ನಂತರವೇ ಪ್ರಾರಂಭವಾಗುತ್ತವೆ. ಆದರೆ ಗರ್ಭ ನಿಂತ ಎಷ್ಟು ದಿನಗಳ ನಂತರ ಗರ್ಭಧಾರಣೆಯನ್ನು ಕಂಡುಹಿಡಿಯಲಾಗುತ್ತದೆ ಕೆಲವರಿಗೆ ಗೊಂದಲ ಇರಬಹುದು ಎಂದು ನಿಮಗೆ ಇಲ್ಲಿ ವಿವರಿಸಲಾಗಿದೆ.

Sponsored

ಇದನ್ನೂ ಓದಿ: Sleeping Tips: ಏನೇ ಮಾಡಿದ್ರೂ ರಾತ್ರಿ ಸರಿಯಾಗಿ ನಿದ್ರೆ ಬರ್ತಾ ಇಲ್ವಾ? ಡೋಂಟ್ ವರಿ, ಈ ಟಿಪ್ಸ್ ಫಾಲೋ ಮಾಡಿ

ಗರ್ಭಧಾರಣೆ ಅನ್ನುವುದು ಹೆಣ್ಣಿಗೆ ಒಂದು ವಿಶೇಷ ಅನುಭವ ನೀಡುತ್ತದೆ. ಗರ್ಭ ಧರಿಸಿದ ಸಂಧರ್ಭದಲ್ಲಿ ಅಂತ್ಯತ ಸೂಕ್ಷ್ಮ ಬದಲಾವಣೆಯನ್ನು ಸಹ ಹೆಣ್ಣು ಆನಂದಿಸುತ್ತಾಳೆ. ಗರ್ಭಾವಸ್ಥೆಯ ಪ್ರಾರಂಭದಿಂದ ಹಿಡಿದು ಹೆರಿಗೆಯವರೆಗೂ ಪ್ರತಿಯೊಂದು ಸಣ್ಣ ವಿಷಯದಲ್ಲೂ ಕಾಳಜಿ ವಹಿಸಬೇಕಾಗುತ್ತದೆ.

ಇದನ್ನೂ ಓದಿ: Janhvi Kapoor: ಸೀಕ್ರೆಟ್ ಒಂದನ್ನು ರಿವೀಲ್ ಮಾಡೇ ಬಿಟ್ರು ಬಾಲಿವುಡ್ ಬ್ಯೂಟಿ!

ಸದ್ಯ ನೀವು ಗರ್ಭಿಣಿಯಾಗಿದ್ದೀರಾ ಎಂದು ತಿಳಿಯುವುದಾದರೆ, 

ತಜ್ಞರ ಪ್ರಕಾರ, ಗರ್ಭಧಾರಣೆಯ 6 ರಿಂದ 12 ದಿನಗಳ ನಂತರ ಗರ್ಭಧಾರಣೆಯ ಪರೀಕ್ಷೆಯ ಮೂಲಕ ಗರ್ಭಧಾರಣೆಯನ್ನು ಕಂಡುಹಿಡಿಯಬಹುದು. ಮೂತ್ರ ಅಥವಾ ರಕ್ತದಲ್ಲಿ ಹ್ಯೂಮನ್ ಕೋರಿಯಾನಿಕ್ ಗೋನಾಡೋಟ್ರೋಪಿನ್ (ಎಚ್‌ಸಿಜಿ) ಹಾರ್ಮೋನ್ ಪರೀಕ್ಷೆಯ ಮೂಲಕ ಇರುವಿಕೆಯನ್ನು ಕಂಡುಹಿಡಿಯಲಾಗುತ್ತದೆ.

ಫಲವತ್ತಾದ ಮೊಟ್ಟೆಯು ಗರ್ಭಾಶಯದ ಒಳಪದರಕ್ಕೆ ಸೇರಿಕೊಂಡಾಗ ಈ ಎಚ್‌ಸಿಜಿ ಹಾರ್ಮೋನ್ ಉತ್ಪತ್ತಿಯಾಗಲು ಪ್ರಾರಂಭಿಸುತ್ತದೆ. ಆದರೆ ಗರ್ಭಧಾರಣೆಯ ಪರೀಕ್ಷೆಯ ಫಲಿತಾಂಶವು ಇತರ ಹಲವು ವಿಷಯಗಳ ಮೇಲೆ ಅವಲಂಬಿತವಾಗಿರುತ್ತದೆ.

ಗರ್ಭಾವಸ್ಥೆಯ ಆರಂಭದಲ್ಲಿ ನಿಮಗೆ ಈ ಲಕ್ಷಣಗಳು ಕಂಡುಬರುತ್ತವೆ: 

ಗರ್ಭಾವಸ್ಥೆಯ ಆರಂಭಿಕ ಲಕ್ಷಣಗಳು ಪ್ರತಿ ಮಹಿಳೆಗೆ ವಿಭಿನ್ನವಾಗಿರಬಹುದು, ಕೆಲವು ಮಹಿಳೆಯರು ಕೆಲವು ವಾರಗಳವರೆಗೆ ಲಕ್ಷಣಗಳನ್ನು ಗಮನಿಸುವುದಿಲ್ಲ. ಕೆಲವು ಮಹಿಳೆ ಹೆಚ್ಚು ಆಯಾಸವನ್ನು ಅನುಭವಿಸಲು ಪ್ರಾರಂಭಿಸುತ್ತಾಳೆ. ವಾಂತಿ ಮತ್ತು ವಾಕರಿಕೆ ಅನಿಸುತ್ತದೆ. ಇದಲ್ಲದೆ, ಎದೆಯಲ್ಲಿ ಭಾರ, ಆಗಾಗ್ಗೆ ಮೂತ್ರ ವಿಸರ್ಜನೆ ಮತ್ತು ಕೆಟ್ಟ ವಾಸನೆಯಂತಹ ಸಮಸ್ಯೆಗಳು ಸಹ ಸಂಭವಿಸುತ್ತವೆ. ಈ ಎಲ್ಲಾ ವಿಷಯಗಳು ಹಾರ್ಮೋನುಗಳ ಬದಲಾವಣೆಯಿಂದಾಗಿ ಸಂಭವಿಸುತ್ತವೆ. ಏಕೆಂದರೆ ಈ ಸಮಯದಲ್ಲಿ ನಮ್ಮ ದೇಹವು ಭ್ರೂಣಕ್ಕೆ ಸ್ವತಃ ತಯಾರಿ ನಡೆಸುತ್ತಿದೆ. ಈ ಅವಧಿಯಲ್ಲಿ, ಕೆಲವು ಮಹಿಳೆಯರು ಸೆಳೆತವನ್ನು ಅನುಭವಿಸಬಹುದು. ಆದರೆ ಅಂತಹ ಪರಿಸ್ಥಿತಿಯಲ್ಲಿ ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಅವಶ್ಯಕ.

ಗರ್ಭಾವಸ್ಥೆಯಲ್ಲಿ ಆರೋಗ್ಯಕರ ಜೀವನಶೈಲಿಯನ್ನು ಅಳವಡಿಸಿಕೊಳ್ಳುವುದು ಬಹಳ ಮುಖ್ಯ. ಆರೋಗ್ಯಕರ ಗರ್ಭಧಾರಣೆಯನ್ನು ಯೋಜಿಸಲು ಇದು ನಿಮಗೆ ಸಹಾಯ ಮಾಡುತ್ತದೆ. ಈ ಸಮಯದಲ್ಲಿ, ನೀವು ಸಾಕಷ್ಟು ವಿಶ್ರಾಂತಿ ತೆಗೆದುಕೊಳ್ಳುವುದು, ಸಮತೋಲಿತ ಆಹಾರ ಸೇವಿಸುವುದು, ಸಮಯಕ್ಕೆ ಸರಿಯಾಗಿ ನಿದ್ರೆ ಮಾಡುವುದು, ದೈಹಿಕವಾಗಿ ಸಕ್ರಿಯವಾಗಿರುವುದು ಬಹಳ ಮುಖ್ಯ.

ಇನ್ನು ಗರ್ಭಧಾರಣೆ ಸಮಯದಲ್ಲಿ ನಿಮ್ಮ ಆಹಾರದಲ್ಲಿ ಫೋಲಿಕ್ ಆಮ್ಲ ಭರಿತ ಆಹಾರಗಳನ್ನು ಸೇರಿಸಿ. ಇದಲ್ಲದೆ, ಸಮತೋಲಿತ ಆಹಾರವನ್ನು ತೆಗೆದುಕೊಳ್ಳುವುದು ಮತ್ತು ನೀರಿನಂಶವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ನಿಮ್ಮ ಆಹಾರದಲ್ಲಿ ಹಣ್ಣುಗಳು, ಜ್ಯೂಸ್‌ಗಳು, ಹಸಿರು ತರಕಾರಿಗಳು ಮತ್ತು ಆರೋಗ್ಯಕರ ಕೊಬ್ಬುಗಳನ್ನು ಸೇರಿಸಲು ಮರೆಯದಿರಿ.