Crime News: ಫೋನ್ಗಳನ್ನು ಕಳ್ಳತನ ಮಾಡಿ ಜನರ ಡಿಜಿಟಲ್ ವ್ಯಾಲೆಟ್ಗಳಿಂದ ಹಣ ಎಗರಿಸುತ್ತಿದವನ ಬಂಧನ : 8 ಲಕ್ಷ ಮೌಲ್ಯದ 30 ಮೊಬೈಲ್ ಫೋನ್ಗಳನ್ನು ವಶಕ್ಕೆ ಪಡೆದ ಬೆಂಗಳೂರು ಪೋಲಿಸರು

ಮೊಬೈಲ್ ಫೋನ್ಗಳನ್ನು ಕಳವು ಮಾಡಿದ ನಂತರ ಮೊಬೈಲ್ ಕಳೆದುಕೊಂಡವರು ಅದೇ ಹೆಸರಿನ ತಮ್ಮ ಸಿಮ್ ಕಾರ್ಡ್ಗಳನ್ನು ಬಳಸುವ ಜನರ ಡಿಜಿಟಲ್ ವ್ಯಾಲೆಟ್ಗಳಿಂದ ಹಣವನ್ನು ಎಗರಿಸುತ್ತಿದ್ದ ಆರೋಪದ ಮೇಲೆ ಪೋಕರ್(ಜೂಜಾಟ) ಆಟಕ್ಕೆ ವ್ಯಸನಿಯಾಗಿದ್ದ 27 ವರ್ಷದ ವ್ಯಕ್ತಿಯನ್ನು ಬೆಂಗಳೂರು ನಗರ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

ಇದನ್ನೂ ಓದಿ: Gujarat: ಭಾರತೀಯ ನೌಕಾಪಡೆ ಭರ್ಜರಿ ಕಾರ್ಯಾಚರಣೆ: ಗುಜರಾತ್ ಕರಾವಳಿಯಲ್ಲಿ 3,300 ಕೆಜಿ ಮೆತ್, ಚರಸ್ ವಶ

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಆವಳಹಳ್ಳಿ ನಿವಾಸಿ ಆರ್ ವಿಘ್ನೇಶ್ ಎಂದು ಗುರುತಿಸಲಾದ ಆರೋಪಿಯಿಂದ 8 ಲಕ್ಷ ಮೌಲ್ಯದ 30 ಮೊಬೈಲ್ ಫೋನ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಬಿ. ದಯಾನಂದ ತಿಳಿಸಿದ್ದಾರೆ.

ಪೊಲೀಸರ ಪ್ರಕಾರ, ಸೋಮವಾರ ಟಿನ್ ಫ್ಯಾಕ್ಟರಿ ಬಳಿ ಬಸ್ ಹತ್ತುತ್ತಿದ್ದ ಪ್ರಯಾಣಿಕರೊಬ್ಬರ ಮೊಬೈಲ್ ಫೋನ್ ಕದಿಯಲು ಪ್ರಯತ್ನಿಸುತ್ತಿದ್ದಾಗ ವಿಘ್ನೇಶ್ ಸಾರ್ವಜನಿಕರಿಂದ ಸಿಕ್ಕಿಬಿದ್ದಿದ್ದಾನೆ.

ವಿಘ್ನೇಶ್ ಪೋಕರ್ ಆಟಕ್ಕೆ ವ್ಯಸನಿಯಾಗಿದ್ದನು ಮತ್ತು ಪೋಕರ್ನಲ್ಲಿ ದೊಡ್ಡ ಮೊತ್ತದ ಹಣವನ್ನು ಕಳೆದುಕೊಂಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಆತ ಪೋಕರ್ ಆಡಲು ಹಣವನ್ನು ಪಡೆಯಲು ಮೊಬೈಲ್ ಫೋನ್ ಕಳ್ಳತನವನ್ನು ಆಶ್ರಯಿಸಿದ್ದನೆಂದು ಅವರು ಹೇಳಿದರು.

ಆರೋಪಿಯ ಕಾರ್ಯವಿಧಾನವನ್ನು ವಿವರಿಸಿದ ರಾಮಮೂರ್ತಿ ನಗರ ಠಾಣೆಯ ಅಧಿಕಾರಿಯೊಬ್ಬರು, ವಿಘ್ನೇಶ್ ಫೋನ್ ಕದ್ದಿದ್ದ ಕ್ಷಣವೇ ಸಿಮ್ ಕಾರ್ಡ್ಗಳನ್ನು ಹೊರತೆಗೆದು ಬೇರೆ ಮೊಬೈಲ್ನಲ್ಲಿ ಸೇರಿಸಿ ಮತ್ತು ಆ ಸಂಖ್ಯೆಗಳೊಂದಿಗೆ ನೋಂದಾಯಿಸಲಾದ ಫೋನ್ಪೇ ಮತ್ತು ಗೂಗಲ್ ಪೇ ಖಾತೆಗಳನ್ನು ಸಕ್ರಿಯಗೊಳಿಸುವ ಮೂಲಕ ಹಣವನ್ನು ವರ್ಗಾಯಿಸಿದನು ಎಂದು ಹೇಳಿದರು. “ಆತ ವಿವಿಧ ಖಾತೆಗಳಿಗೆ ಹಣವನ್ನು ವರ್ಗಾಯಿಸಲು ಪಾಸ್ ಕೋಡ್ ಅನ್ನು ಸಹ ಬದಲಾಯಿಸಿದ್ದಾನೆ” ಎಂದು ಅಧಿಕಾರಿ ಹೇಳಿದರು.