WhatsApp: WhatsApp ತನ್ನ ಗ್ರಾಹಕರಿಗಾಗಿ ಹೊಸ ವೈಶಿಷ್ಟ್ಯವನ್ನು ಹೊರತಂದಿದೆ. ಇದರ ಸಹಾಯದಿಂದ ಗ್ರಾಹಕರು ತಮ್ಮ ಲಾಕ್ ಸ್ಕ್ರೀನ್‌ನಿಂದ ನೇರವಾಗಿ ಸ್ಪ್ಯಾಮ್ ಅನ್ನು ನಿರ್ಬಂಧಿಸಬಹುದು. ಪ್ರಪಂಚದಾದ್ಯಂತ ಅನೇಕ ಬಳಕೆದಾರರು ಸ್ಪ್ಯಾಮ್ ಸಂದೇಶಗಳ ಮೂಲಕ ವಂಚನೆಗೆ ಬಲಿಯಾಗಿದ್ದಾರೆ. ಹಾಗಾಗಿ WhatsApp ನ ಈ ವೈಶಿಷ್ಟ್ಯ ಬಹಳ ಮುಖ್ಯವಾಗಿದೆ. ಇವು ಸ್ಪ್ಯಾಮ್ ಸಂದೇಶಗಳನ್ನು ತಪ್ಪಿಸುವುದಕ್ಕಾಗಿ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಇದರ ಮೂಲಕ ಬಳಕೆದಾರರು ತಮ್ಮ ಲಾಕ್ ಸ್ಕ್ರೀನ್‌ನಿಂದ ಸ್ಪ್ಯಾಮ್ ಸಂದೇಶಗಳ ವಿರುದ್ಧ ಕ್ರಮ ತೆಗೆದುಕೊಳ್ಳಲು ಸಾಧ್ಯವಾಗುತ್ತದೆ.
ಅಂದರೆ ಸ್ಪ್ಯಾಮ್ ಸಂದೇಶದ ನೋಟಿಫಿಕೇಶನ್‌ ಕಾಣಿಸಿಕೊಂಡಾಗ, ಬಳಕೆದಾರರು ಆ ಮೆಸೇಜ್‌ ಮೇಲೆ ದೀರ್ಘಕಾಲ ಒತ್ತಿ ಹಿಡಿಯಬೇಕು. ಆಗ ವಿವಿಧ ಆಯ್ಕೆ ಕಾಣುತ್ತದೆ. block the sender instantly ಇದನ್ನು ಆಯ್ಕೆ ಮಾಡಬೇಕು. ನಂತರ ರಿಪೋರ್ಟ್‌ ಮಾಡಲು ಇನ್ನೊಂದು ಪ್ರಾಂಪ್ಟ್‌ ಕಾಣುತ್ತದೆ.
ಅದಾಗ್ಯೂ ವಾಟ್ಸಪ್‌ನ ಅಪರಿಚತ ಸಂಖ್ಯೆಯಿಂದ ಕರೆ ಅಥವಾ ಸಂದೇಶ ಬಂದರೆ ಅದನ್ನು ಕಾಂಟೆಕ್ಟ್‌ ಲಿಸ್ಟ್‌ಗೆ ಸೇರಿಸುವ, ಬ್ಲಾಕ್‌ ಮಾಡುವ, ರಿಪೋರ್ಟ್‌ ಮಾಡುವ ಆಯ್ಕೆಯ ಕೂಡಾ ಬಳಕೆದಾರರಿಗೆ ತೋರಿಸಲಾಗುತ್ತದೆ. ನೀವು ಆ ಕಾಂಟೆಕ್ಟ್‌ ಅನ್ನು ಬ್ಲಾಕ್‌ ಮಾಡಲೆಂದು ಬಯಸಿದರೆ ಈ ಸುಲಭ ವಿಧಾನಗಳನ್ನು ಅನುಸರಿಸಿ. ಸೆಟ್ಟಿಂಗ್‌-ಗೌಪ್ಯತೆ-ಬ್ಲಾಕ್ಡ್‌ ಕಾಂಟೆಕ್ಟ್‌-ಆಡ್‌- ಗೆ ಹೋಗಿ ಅಲ್ಲಿ ನೀವು ಬ್ಲಾಕ್‌ ಮಾಡಲು ಬಯಸುವ ಕಾಂಟೆಕ್ಟ್‌ ಅನ್ನು ಹುಡುಕಿ ಆಯ್ಕೆ ಮಾಡಿ.
ಈ ವೈಶಿಷ್ಟ್ಯವನ್ನು ಅಳವಡಿಸುವುದರ ಹಿಂದೆ WhatsApp ನ ಉದ್ದೇಶವು ಅದರ ಬಳಕೆದಾರರಿಗೆ ಉತ್ತಮ ಸಂದೇಶ ಅನುಭವವನ್ನು ಒದಗಿಸುವುದು ಮತ್ತು ಅವರ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ಹೆಚ್ಚಿಸುವುದು. WhatsApp ನ ಈ ಹೊಸ ವೈಶಿಷ್ಟ್ಯವು ಬಳಕೆದಾರರು ತಮ್ಮ ಸಾಧನವನ್ನು ಅನ್‌ಲಾಕ್ ಮಾಡದೆಯೇ ಅಥವಾ ಅಪ್ಲಿಕೇಶನ್‌ಗೆ ಹೋಗದೆಯೇ ಸ್ಪ್ಯಾಮ್ ಸಂದೇಶಗಳನ್ನು ಗುರುತಿಸಲು ಮತ್ತು ನಿರ್ಬಂಧಿಸಲು ಬ್ಲಾಕ್‌ ಮಾಡಲು ಅನುವು ಮಾಡಿಕೊಡುತ್ತದೆ.
[…] […]