Jio Vs Airtel : ಜಿಯೋ-ಏರ್‌ಟೆಲ್‌ನ ಈ ಯೋಜನೆಯಲ್ಲಿ ಯಾರದು ಬೆಸ್ಟ್‌ ಪ್ಲ್ಯಾನ್‌?

ಭಾರತದ ಟೆಲಿಕಾಂ ಕಂಪನಿಗಳು ಹಲವಾರು ಇವೆ. ಅವುಗಳಲ್ಲಿ ಜಿಯೋ ಮತ್ತು ಏರ್‌ಟೆಲ್ ಕಂಪೆನಿಗಳ ನಡುವಿನ ದರ ಪೈಪೋಟಿ ದಿನೇ ದಿನೇ ಮುಂದುವರಿಯುತ್ತಲೇ ಇದೆ ಅಂದರೆ ತಪ್ಪಾಗಲಾರದು .
ಇತ್ತೀಚಿಗೆ ಭಾರತದ 2 ದೊಡ್ಡ ಟೆಲಿಕಾಂ ಕಂಪನಿಗಳಾದ ಏರ್‌ಟೆಲ್ ಮತ್ತು ರಿಲಯನ್ಸ್ ಜಿಯೋ ಪ್ರಸ್ತುತ ಬಹುತೇಕ ಭಾಗಗಳಲ್ಲಿ 4G ಸೇವೆಗಳನ್ನು ನೀಡುತ್ತಿವೆ. ಸದ್ಯ ಹೆಚ್ಚುವರಿಯಾಗಿ ಕಂಪನಿಯು ಶೀಘ್ರದಲ್ಲೇ ಇತರ ಭಾರತೀಯ ವಿವಿಧ ಪ್ರದೇಶಗಳಲ್ಲಿ 5G ಸೇವೆಗಳನ್ನು ನೀಡಲು ಪ್ರಾರಂಭಿಸುತ್ತವೆ.

Sponsored

ಇದೀಗ ಜಿಯೋ ಮತ್ತು ಏರ್‌ಟೆಲ್ ಈ ಎರಡೂ ಟೆಲಿಕಾಂ ಕಂಪನಿಗಳು ಸುಮಾರು 200 ರೂಪಾಯಿಗಳ ಯೋಜನೆಗಳಿಗೆ ಆದ್ಯತೆ ನೀಡುವ ದೊಡ್ಡ ಪ್ರಿಪೇಯ್ಡ್ ಗ್ರಾಹಕರ ನೆಲೆಯನ್ನು ಹೊಂದಿವೆ. ಮುಂಬರುವ ದಿನಗಳಲ್ಲಿ ಈ ಯೋಜನೆಗಳನ್ನು ಸ್ಥಗಿತಗೊಳಿಸಬಹುದು. ಏಕೆಂದರೆ ಸುಂಕದ ಹೆಚ್ಚಳವು ಶೀಘ್ರದಲ್ಲೇ ಸಂಭವಿಸುವ ನಿರೀಕ್ಷೆಯಿದೆ.

ಸದ್ಯ ಜಿಯೋ ಮತ್ತು ಏರ್‌ಟೆಲ್ ನೀಡುವ ಯೋಜನೆಗಳನ್ನು ವ್ಯತ್ಯಾಸ ಇಲ್ಲಿ ತಿಳಿಸಲಾಗಿದೆ:

• ಏರ್ಟೆಲ್ ರೂ 199 ಪ್ರಿಪೇಯ್ಡ್ ಯೋಜನೆ:
ಏರ್‌ಟೆಲ್‌ನ ಪ್ರಿಪೇಯ್ಡ್ ಬಳಕೆದಾರರಿಗೆ ರೂ 199 ಯೋಜನೆಯನ್ನು ನೀಡುತ್ತದೆ. ಇದರ ಅಡಿಯಲ್ಲಿ ಬಳಕೆದಾರರಿಗೆ ಒಟ್ಟು 3GB ಡೇಟಾವನ್ನು ನೀಡಲಾಗುತ್ತದೆ ಜೊತೆಗೆ ಅನ್ ಲಿಮಿಟೆಡ್ ವಾಯ್ಸ್ ಕರೆಗಳು ಮತ್ತು 300 SMS ಅನ್ನು ಸಹ ಪಡೆಯುತ್ತಾರೆ. ಈ ಯೋಜನೆಯು 30 ದಿನಗಳವರೆಗೆ ವ್ಯಾಲಿಡಿಟಿಯನ್ನು ಹೊಂದಿದ್ದು Hellotunes ಮತ್ತು Wynk Music ನಂತಹ ಹೆಚ್ಚುವರಿ ಪ್ರಯೋಜನಗಳನ್ನು ಸಹ ಒಳಗೊಂಡಿದೆ.

• ಜಿಯೋ ರೂ 199 ಪ್ರಿಪೇಯ್ಡ್ ಯೋಜನೆ:
ಜಿಯೋ ಸಹ ಅದೇ ರೀತಿ ರೂ 199 ಯೋಜನೆಯನ್ನು ನೀಡುತ್ತದೆ. ಆದರೆ ಇದು ತನ್ನ ಬಳಕೆದಾರರಿಗೆ ಪ್ರತಿ ದಿನ 1.5GB ಡೇಟಾವನ್ನು ನೀಡುತ್ತದೆ. ಅನ್ ಲಿಮಿಟೆಡ್ ವಾಯ್ಸ್ ಕರೆಗಳ ಜೊತೆಗೆ ಪ್ರತಿ ದಿನ 100 SMS ಸಹ ಈ ಯೋಜನೆಯಲ್ಲಿ ಸೇರಿಸಲಾಗಿದೆ. ಆದ್ದರಿಂದ ಈ ಪ್ಯಾಕೇಜ್‌ನಲ್ಲಿ ಒಳಗೊಂಡಿರುವ ಒಟ್ಟು ಡೇಟಾ 34.5GB ಆಗಿದೆ. ಈ ಪ್ಯಾಕೇಜ್‌ನೊಂದಿಗೆ ನೀವು JioTV, JioCinema, JioSecurity ಮತ್ತು JioCloud ಗೆ ಪ್ರವೇಶವನ್ನು ಪಡೆಯುತ್ತೀರಿ. ಈ ಪ್ಲಾನ್ 23 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ. ಗ್ರಾಹಕರು ತಮ್ಮ ಎಲ್ಲಾ FUP ಡೇಟಾವನ್ನು ಬಳಸಿದ ನಂತರ ಸ್ಪೀಡ್ 64 Kbps ಗೆ ಕಡಿಮೆಯಾಗುತ್ತದೆ.

ಯಾವ ಕಂಪನಿ ಉತ್ತಮ ಯೋಜನೆಯನ್ನು ನೀಡುತ್ತದೆ ಇಲ್ಲಿ ತಿಳಿಯಿರಿ :
ಜಿಯೋ ಹಾಗೂ ಏರ್‌ಟೆಲ್‌ ಟೆಲಿಕಾಂಗಳ ಬಹುತೇಕ ಯೋಜನೆಗಳಲ್ಲಿ ಸಾಮ್ಯತೆ ಇದೆ. ಹಾಗೆಯೇ ಜಿಯೋ ಹಾಗೂ ಏರ್‌ಟೆಲ್ ನ 199 ರೂ. ಬೆಲೆಯ ಪ್ರೀಪೇಯ್ಡ್‌ ಯೋಜನೆ ಒಂದೇ ರೀತಿ ಎನಿಸಿದರೂ, ಕೆಲವು ಭಿನ್ನ ಪ್ರಯೋಜನಗಳು ಕಾಣಿಸುತ್ತವೆ. ಸದ್ಯ 199ರೂ. ಅಗ್ಗದ ಬೆಲೆಯ ರೀಚಾರ್ಜ್‌ ಯೋಜನೆಯಲ್ಲಿ ಎರಡು ಟೆಲಿಕಾಂಗಳು ಡೇಟಾ ಪ್ರಯೋಜನ ಹೊಂದಿವೆ. ಎಸ್‌ಎಮ್‌ಎಸ್‌ ಸೌಲಭ್ಯ ನೀಡಿವೆ. ಆದರೆ ವ್ಯಾಲಿಡಿಟಿ ಹಾಗೂ ಡೇಟಾ ಪ್ರಯೋಜನಗಳಲ್ಲಿ ಭಿನ್ನತೆ ಕಾಣಬಹುದಾಗಿದೆ.

199ರೂ. ಬೆಲೆಯ ಪ್ರೀಪೇಯ್ಡ್‌ ಯೋಜನೆಯಲ್ಲಿ ಜಿಯೋ ಹಾಗೂ ಏರ್‌ಟೆಲ್‌ ಟೆಲಿಕಾಂಗಳು ಆಕರ್ಷಕ ಪ್ರಯೋಜನ ನೀಡಿವೆ. ಪ್ರತಿದಿನ ಡೇಟಾ ಪ್ರಯೋಜನ ಬಯಸುವ ಗ್ರಾಹಕರಿಗೆ ಜಿಯೋದ 199ರೂ. ಪ್ಲ್ಯಾನ್ ಉತ್ತಮ ಅನಿಸಲಿದೆ. ಇನ್ನು ಅಧಿಕ ವ್ಯಾಲಿಡಿಟಿ ಬಯಸುವ ಗ್ರಾಹಕರಿಗೆ ಏರ್‌ಟೆಲ್‌ ಟೆಲಿಕಾಂನ 199 ರೂ. ಪ್ಲ್ಯಾನ್ ಆಕರ್ಷಕ ಎನಿಸುತ್ತದೆ. ಏಕೆಂದರೆ ಏರ್‌ಟೆಲ್‌ 28 ದಿನಗಳ ವ್ಯಾಲಿಡಿಟಿ ಪಡೆದಿದೆ. ಆದರೆ ಜಿಯೋ ಯೋಜನೆಯು 23 ದಿನಗಳ ವ್ಯಾಲಿಡಿಟಿ ಪಡೆದಿದೆ.

ನಿಮಗೆ ಸಾಕಷ್ಟು ಡೇಟಾ ಬೇಕಾದರೆ ಏರ್‌ಟೆಲ್ ಯೋಜನೆ ಸೂಕ್ತವಲ್ಲ. ಆದರೆ ಬಳಕೆದಾರರು ಸಾಕಷ್ಟು ಕರೆಗಳನ್ನು ಮಾಡಬೇಕಾದರೆ ಮತ್ತು ಡೇಟಾಗೆ ಆದ್ಯತೆಯಿಲ್ಲದಿದ್ದರೆ ಏರ್‌ಟೆಲ್ ಒಂದು ಉತ್ತಮ ಆಯ್ಕೆಯಾಗಿದೆ. ಬಜೆಟ್ ಬಳಕೆದಾರರಿಗೆ ಏರ್‌ಟೆಲ್ ದೀರ್ಘಾವಧಿ ವ್ಯಾಲಿಡಿಟಿಯನ್ನು ಹೊಂದಿರುವುದರಿಂದ ಉತ್ತಮ ಆಯ್ಕೆಯಾಗಿದೆ.