Vitla: ಬೀಗ ಹಾಕಿ ವಿದೇಶದಲ್ಲಿರುವವರ ಮೆನಗೆ ಕಳ್ಳರು ನುಗ್ಗಿ ರಾಡೋ ವಾಚ್‌ ಕದ್ದು, ಸಿಸಿಟಿವಿ, ಡಿವಿಆರ್‌ ಕಳ್ಳತನ ಮಾಡಿದ ಘಟನೆಯೊಂದು ವಿಟ್ಲಪಡ್ನೂರು ಗ್ರಾಮದ ಪರ್ತಿಪ್ಪಾಡಿ ಮಸೀದಿ ದ್ವಾರದ ಮುಂಭಾಗ ಇರುವ ಮನೆಯೊಂದರಲ್ಲಿ ನಡೆದಿದೆ.
Sponsoredಎಂ.ಕೆ.ಖಲೀಲ್‌ ಇವರು ಮನೆ ಮಾಲೀಕರಾಗಿದ್ದು, ಅರಬ್‌ ರಾಷ್ಟ್ರದಲ್ಲಿ ಇದ್ದಾರೆ. ಆರು ತಿಂಗಳ ಹಿಂದೆ ಬಂದು ಅಲ್ಲಿಗೆ ಹೋಗಿದ್ದರು. ರವಿವಾರ ಬೆಳಗ್ಗೆ ಪಕ್ಕದ ಮನೆಯವರು ನೋಡಿದಾಗ ಈ ಘಟನೆ ಬೆಳಕಿಗೆ ಬಂದಿದೆ. ಮನೆಯ ಬಾಗಿಲು ತೆರೆದಿರುವುದುನ್ನು ಕಂಡು ಸಂಶಯಗೊಂಡಾಗ, ಮನೆಯಲ್ಲಿ ಕಳ್ಳತನ ನಡೆದಿರುವುದು ಬೆಳಕಿಗೆ ಬಂದಿದೆ.
ಇದನ್ನೂ ಓದಿ: Black Bear Meat: ಕರಡಿ ಮಾಂಸ ತಿಂದ ಕುಟುಂಬದ ಸದಸ್ಯರ ಮೆದುಳಿನಲ್ಲಿ ಹುಳ
ಸಿಸಿ ಕ್ಯಾಮರಾದ ದೃಷ್ಟಿಯನ್ನು ಬೇರೆ ಕಡೆ ಬದಲಾಯಿಸಿ, ಮುಂಭಾಗದ ಬಾಗಿಲು ಮುರಿದು ಕಳ್ಳರು ಎ.ಸಿ.ಚಾಲು ಮಾಡಿ ನಾಲ್ಕು ಕಪಾಟು ಒಡೆದು ಹಾಕಿ, ಕಳ್ಳತನಕ್ಕೆ ಸಾಕಷ್ಟು ಜಾಲಾಡಿದ್ದಾರೆ. ಕಪಾಟಿನಲ್ಲಿದ್ದ ಒಂದು ಲಕ್ಷ ಮೌಲ್ಯದ ರಾಡೋ ವಾಚ್‌ ನಾಪತ್ತೆಯಾಗಿದೆ. ಡಿವಿಆರ್‌ ಕೊಂಡೊಯ್ದಿದ್ದಾರೆ. ವಿಟ್ಲ ಪೊಲೀಸರು ಸ್ಥಳಕ್ಕೆ ಬಂದಿದ್ದು, ಪರಿಶೀಲನೆ ಮಾಡಿದ್ದಾರೆ.
