ಉಡುಪಿ : ನದಿಗೆ ಬಿದ್ದ ಕಾರು – ಮೀನುಗರಾನಿಂದ ಚಾಲಕ, ಮಗುವಿನ ರಕ್ಷಣೆ

ಉಡುಪಿಯ ಕೊಡವೂರು ಸಮೀಪದ ಚೆನ್ನಂಗಡಿಯಲ್ಲಿ ನಿಯಂತ್ರಣ ತಪ್ಪಿದ ಕಾರೊಂದು ನದಿಗೆ ಬಿದ್ದ ಭೀಕರ ಘಟನೆ ನಡೆದಿದ್ದು, ಸ್ಥಳೀಯ ಮೀನುಗಾರರೊಬ್ಬರು ನದಿಗೆ ಧುಮುಕಿ ಕಾರಿನಲ್ಲಿದ್ದ ಚಾಲಕ ಹಾಗೂ ಮೂರು ವರ್ಷದ ಮಗುವನ್ನು ರಕ್ಷಿಸಿದ್ದಾರೆ. 

Sponsored

ಚೆನ್ನಂಗಡಿ ಸೇತುವೆ ಸಮೀಪ ಕಾರು ಆಕಸ್ಮಿಕವಾಗಿ ನದಿಗೆ ಬಿದ್ದಿದೆ. ಈ ವೇಳೆ ಕಾರು ಮುಳುಗುತ್ತಿರುವುದನ್ನು ಗಮನಿಸಿದ ಚೆನ್ನಂಗಡಿ ಮೂಲದ ಮೀನುಗಾರ ಗಣೇಶ್ ನೀರು ತುಂಬುತ್ತಿದ್ದ ಕಾರಿನೊಳಗೆ ಸಿಲುಕಿ ಪರದಾಡುತ್ತಿದ್ದ ಚಾಲಕ ಹಾಗೂ ತೀವ್ರ ಆತಂಕದಲ್ಲಿದ್ದ 3 ವರ್ಷದ ಎಳೆಯ ಮಗುವನ್ನು ಕಾರಿನಿಂದ ಹೊರತೆಗೆದು ಸುರಕ್ಷಿತವಾಗಿ ದಂಡೆಗೆ ಕರೆತರುವಲ್ಲಿ ಯಶಸ್ವಿಯಾಗಿದ್ದಾರೆ. 

ಗಣೇಶ್ ಅವರ ಸಮಯಪ್ರಜ್ಞೆ ಹಾಗೂ ಪ್ರಾಣದ ಹಂಗು ತೊರೆದು ನಡೆಸಿದ ಈ ಧೈರ್ಯದ ಸಾಹಸಕ್ಕೆ ಶ್ಲಾಘನೆ ವ್ಯಕ್ತವಾಗಿದೆ.