ಸೋಮವಾರ, 16 ನವೆಂಬರ್ 2026
Trending

ಮಗಳೆದುರು ತಪ್ಪಿತಸ್ಥ ತಂದೆಯ ಮೇಲೆ ಕೈ ಮಾಡದ ಟ್ರಕ್ ಡ್ರೈವರ್ – ಭಾರೀ ಮೆಚ್ಚುಗೆ !!

Advertisement
Advertisement

ರಸ್ತೆಯಲ್ಲಿ ವಾಹನ ಚಾಲನೆ ಮಾಡುವಾಗ ಅಥವಾ ನಡೆದುಕೊಂಡು ಹೋಗುವಾಗ ಯಾವುದೇ ಕ್ಷಣದಲ್ಲಾದರೂ ಸಣ್ಣ ತಪ್ಪು ಸಂಭವಿಸಬಹುದು. ಆದರೆ, ಆ ತಪ್ಪನ್ನು ಹೇಗೆ ಎದುರಿಸುತ್ತೇವೆ ಎಂಬುದು ನಮ್ಮ ವ್ಯಕ್ತಿತ್ವವನ್ನು ಬಿಂಬಿಸುತ್ತದೆ. ಇದೀಗ ರಸ್ತೆಯಲ್ಲಿ ಹೋಗುವಾಗ ಎದುರಾಳಿಯಿಂದ ಪ್ರಮಾದವೊಂದು ನಡೆದರೂ, ಆತ ಬಂದು ಹೊಡೆದರೂ ಆತನೊಂದಿಗೆ ಮಗಳಿದ್ದಾಳೆ ಎಂಬುದನ್ನರಿತ ಟ್ರಕ್ ಡ್ರೈವರ್ ಸಂಯಮದಿಂದ ವರ್ತಿಸಿದ್ದು ಭಾರೀ ಮೆಚ್ಚುಗೆಗೆ ಪಾತ್ರವಾಗಿದೆ.

Sponsored

ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್ ಆಗಿದ್ದು, ಇದರಲ್ಲಿ ದೊಡ್ಡ ಟ್ರಾಫಿಕ್ ನಲ್ಲಿ ಟ್ರಕ್ ಮತ್ತು ಬೈಕ್ ಎದುರುಬದುರಾಗಿ ನಿಂತಿದೆ. ಇಬ್ಬರು ಪರಸ್ಪರ ದಾರಿ ಬಿಡದಿದ್ದರಿಂದ ವಾಹನ ದಟ್ಟಣೆ ಹೆಚ್ಚಾಗಿತ್ತು. ಈ ಘಟನೆಯಲ್ಲಿ ಸಂಪೂರ್ಣ ತಪ್ಪು ಬೈಕ್ ಸವಾರನದ್ದೇ ಆಗಿತ್ತು. ಸಣ್ಣ ಜಾಗದಲ್ಲಿ ಬೈಕ್ ತೂರಿಸುವ ಬದಲು ಆತ ಸರಳವಾಗಿ ಬದಿಗೆ ಸರೆದಿದ್ದರೆ ಯಾವುದೇ ಸಮಸ್ಯೆ ಎದುರಾಗುತ್ತಿರಲಿಲ್ಲ. ಬೈಕ್ ಸವಾರನ ಬೇಜವಾಬ್ದಾರಿ ಚಾಲನೆಯಿಂದ ಗಲಾಟೆ ಸೃಷ್ಟಿಯಾಯಿತಾದರೂ, ಅಲ್ಲಿ ನಡೆದ ಮುಂದಿನ ಘಟನೆ ಪ್ರತಿಯೊಬ್ಬರ ಮನ ಮುಟ್ಟುವಂತಿತ್ತು. ಬೈಕ್ ಸವಾರ ಉದ್ರೇಕಗೊಂಡು ಗಲಾಟೆ ಮಾಡಿ ಚಾಲಕನನ್ನು ಹಿಡಿದು ಹೊಡೆದರೂ, ಲಾರಿ ಚಾಲಕ ಆತನ ಮಗಳ ಎದುರು ಕೋಪಗೊಳ್ಳದೆ, ಆಕೆಯ ಮುಂದೆ ಕೈಯೆತ್ತದೆ ತೀರಾ ಶಾಂತವಾಗಿ ಪರಿಸ್ಥಿತಿಯನ್ನು ನಿಭಾಯಿಸಿದ.

Advertisement
Advertisement

ಆ ಕ್ಷಣದಲ್ಲಿ ಲಾರಿ ಚಾಲಕನಿಗೆ ತಿರುಗಿ ಹೊಡೆಯುವ ಅಥವಾ ಜಗಳವಾಡುವ ಎಲ್ಲಾ ಅವಕಾಶಗಳಿದ್ದವು. ಆದರೆ ಆತನ ಪುಟ್ಟ ಮಗಳ ಮನಸ್ಸಿನ ಮೇಲೆ ಈ ಹಿಂಸೆ ಮತ್ತು ಕೋಪ ದುಷ್ಪರಿಣಾಮ ಬೀರಬಾರದು ಎಂಬ ಏಕೈಕ ಕಾರಣಕ್ಕೆ ಆತ ತನ್ನ ಆಕ್ರೋಶವನ್ನು ಹತೋಟಿಯಲ್ಲಿಟ್ಟುಕೊಂಡ. ಮಗಳ ಕಣ್ಣಿನಲ್ಲಿ ತಂದೆಯೊಬ್ಬ ಹಿಂಸಾಚಾರದ ಸಂಕೇತವಾಗಬಾರದು, ಬದಲಿಗೆ ಶಾಂತಿ ಮತ್ತು ತಾಳ್ಮೆಯ ಮಾದರಿಯಾಗಬೇಕು ಎಂದು ಆತ ನಿರೂಪಿಸಿದ. ಈ ವಿಡಿಯೋ ವೈರಲ್ ಆಗಿ ಜನರ ಮೆಚ್ಚುಗೆಗೆ ಪಾತ್ರವಾಗುತ್ತಿದೆ.

Advertisement
Advertisement
Advertisement