ಒಂದು ಕಾಲದಲ್ಲಿ ಪೆಟ್ರೋಲ್ ಬಂಕುಗಳ ವಂಚನೆ ವಿಪರೀತವಾಗಿತ್ತು. ಗ್ರಾಹಕರಿಗೆ ಕಾಣದಂತೆ ನಾನಾ ರೀತಿಯ ಟ್ರಿಕ್ಸ್ ಯೂಸ್ ಮಾಡಿ ಕಡಿಮೆ ಪೆಟ್ರೋಲ್ ಹಾಕಿ ಜನರಿಂದ ಹಣವನ್ನು ಸುಲಿಗೆ ಮಾಡುತ್ತಿದ್ದರು. ಆದರೆ ನಂತರ ಬಂದಂತಹ ಕಾನೂನುಗಳಿಂದ ಹಾಗೂ ಗ್ರಾಹಕರು ಎಚ್ಚೆತ್ತುಕೊಂಡ ಕಾರಣ ವಂಚನೆ ಇಂದು ಸುಧಾರಿಸಿದೆ. ಆದರೂ ಕೂಡ ಇಂದು ಕೆಲವು ಪೆಟ್ರೋಲ್ ಬಂಕುಗಳಲ್ಲಿ ಗ್ರಾಹಕರ ಕಣ್ಣಿಗೆ ಮಣ್ಣೆರಚಿ ವಂಚನೆಯನ್ನು ನಡೆಸುತ್ತಿದ್ದಾರೆ. ಅಂತಯೇ ಇದೀಗ ಇಲ್ಲೊಂದು ಪೆಟ್ರೋಲ್ ಬಂಕ್ ನಲ್ಲಿ 45 ಲೀಟರ್ ಕೆಪ್ಯಾಸಿಟಿ ಇರುವ ಟ್ಯಾಂಕಿಗೆ ಬರೋಬ್ಬರಿ 52 ಲೀಟರ್ ಪೆಟ್ರೋಲ್ ಹಾಕಿ ವಂಚನೆ ನಡೆಸಿರುವ ಪ್ರಕರಣ ಒಂದು ಬೆಳಕಿಗೆ ಬಂದಿದೆ.
ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಒಂದು ವಿಡಿಯೋ ಮತ್ತು ಸುದ್ದಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಬಂಕ್ ಮಾಲೀಕರು ಎಷ್ಟೇ ರೂಲ್ಸ್ ಮಾಡಿದ್ರೂ ಕಣ್ಣೆದುರೇ ಜನರನ್ನು ಹೇಗೆಲ್ಲಾ ಬಕ್ರಾ ಮಾಡ್ತಾರೆ ಅನ್ನೋದಕ್ಕೆ ಈ ಘಟನೆಯೇ ಸಾಕ್ಷಿ. ಅದೇನೆಂದರೆ ಸಂತೋಷ್ ಎಂಬ ವ್ಯಕ್ತಿ ಹೈದರಾಬಾದ್ ನ ಪೆಟ್ರೋಲ್ ಬಂಕ್ ಒಂದಕ್ಕೆ ತೆರಳಿ, ತಮ್ಮ ಕಾರಿಗೆ ಫುಲ್ ಟ್ಯಾಂಕ್ ಪೆಟ್ರೋಲ್ ಮಾಡಲು ಹೇಳಿದ್ದಾರೆ. ಸಿಬ್ಬಂದಿ ಪೆಟ್ರೋಲ್ ಹಾಕಲು ಶುರು ಮಾಡಿದ್ದಾನೆ. ಕಟ್ ಆಫ್ ಆದ ಮೇಲೂ ಮೀಟರ್ ಓಡುತ್ತಲೇ ಇರುವುದನ್ನು ನೋಡಿ ಸಂತೋಷ್ ಅವರಿಗೆ ಅನುಮಾನ ಬಂದಿದೆ. ಕೊನೆಗೆ ಮೀಟರ್ ನಿಂತಾಗ ಅಲ್ಲಿ ತೋರಿಸಿದ ರೀಡಿಂಗ್ ಬರೋಬ್ಬರಿ 52 ಲೀಟರ್!!
ಆಗ ಸಂತೋಷ್ ಅವರು, ನಾನು ಓಡಿಸುತ್ತಿರುವ ಕಾರಿನ ಒಟ್ಟು ಟ್ಯಾಂಕ್ ಕೆಪಾಸಿಟಿಯೇ (ಸಾಮರ್ಥ್ಯ) ಕೇವಲ 45 ಲೀಟರ್. ಕಂಪನಿಯವರೇ ಕಾರ್ ಮ್ಯಾನುವಲ್ನಲ್ಲಿ ಗರಿಷ್ಠ 45 ಲೀಟರ್ ಹಿಡಿಯುತ್ತೆ ಅಂತ ಬರೆದಿದ್ದಾರೆ. ಹಾಗಿರುವಾಗ 45 ಲೀಟರ್ ಕೆಪಾಸಿಟಿ ಇರೋ ಟ್ಯಾಂಕ್ ಒಳಗೆ 52 ಲೀಟರ್ ಪೆಟ್ರೋಲ್ ಹೋಗಲು ಹೇಗೆ ಸಾಧ್ಯ? ಇನ್ನು 7 ಲೀಟರ್ ಪೆಟ್ರೋಲ್ ಗಾಳಿಯಲ್ಲಿ ಹೋಯ್ತಾ? ಇಲ್ಲಾ ಕಾರಿನ ಸೀಟುಗಳ ಒಳಗೆ ತುಂಬಿಸಿದ್ರಾ? ಎಂದು ತಕ್ಷಣ ಗಾಡಿಯ ಮ್ಯಾನುವಲ್ ಬುಕ್ ತೆಗೆದು ಬಂಕ್ ಮ್ಯಾನೇಜರ್ ಮತ್ತು ಸಿಬ್ಬಂದಿಯನ್ನು ತರಾಟೆಗೆ ತಗೊಂಡಿದ್ದಾರೆ. “
ಅಲ್ಲಿನ ಸಿಬ್ಬಂದಿ ಮೊದಲಿಗೆ “ಇಲ್ಲ ಸರ್, ಪೈಪ್ ಲೈನ್ನಲ್ಲೂ ಪೆಟ್ರೋಲ್ ಹಿಡಿಯುತ್ತೆ, ಅದಕ್ಕೆ ಜಾಸ್ತಿ ಬಂದಿದೆ” ಅಂತ ಏನೇನೋ ಕಥೆ ಹೇಳಿ ಮ್ಯಾನೇಜ್ ಮಾಡಲು ನೋಡಿದ್ದಾರೆ. ಆದರೆ ಸಂತೋಷ್ ಅವರು ಬಿಡದೇ ಪೊಲೀಸರಿಗೆ ಮತ್ತು ಗ್ರಾಹಕರ ವೇದಿಕೆಗೆ ದೂರು ನೀಡುವುದಾಗಿ ಹೇಳಿದಾಗ ಬಂಕ್ ಸಿಬ್ಬಂದಿ ತಬ್ಬಿಬ್ಬಾಗಿದ್ದಾರೆ. ಕೊನೆಗೆ ತಪ್ಪೊಪ್ಪಿಕೊಂಡು, ಕ್ಷಮೆ ಕೇಳಿ, ಕೇವಲ 45 ಲೀಟರ್ಗೆ ಮಾತ್ರ ಹಣ ಇಟ್ಟುಕೊಂಡು ಉಳಿದ ಹಣವನ್ನು ವಾಪಸ್ ಕೊಟ್ಟಿದ್ದಾರೆ. ಯೋಚನೆ ಮಾಡಿ, ಅದೇ ಜಾಗದಲ್ಲಿ ಒಬ್ಬ ಸಾಮಾನ್ಯ ಕಾರ್ ಡ್ರೈವರ್ ಅಥವಾ ಅಷ್ಟಾಗಿ ತಿಳುವಳಿಕೆ ಇಲ್ಲದ ವ್ಯಕ್ತಿ ಇದ್ದಿದ್ದರೆ ಸುಮ್ಮನೆ ಹಣ ಕಟ್ಟಿ ಬರುತ್ತಿದ್ದ ಅಲ್ವಾ? ಇಂತಹ ವಂಚನೆ ಪ್ರತಿದಿನ ಸಾವಿರಾರು ಜನರ ಜೊತೆ ನಡೀತಲೇ ಇರುತ್ತೆ.
