ನಿಮಗಿದು ಗೊತ್ತೇ? ಜಗತ್ತಿನ ದಿ ಬೆಸ್ಟ್ ‘ಪಿಂಚಣಿ’ ಹಾಗೂ ಅತಿ ಕೆಟ್ಟ ಪಿಂಚಣಿ ವ್ಯವಸ್ಥೆ ಯಾವ ದೇಶದಲ್ಲಿದೆ ಎಂದು? ಇಲ್ಲಿದೆ ಅದರ ಎಲ್ಲಾ ವಿವರ!!!

ಬಾಲ್ಯದಿಂದ ಯೌವ್ವನದ ವರೆಗೆ ಓದಿನ ಹಿಂದೆ ಮುಖ ಮಾಡಿದರೆ, ಮತ್ತೊಂದು ಖಾಯಂ ನೌಕರಿ ಹಿಡಿದು, ಮದುವೆ ಸಂಸಾರ ಎಂದು ಜೀವನದ ಬಂಡಿ ಶುರುವಾದರೆ ವಿರಾಮ ಎಂಬ ಮಾತೇ ಇಲ್ಲವೆಂಬಂತೆ ದುಡಿಮೆ.

Sponsored

ಮಕ್ಕಳ ವಿದ್ಯಾಭ್ಯಾಸಕ್ಕೆ ನಂತರ ಮಕ್ಕಳ ಮದುವೆ ಹೀಗೆ ಜೀವನದ ಪ್ರತಿ ಹಂತದಲ್ಲೂ ಸವಾಲುಗಳ ಸರಮಾಲೆಯ ದಾಟಿ ನಿವೃತ್ತಿ ಘೋಷಣೆಯಾದಗಲೆ ನಿರಂತರ ಶ್ರಮವಹಿಸಿ ದುಡಿಯುವ ಕೆಲಸಕ್ಕೆ ವಿರಾಮ ದೊರೆತು ಮೊಮ್ಮಕ್ಕಳ ತುಂಟಾಟ ನೋಡುತ್ತಾ ಕಾಲ ಕಳೆಯುವ ಹೊತ್ತಿಗೆ ಜೀವನದ ಮುಕ್ಕಾಲು ಪಾಲು ಮೆಟ್ಟಿಲುಗಳನ್ನು ಸವೆದು, ಜೀವಕ್ಕೆ ವಿಶ್ರಾಂತಿಯ ಅಗತ್ಯತೆ ಹೆಚ್ಚು ಎದ್ದು ಕಾಣುತ್ತದೆ.

ಕಾರ್ಮಿಕರು ತಮ್ಮ ನಿವೃತ್ತಿ ಯೋಜನೆಗಳ ಬಗ್ಗೆ ಮರುಚಿಂತನೆ ಮಾಡಬೇಕಾದ ಅವಶ್ಯಕತೆ ಇದೆ. ಏಕೆಂದರೆ, ವಿಶ್ವದ ಪಿಂಚಣಿ ವ್ಯವಸ್ಥೆಗಳನ್ನು ಶ್ರೇಣೀಕರಿಸುವ ಬಗ್ಗೆ ಸಮೀಕ್ಷೆಯು ಎಚ್ಚರಿಸಿದ್ದು, ಈ ವರ್ಷದ ಮರ್ಸರ್ ಸಿಎಫ್‌ಎ ಇನ್‌ಸ್ಟಿಟ್ಯೂಟ್ ಗ್ಲೋಬಲ್ ಪಿಂಚಣಿ ಸೂಚ್ಯಂಕದಲ್ಲಿ ಐಸ್‌ಲ್ಯಾಂಡ್, ನೆದರ್ಲ್ಯಾಂಡ್ಸ್ ಮತ್ತು ಡೆನ್ಮಾರ್ಕ್ ಮೊದಲ ಮೂರು ಸ್ಥಾನಗಳನ್ನು ಪಡೆದುಕೊಂಡಿವೆ.

ಈ ದೇಶಗಳು ಅತ್ಯುತ್ತಮ ನಿವೃತ್ತಿ ಯೋಜನೆಗಳನ್ನು ಹೊಂದುವ ಮೂಲಕ ವಿವಿಧ ದೇಶಗಳ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿವೆ. ಈ ವರದಿಯು ವಯೋವೃದ್ಧರ ಸಂಖ್ಯೆ, ಸರ್ಕಾರಿ ಸಾಲ ಮತ್ತು ಕಡಿಮೆ ಜನನ ದರ ನಿವೃತ್ತಿ ವಯಸ್ಸನ್ನು ಬಹುತೇಕ ಎಲ್ಲೆಡೆ ತೆಗೆದುಹಾಕುವ ಅಗತ್ಯವಿದೆ ಎಂದು ತಿಳಿಸಿದೆ.

ಹಲವು ದೇಶಗಳಲ್ಲಿ ಶೈಕ್ಷಣಿಕ ಮಟ್ಟ ಸುಧಾರಿಸುತ್ತಿದ್ದು, ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಉದ್ಯೋಗಕ್ಕೆ ಸೇರಿಕೊಳ್ಳುತ್ತಿದ್ದಾರೆ. ಹಾಗಾಗಿ ಕಡಿಮೆ ವೇತನದ ಬೆಳವಣಿಗೆ, ಏರುತ್ತಿರುವ ಹಣದುಬ್ಬರ ಮತ್ತು ಅನೇಕ ಆಸ್ತಿ ವರ್ಗಗಳಲ್ಲಿನ ಹೂಡಿಕೆಯ ಆದಾಯವನ್ನು ಕಡಿಮೆಗೊಳಿಸಿರುವ ಪ್ರಸ್ತುತ ಆರ್ಥಿಕ ವಾತಾವರಣವು ನಿವೃತ್ತಿ ಆದಾಯ ವ್ಯವಸ್ಥೆಗಳ ಮೇಲೆ ಹೆಚ್ಚುವರಿ ಹಣಕಾಸಿನ ಒತ್ತಡವನ್ನು ಹಾಕುತ್ತಿದೆ.

ಫಿಲಿಪೈನ್ಸ್, ಅರ್ಜೆಂಟೀನಾ ಮತ್ತು ಭಾರತಕ್ಕಿಂತ ಸ್ವಲ್ಪ ಕೆಳಗಿರುವ ಥೈಲ್ಯಾಂಡ್ ಕೊನೆಯ ಸ್ಥಾನದಲ್ಲಿದೆ. ಸಮೀಕ್ಷೆ ಮಾಡಿದ ದೇಶಗಳಲ್ಲಿ ನಿವೃತ್ತಿ ವಯಸ್ಸು 55 ರಿಂದ 68 ರಷ್ಟಿದ್ದು, ಸಮೀಕ್ಷೆಯಲ್ಲಿ ಮೊದಲ ಮೂರು ಸ್ಥಾನ ಗಳಿಸಿರುವ ಪ್ರಮುಖ ಮೂರು ದೇಶಗಳು ಸಾರ್ವಜನಿಕ ಮತ್ತು ಖಾಸಗಿ ವಲಯದ ಪಿಂಚಣಿಗಳ ಆರೋಗ್ಯಕರ ಮಿಶ್ರಣ ಮತ್ತು ಸಮರ್ಥನೀಯ, ಸುಸಜ್ಜಿತ ವ್ಯವಸ್ಥೆಗಳನ್ನು ಹೊಂದಿವೆ.

ಸಮೀಕ್ಷೆ ನಡೆಸಲಾದ 44 ದೇಶಗಳ ಪೈಕಿ ಅಮೆರಿಕ 20 ನೇ ಸ್ಥಾನದಲ್ಲಿದ್ದು, ಪೋರ್ಚುಗಲ್ 24 ನೇ ಸ್ಥಾನದಲ್ಲಿದ್ದರೆ, 36 ನೇ ಸ್ಥಾನದಲ್ಲಿ ಚೀನಾ ಇದ್ದು, 29 ನೇ ಸ್ಥಾನದಲ್ಲಿರುವ ಮೆಕ್ಸಿಕೊ ಪಿಂಚಣಿ ಸುಧಾರಣೆಗಳ ಮೂಲಕ ಗಮನ ಸೆಳೆದಿದೆ. ಇನ್ನು ಸ್ವಲ್ಪ ಹೆಚ್ಚು ಕಾಲ ಕೆಲಸ ಮಾಡಲು ಸರ್ಕಾರಗಳು ಜನರನ್ನು ಪ್ರೋತ್ಸಾಹಿಸಬೇಕಾಗಿದೆ.

ಮರ್ಸರ್ ವರದಿಯು ವಯಸ್ಸಾದ ಜನರಲ್ಲಿ ಹೆಚ್ಚಿನ ಕಾರ್ಮಿಕ ಬಲದ ಭಾಗವಹಿಸುವಿಕೆಯನ್ನು ಉತ್ತೇಜಿಸಲು ಶಿಫಾರಸು ಮಾಡುತ್ತದೆ. ಇದು ನಿವೃತ್ತಿ ವರ್ಷಗಳಲ್ಲಿ ನಿರಂತರ ಹೆಚ್ಚಳವನ್ನು ಮಿತಿಗೊಳಿಸುವಾಗ ಅವರ ಉಳಿತಾಯವನ್ನು ಹೆಚ್ಚಿಸಲು ಸಹಕಾರಿಯಾಗಿದೆ.