ಸೋಮವಾರ, 16 ನವೆಂಬರ್ 2026
Trending

ಕನ್ನಡದ ಖ್ಯಾತ ಸಾಹಿತಿ ಮಗ ನಿಧನ – ಅಮೆರಿಕದಿಂದ ವಿಡಿಯೋ ಕರೆಯಲ್ಲಿ ಅಂತ್ಯಕ್ರಿಯೆ ವೀಕ್ಷಿಸಿದ ಮಕ್ಕಳು

Advertisement
Advertisement

ಕನ್ನಡ ಸಾಹಿತ್ಯ ಲೋಕದಲ್ಲಿ ಎ ಎನ್ ಮೂರ್ತಿರಾವ್ ಅಪಾರ ಕೃಷಿ ಮಾಡಿದವರು. ಅವರ ಮಗ, ಪರಿಸರ ಸಂರಕ್ಷಣೆ, ಸಾವಯವ ಕೃಷಿ, ಸಮಗ್ರ ಆರೋಗ್ಯಪೂರ್ಣ ಜೀವನಶೈಲಿಯನ್ನು ಪ್ರತಿಪಾದಿಸುತ್ತಿದ್ದ ಭೀಮನಕಟ್ಟೆಯ ಡಾ.ಎ.ಎನ್.ನಾಗರಾಜ್ ಅವರು ವಯೋಸಹಜ ಅನಾರೋಗ್ಯದಿಂದ‌ ನಿಧನರಾಗಿದ್ದಾರೆ. ಆದರೆ ಮಕ್ಕಳು ಇವರ ಅಂತ್ಯಕ್ರಿಯೆಯನ್ನು ಅಮೆರಿಕಾದಲ್ಲಿ ಕುಳಿತು ವಿಡಿಯೋ ಕರೆಯಲ್ಲಿ ವೀಕ್ಷಿಸಿದ ಮನಕಲಕುವ ಘಟನೆ ನಡೆದಿದೆ.

Sponsored

ಎ.ಎನ್. ನಾಗರಾಜ್ (98) ಸಮೀಪದ ಭೀಮನಕಟ್ಟೆ ಗ್ರಾಮದ ತಮ್ಮ ನಿವಾಸದಲ್ಲಿ ಸೋಮವಾರ ನಿಧನರಾದರು. ಇವರಿಗೆ ಇಬ್ಬರು ಪುತ್ರಿಯರು ಹಾಗೂ ಪುತ್ರ ಇದ್ದು, ಅಮೆರಿಕದಲ್ಲಿ ವಾಸವಾಗಿದ್ದಾರೆ.

Advertisement
Advertisement

ನಾಗರಾಜ್ ಅವರ ಮೂವರು ಮಕ್ಕಳೂ ಅಮೆರಿಕದಲ್ಲಿರುವುದರಿಂದ ಇಲ್ಲಿ ಅವರ ಕುಟುಂಬ ಸ್ನೇಹಿತರಾದ ಶ್ರೀಧರ್‌ ಕಲ್ಲಹಳ್ಳ ಅವರೇ ನಾಗರಾಜ್ ಅವರ ಯೋಗಕ್ಷೇಮ ನೋಡಿಕೊಳ್ಳುತ್ತಿದ್ದರು. ಅಸ್ಪತ್ರೆಗೆ ಕರೆದುಕೊಂಡು ಹೋಗಿ ಮತ್ತೆ ಮರಳಿ ಭೀಮನಕಟ್ಟೆಗೆ ಬಂದು ಕೊನೆಯ ಕ್ರಿಯೆ ಮಾಡುವವರೆಗೂ ಅವರದ್ದೇ ಜವಾಬ್ದಾರಿ ಆಗಿತ್ತು. ಯಾವುದೇ ಸಂಪ್ರದಾಯ, ವಿಧಿ ಮಾಡಬಾರದು ಎಂದು ನಾಗರಾಜ್ ಹೇಳಿದ್ದ ಪ್ರಕಾರವೇ ಸ್ನೇಹಿತರು, ಊರು ಮನೆಯವರು, ಬಂಧುಗಳು ಗೌರವ ಸಲ್ಲಿಸಿ ಅಂತಿಮ ದರ್ಶನ ಪಡೆದರು. ಆದರೆ ಅಮೆರಿಕದಲ್ಲಿರುವ ಮಕ್ಕಳು ವಿಡಿಯೊ ಕಾಲ್ ಮೂಲಕ ಇದೆಲ್ಲವನ್ನು ನೋಡಿದರು.

Advertisement

ಅಮೆರಿಕದಲ್ಲಿ ಎಂಎಸ್‌ಸಿ (ಕೃಷಿ) ಪದವಿ ಪಡೆದಿದ್ದ ನಾಗರಾಜ್ , ಕೃಷಿ ಮತ್ತು ಆಹಾರ ವಿಜ್ಞಾನಿಯಾಗಿ ಹಲವು ವರ್ಷ ಅಲ್ಲೇ ಕಾರ್ಯ ನಿರ್ವಹಿಸಿದ್ದರು. 1980ರಲ್ಲಿ ಸ್ವಯಂ ನಿವೃತ್ತಿ ಪಡೆದು ಭಾರತಕ್ಕೆ ವಾಪಸಾಗಿ ಭೀಮನಕಟ್ಟೆಯಲ್ಲಿ ನೆಲಸಿದ್ದರು. ಮೈಸೂರು ಸಮೀಪದ ಕಳಲವಾಡಿ ಗ್ರಾಮದ ಬಳಿ ಜಮೀನು ಖರೀದಿಸಿ ಕೆಲವು ವರ್ಷ ಸಾವಯವ ಕೃಷಿಯಲ್ಲೂ ತೊಡಗಿಕೊಂಡಿದ್ದರಲ್ಲದೇ, ಜೀವನದ ಮುಸ್ಸಂಜೆಯಲ್ಲೂ ಸಾವಯವ ಕೃಷಿ ಮತ್ತು ಆಹಾರದ ಬಗ್ಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಕಾರ್ಯವನ್ನು ಮುಂದುವರಿಸಿದ್ದರು. 

‘ಆನಂದದ ಹುಡುಕಾಟ’ ಇವರು ಬರೆದ ಆತ್ಮಚರಿತ್ರೆ. ಆಹಾರ ಮತ್ತು ಆರೋಗ್ಯದ ಬಗ್ಗೆ ಅವರು ಬರೆದ ಪುಸ್ತಕಗಳನ್ನು ಹಂಪಿ ವಿಶ್ವವಿದ್ಯಾಲಯ ಪ್ರಕಟಿಸಿದೆ.

Advertisement
Advertisement