ನಿನ್ನ ಮೇಲೆ ಕೇಸ್ ಇರೋದು ನಂಗೆ ಗೊತ್ತು – ಕಾರು ಸೈಡ್ ಗೆ ಹಾಕಿಸಿದ ಡಿಸಿಪಿಗೆ ಸಿದ್ದು ಕ್ಲಾಸ್

ವಿಧಾನಸೌಧದಲ್ಲಿ ನಡೆಯುತ್ತಿರುವ ವಿಶೇಷ ಅಧಿವೇಶನಕ್ಕೆ ಆಗಮಿಸಿದ್ದ ಸಿದ್ದರಾಮಯ್ಯ ಅವರ ಕಾರನ್ನು ಭದ್ರತೆಯ ದೃಷ್ಟಿಯಿಂದ  ಡಿಸಿಪಿ ಯೋಗೇಶ್ ಅವರು ಸೈಡ್ ಗೆ ಹಾಕಿಸಿದ್ದರು. ಈ ಒಂದೇ ಒಂದು ಕಾರಣಕ್ಕಾಗಿ ಮಾಜಿ ಮುಖ್ಯಮಂತ್ರಿಗಳಾದ ಸಿದ್ದರಾಮಯ್ಯ ಅವರು ಯೋಗೇಶ್ ಮೇಲೆ ಗರಂ ಆಗಿದ್ದಾರೆ. ಈ ವಿಚಾರ ಇದೀಗ ಭಾರಿ ಚರ್ಚೆಗೆ ಗ್ರಾಸವಾಗಿದೆ

Sponsored

ಅಧಿವೇಶನ ಮುಗಿಸಿಕೊಂಡು ಸಿದ್ದರಾಮಯ್ಯ ತಮ್ಮ ನಿವಾಸಕ್ಕೆ ತೆರಳುವ ವೇಳೆ ಘಟನೆ ನಡೆದಿದೆ. ಮುಖ್ಯಮಂತ್ರಿಯಾದ ದಿನದಿಂದ ಸಿದ್ದರಾಮಯ್ಯ ಅವರು ವಿಧಾನಸೌಧಕ್ಕೆ ಬಂದಾಗ ಕೆಂಗಲ್ ದ್ವಾರದ ಬಳಿ ತಮ್ಮ ಕಾರನ್ನು ನಿಲ್ಲಿಸುತ್ತಿದ್ದರು. ಈಗಲೂ ಸಿದ್ದರಾಮಯ್ಯ ತಮ್ಮ ಕಾರನ್ನು ನಿಲ್ಲಿಸಿ ವಿಧಾನಸೌಧದ ಒಳಗೆ ಪ್ರವೇಶ ಮಾಡಿದ ಬೆನ್ನಲ್ಲೇ ಡಿಸಿಪಿ ಯೋಗೇಶ್ ಅವರು ಡ್ರೈವರ್‍‌ಗೆ ಹೇಳಿ ಕಾರನ್ನು ತೆಗೆಸಿದ್ದರು. 

ವಿಧಾನಸೌಧದಲ್ಲಿ ಕೆಲಸ ಮುಗಿದ ಬಳಿಕ ಸಿದ್ದರಾಮಯ್ಯ ನಿವಾಸಕ್ಕೆ ತೆರಳಲು ಕೆಂಗಲ್ ಗೇಟ್ ಬಳಿ ಬಂದಿದ್ದರು. ಆದರೆ ಅವರ ಕಾರು ಅಲ್ಲಿರಲಿಲ್ಲ. ಕಾರಿಗಾಗಿ ಸ್ವಲ್ಪ ಹೊತ್ತು ಕಾದಿದ್ದಾರೆ. ನಂತರ ಕಾರು ಎಲ್ಲಿ ಹೋಯ್ತು ಎಂದು ಕೇಳಿದಾಗ ಬೆಂಬಲಿಗರು, ಡಿಸಿಪಿ ತೆಗೆಸಿರೋ ವಿಚಾರವನ್ನು ಹೇಳಿದ್ದಾರೆ. ಅದಕ್ಕೆ ಕೋಪಿಸಿಕೊಂಡ ಸಿದ್ದರಾಮಯ್ಯ ಡಿಸಿಪಿಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ.

ಡಿಸಿಪಿ ಗೆ ಕರೆದು ಯಾಕೆ ಕಾರು ತೆಗೆಸಿದ್ದು ಎಂದು ಗದರಿದ್ದಾರೆ. ಏ ನಿನ್ನ ಮೇಲೆ ಕೇಸ್ ಇರೋದು ಗೊತ್ತಿದೆ. ಸುಮ್ಮನೆ ಇಲ್ಲದಿರೋದನ್ನ ಮಾಡಬೇಡ.. ಹುಷಾರ್ ಎಂದು ಡಿಸಿಪಿಯನ್ನು ಕರೆದು ಜಾಡಿಸಿದ್ದಾರೆ. ಅಷ್ಟರಲ್ಲಿ ಅವರ ಕಾರು ಬಂದಿತ್ತು, ಕೋಪದಲ್ಲೇ ಸಿದ್ದರಾಮಯ್ಯ ಹೊರಟು ಹೋಗಿದ್ದಾರೆ. ಹೋಗುವ ವೇಳೆ ಗೃಹ ಸಚಿವ ಪ್ರಿಯಾಂಕ್ ಖರ್ಗೆಗೆ ಅವರು ವಿಧಾನಸೌಧದಲ್ಲಿ ಸರಿಯಾಗಿ ನಡೆದುಕೊಳ್ಳಲ್ಲ. ಮೊದಲಿನಿಂದಲೂ ಅವರ ವಿರುದ್ಧ ಆರೋಪಗಳಿವೆ. ಆತನ ಮೇಲೆ ಕಣ್ಣು ಇಡಿ ಎಂದು ಖರ್ಗೆಗೆ ಹೇಳಿದ್ದಾರೆ. ಎನ್ನಲಾಗಿದೆ.