34
ಶಿವಮೊಗ್ಗ: ಜಿಲ್ಲೆಯ ಸೊರಬ ತಾಲೂಕಿನ ಉದ್ರಿ ವಡ್ಡಿಗೆರೆ ಗ್ರಾಮದಲ್ಲಿ ವಿಚಿತ್ರವಾದ ಆಡಿನ ಮರಿಯೊಂದು ಜನಿಸಿದೆ. ಕಾಳಿಂಗಪ್ಪ ಭಾವಿಕಟ್ಟೇರ್ ಹಾಗೂ ಪಟ್ಟಮ್ಮ ದಂಪತಿಯ ಮನೆಯಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ. ಕೃಷಿ ಜೊತೆ ಕುರಿ ಸಾಕಾಣಿಕೆಯನ್ನು ಈ ದಂಪತಿಗಳು ಮಾಡುತ್ತಿದ್ದಾರೆ.
ಈ ದಂಪತಿಯ ಮನೆಯ ಆಡು ಮರಿಗೆ ಜನ್ಮ ನೀಡಿದ್ದು, ಆರಂಭದಲ್ಲಿ ಅವಳಿ ಮರಿಗಳು ಜನಿಸಬಹುದು ಎಂದು ಭಾವಿಸಲಾಗಿತ್ತು. ಆದರೆ ಆಡು ಜನ್ಮ ನೀಡಿದ ಒಂದೇ ಮರಿಗೆ 8 ಕಾಲು, ಮೂರು ಕಿವಿ, ಎರಡು ಬಾಲ ಮತ್ತು ಎರಡು ನಾಲಿಗೆಗಳಿದ್ದವು.
ಇದನ್ನು ನೋಡಲು ಸುತ್ತಮುತ್ತಲಿನ ಗ್ರಾಮಸ್ಥರು ಕುತೂಹಲದಿಂದ ಆಗಮಿಸಿದ್ದರು. ನಿನ್ನೆ ಮಧ್ಯಾಹ್ನ ಜನಿಸಿದ ಈ ವಿಚಿತ್ರ ಆಡಿನ ಮರಿ ಸಂಜೆಯವರೆಗೂ ಬದುಕಿದ್ದು, ನಂತರ ಸಾವಿಗೀಡಾಗಿದೆ.