ಮೇ. 3 ರಂದು ನಡೆದ ನೀಟ್ ಯುಜಿ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಸೋರಿಕೆಯಾದ ಹಿನ್ನಲೆ ಇಂದು (ಜೂನ್. 21) ದೇಶದಾದ್ಯಂತ ನೀಟ್ ಮರು ಪರೀಕ್ಷೆಯನ್ನು ನಡೆಸಲಾಗುತ್ತಿದೆ. ಆದರೆ ಇದೀಗ ಮತ್ತೆ ನೀಟ್ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಲೀಕ್ ಆಯ್ತಾ ಎಂಬ ಪ್ರಶ್ನೆ ಎದುರಾಗಿದೆ.
ರಾಜಸ್ಥಾನದ ಅಜ್ಮೀರದ ವಿದ್ಯಾರ್ಥಿಯೊರ್ವರಿಗೆ 30 ಸಾವಿರಕ್ಕೆ ನೀಟ್ ಪೇಪರ್ ನೀಡುವುದಾಗಿ ಪೋನ್ ಕರೆ ಮೂಲಕ ಹೇಳಿರುವ ಘಟನೆ ವರದಿಯಾಗಿದೆ. ಮರು ಪರೀಕ್ಷೆಯಲ್ಲಿ ಸಹ ಪ್ರಶ್ನೆ ಪತ್ರಿಕೆ ಸೋರಿಕೆ ಯ ಅನುಮಾನ ವ್ಯಕ್ತವಾಗಿದೆ. ಅಜ್ಮೀರದ ಡಿಎವಿ ಕಾಲೇಜಿನ ವಿದ್ಯಾರ್ಥಿ ಪ್ರತಿನಿಧಿ ಕೃಷ್ಣಾ ಸಿಂಗ್ ಠಾಕೂರ್ ಈ ಕುರಿತು ಪೊಲೀಸರಲ್ಲಿ ದೂರನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ.
ಶನಿವಾರ (ಜೂ.20) ದ ರಾತ್ರಿ ಹಲವು ವಿದ್ಯಾರ್ಥಿಗಳಿಗೆ ನೀಟ್ ಪೇಪರ್ನ್ನು ನೀಡುತ್ತೆವೆ 30 ಸಾವಿರ ಕೊಟ್ಟು ಪ್ರಶ್ನೆ ಪತ್ರಿಕೆ ನಿಮ್ಮದಾಗಿಸಿಕೊಳ್ಳಿ ಎಂದು ಹೇಳಲಾಗಿದೆ. ಜೊತೆಗೆ ಕ್ಯೂಆರ್ (QR) ಕೋಡ್ನ್ನು ವಾಟ್ಯಾಸ್ಪ್ಗೆ ಕಳುಹಿಸಿದ್ದಾರೆ. ಆದರೆ ಇದೊಂದು ಮೋಸದ ಕರೆ, ನಮ್ಮಿಂದ ಹಣ ಪೀಕುವ ಜಾಲವೆಂದು ವಿದ್ಯಾರ್ಥಿಗಳ್ಯಾರು ಈ ಜಾಲಕ್ಕೆ ಬಿದ್ದಿಲ್ಲ. ಆದರೆ ಈ ಕರೆ ನಿಜವಾಗಿದ್ದರೆ ಮತ್ತೊಮ್ಮೆ ಪ್ರಶ್ನೆ ಪತ್ರಿಕೆ ಸೋರಿಕೆ ಆಗಿದೆ ಎಂದಲ್ಲವೇ ಎಂದು ದೂರಿನಲ್ಲಿ ಠಾಕೂರ್ ಪ್ರಶ್ನಿಸಿದ್ದಾರೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೂರನ್ನು ದಾಖಲಿಸಿಕೊಂಡಿರುವ ಪೊಲೀಸ್ ವರಿಷ್ಟಾಧಿಕಾರಿ ಹಿಮಾಂಶು ಜಂಗೀದ್, ನಾವು ಈ ದೂರನ್ನು ಬಹಳ ಗಂಭೀರವಾಗಿ ಪರಿಗಣಿಸಿದ್ದೆವೆ. ಮೊಬೈಲ್ ಸಂಖ್ಯೆ, ಕ್ಯೂಆರ್ (QR) ಕೋಡ್, ಹಾಗೂ ಬ್ಯಾಂಕ್ ಖಾತೆಗೆ ಸಂಬಂಧಿಸಿದ ಮಾಹಿತಿಯನ್ನು ಕಲೆಹಾಕುತ್ತಿದ್ದೆವೆ. ನಂತರ ಈ ಪೇಪರ್ ಸೋರಿಕೆ ಸಂಗತಿ ಎಷ್ಟು ಸತ್ಯ? ಎಷ್ಟು ಮಿತ್ಯ? ಎಂದು ತಿಳಿಯಲಿದೆ ಎಂದಿದ್ದಾರೆ.
