ಮಂಗಳೂರಿನ ಆಟೋ ಪ್ರಯಾಣಿಕರಿಗೆ ಶಾಕ್: ಆಟೋ ಪರಿಷ್ಕೃತ ದರ 1.5 ಕಿ.ಮೀ.ಗೆ ₹40 ಫಿಕ್ಸ್

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಆಟೋ ರಿಕ್ಷಾ ಪ್ರಯಾಣ ದರವನ್ನು ಪರಿಷ್ಕರಿಸಿ ಹೊಸ ದರ ಜಾರಿಗೆ ತರಲಾಗಿದೆ. ಪರಿಷ್ಕೃತ ದರದಂತೆ 1.5 ಕಿ.ಮೀ.ವರೆಗೆ ₹40 ಹಾಗೂ ನಂತರದ ಪ್ರತಿ ಕಿ.ಮೀ.ಗೆ ₹20 ದರ ನಿಗದಿಯಾಗಿದೆ.

Sponsored

ಪ್ರಯಾಣಿಕರಿಗೆ 10 ನಿಮಿಷಗಳವರೆಗೆ ಉಚಿತ ಕಾಯುವಿಕೆ ಇರಲಿದೆ. ಬಳಿಕ ಪ್ರತಿ 15 ನಿಮಿಷಗಳ ಕಾಯುವಿಕೆಗೆ ₹5 ಹೆಚ್ಚುವರಿ ಶುಲ್ಕ ವಿಧಿಸಬಹುದು.

ಲಗೇಜ್‌ಗೆ 20 ಕೆ.ಜಿ.ವರೆಗೆ ಶುಲ್ಕವಿಲ್ಲ. ನಂತರ ಪ್ರತಿ 20 ಕೆ.ಜಿ. ಲಗೇಜ್‌ಗೆ ₹5 ಹೆಚ್ಚುವರಿ ಶುಲ್ಕ ನಿಗದಿಪಡಿಸಲಾಗಿದೆ.

ಬೆಳಿಗ್ಗೆ 5ರಿಂದ ರಾತ್ರಿ 10ರವರೆಗೆ ನಿಗದಿತ ಮೀಟರ್ ದರದ ಒಂದೂವರೆ ಪಟ್ಟು ದರ ಪಡೆಯಲು ಅವಕಾಶ ನೀಡಲಾಗಿದೆ. ಪರಿಷ್ಕೃತ ದರಪಟ್ಟಿಯನ್ನು ಆಟೋಗಳಲ್ಲಿ ಪ್ರಯಾಣಿಕರಿಗೆ ಕಾಣುವಂತೆ ಪ್ರದರ್ಶಿಸುವಂತೆ ಸೂಚಿಸಲಾಗಿದೆ.

ಅಲ್ಲದೆ, ಆಟೋಗಳಲ್ಲಿರುವ ಮೀಟರ್‌ಗಳನ್ನು ಪರಿಷ್ಕೃತ ದರಕ್ಕೆ ಅನುಗುಣವಾಗಿ ಬದಲಾಯಿಸಿಕೊಳ್ಳುವಂತೆ ಅಧಿಕಾರಿಗಳು ಸೂಚಿಸಿದ್ದಾರೆ.