ವಾಲ್ಮೀಕಿ ನಿಗಮದ ನಂತರ ನಾಗೇಂದ್ರ ಮೇಲೆ ಇನ್ನೆರಡು ಕೇಸ್‌, ಇಡಿ ಬುಲಾವ್

ವಾಲ್ಮೀಕಿ ಅಭಿವೃದ್ಧಿ ನಿಗಮದ ಬಹುಕೋಟಿ ಕೇಸಿನ ಆರೋಪಿ ಆಗಿರುವ ಮಾಜಿ ಸಚಿವ ಬಿ.ನಾಗೇಂದ್ರ ಅವರಿಗೆ ಇಡಿ ಅಧಿಕಾರಿಗಳು ಶಾಕ್‌ ನೀಡಿದ್ದಾರೆ. ಇನ್ನೆರಡು ವಂಚನೆ ಕೇಸಲ್ಲಿ ನಾಗೇಂದ್ರ ಅವರಿಗೆ ನೋಟಿಸ್‌ ನೀಡಲಾಗಿದೆ.

Sponsored

ಪರಿಶಿಷ್ಟ ಪಂಗಡಗಳ ಕಲ್ಯಾಣ ಇಲಾಖೆ ಮತ್ತು ಕರ್ನಾಟಕ ಜರ್ಮನ್‌ ತಾಂತ್ರಿಕ ತರಬೇತಿ ಸಂಸ್ಥೆಯಲ್ಲಿ ನಡೆದ ವಂಚನೆ ಕುರಿತು ಚಾರ್ಜ್‌ಶೀಟ್‌ನಲ್ಲಿ ಉಲ್ಲೇಖ ಮಾಡಲಾಗಿದೆ. ಈ ಎರಡು ಪ್ರಕರಣದಲ್ಲಿ ನಾಗೇಂದ್ರ ಭಾಗಿ ಕುರಿತು ಚಾರ್ಜ್‌ಶೀಟ್‌ನಲ್ಲಿ ಪ್ರಸ್ತಾಪಿಸಲಾಗಿದೆ.

ಈ ವಿಚಾರಕ್ಕೆ ಕುರಿತಂತೆ ದಾಖಲೆ ಸಮೇತ ವಾರದೊಳಗೆ ವಿಚಾರಣೆಗೆ ಬರುವಂತೆ ಇ.ಡಿ. ಅಧಿಕಾರಿಗಳು ಸೂಚನೆ ನೀಡಿದ್ದಾರೆ ಎನ್ನಲಾಗಿದೆ. ಇದೀಗ ಮತ್ತೆ ಇಡಿ ವಿಚಾರಣೆಗೆ ನಾಗೇಂದ್ರ ಒಳಪಡಬೇಕಿದೆ.