ಸೋಮವಾರ, 16 ನವೆಂಬರ್ 2026
Trending

ಕಲಾಧರೆಯ ಮಡಿಲಲ್ಲಿ ಅರಳಿದ ಬಹುಮುಖ ಪ್ರತಿಭೆ: ಶ್ರಾವ್ಯ ಅಲ್ತಾರು

Advertisement
Advertisement

ಲೇಖನ: ಸತೀಶ ಶೆಟ್ಟಿ ಚೇರ್ಕಾಡಿ ದೊಡ್ಡಮನೆ

Sponsored

ಸಂಸ್ಕೃತಿ ಮತ್ತು ಕಲೆಯ ನೆಲೆಬೀಡಾದ ನಮ್ಮ ಕರಾವಳಿ ತೀರದ ಮಣ್ಣಿನಲ್ಲಿ ಅದೆಷ್ಟೋ ಪ್ರತಿಭೆಗಳು ಮೌನವಾಗಿಯೇ ಸಾಧನೆಯ ಶಿಖರ ಏರುತ್ತಿವೆ. ಅಂತಹ ಸಾಲಿನಲ್ಲಿ ಭರವಸೆಯ ಕಿರಣವಾಗಿ ಮೂಡಿಬಂದವರು ಕುಮಾರಿ ಶ್ರಾವ್ಯ ಅಲ್ತಾರು. ಬ್ರಹ್ಮಾವರ ಸಮೀಪದ ಅಲ್ತಾರಿನ ಕೃಷ್ಣ ಹಾಗೂ ಶಶಿಕಲಾ ದಂಪತಿಗಳ ಸುಪುತ್ರಿಯಾದ ಶ್ರಾವ್ಯ, ಬಾಲ್ಯದಿಂದಲೇ ಕಲೆಯನ್ನೇ ಉಸಿರಾಗಿಸಿಕೊಂಡವರು.

Advertisement
Advertisement

Advertisement

ನೃತ್ಯ ಮತ್ತು ಗಾಯನದ ಅಪೂರ್ವ ಸಂಗಮ
ಶ್ರಾವ್ಯ ಅವರದ್ದು ಕೇವಲ ಒಂದು ಕಲೆಗೆ ಸೀಮಿತವಾದ ವ್ಯಕ್ತಿತ್ವವಲ್ಲ. ಇವರು ಎಷ್ಟು ಲಯಬದ್ಧವಾಗಿ ಹೆಜ್ಜೆ ಹಾಕುತ್ತಾರೋ, ಅಷ್ಟೇ ಮಧುರವಾಗಿ ಹಾಡಬಲ್ಲ ಗಾಯಕಿ ಕೂಡ.
ನೃತ್ಯ: ಬಾಲ್ಯದಲ್ಲೇ ಹೆಜ್ಜೆ ಹಾಕಲು ಕಲಿತ ಈ ಪ್ರತಿಭೆ, ಇಂದು ನಾಡಿನ ಹತ್ತು-ಹಲವು ವೇದಿಕೆಗಳಲ್ಲಿ ತನ್ನ ಚೈತನ್ಯದಾಯಕ ಪ್ರದರ್ಶನವನ್ನು ನೀಡಿದ್ದಾರೆ. ಲಯಬದ್ಧ ಚಲನೆ ಮತ್ತು ಭಾವಪೂರ್ಣ ಅಭಿನಯ ಇವರ ವಿಶೇಷತೆ.

ಗಾಯನ: ಇವರ ಹೆಸರಿಗೆ ತಕ್ಕಂತೆ “ಶ್ರಾವ್ಯ”ವಾದ ಕಂಠ ಇವರದ್ದು. ನೃತ್ಯದ ಜೊತೆಗೆ ಸಂಗೀತವನ್ನೂ ಆರಾಧಿಸುವ ಇವರು, ಸುಶ್ರಾವ್ಯವಾಗಿ ಹಾಡುತ್ತಾ ಕಲಾಭಿಮಾನಿಗಳ ಮನಗೆದ್ದಿದ್ದಾರೆ. ನೃತ್ಯದ ಹೆಜ್ಜೆಗೆ ಸಂಗೀತದ ಮಾಧುರ್ಯ ಸೇರಿದಾಗ ಅಲ್ಲಿ ಕಲೆಗೆ ಪರಿಪೂರ್ಣತೆ ಸಿಗುತ್ತದೆ ಎಂಬುದು ಶ್ರಾವ್ಯ ಅವರ ಸಾಧನೆಯಲ್ಲಿ ಎದ್ದು ಕಾಣುತ್ತದೆ.

ಸಾರ್ಥಕ ಹಾದಿಯ ಸಾಧನೆಗಳು
ಕಲೆಗೆ ಸಿಗುವ ದೊಡ್ಡ ಮೆಚ್ಚುಗೆ ಎಂದರೆ ಅದು ಪ್ರೇಕ್ಷಕರ ಚಪ್ಪಾಳೆ. ಶ್ರಾವ್ಯ ಅವರು ಹೋದಲ್ಲೆಲ್ಲಾ ಕಲಾಭಿಮಾನಿಗಳ ಪ್ರೀತಿಯನ್ನು ಗಳಿಸಿದ್ದಾರೆ. ಇವರ ಕಲಾಪರಿಣಿತಿಯನ್ನು ಗುರುತಿಸಿ ಹಲವು ಪ್ರತಿಷ್ಠಿತ ಪ್ರಶಸ್ತಿಗಳು ಹುಡುಕಿಕೊಂಡು ಬಂದಿವೆ. ಈ ಪ್ರಶಸ್ತಿಗಳು ಕೇವಲ ಅವರ ವ್ಯಕ್ತಿತ್ವಕ್ಕೆ ಸಂದ ಗೌರವವಲ್ಲ, ಬದಲಾಗಿ ಕರಾವಳಿಯ ಬಹುಮುಖ ಪ್ರತಿಭೆಯೊಂದಕ್ಕೆ ಸಂದ ಜಯವೆಂದೇ ಭಾವಿಸಬಹುದು.

ಉಜ್ವಲ ಭವಿಷ್ಯದ ಆಶಯ
ಮನೆಯ ಸಂಸ್ಕಾರ ಮತ್ತು ಹೆತ್ತವರ ಪ್ರೋತ್ಸಾಹದ ಭದ್ರ ಬುನಾದಿಯ ಮೇಲೆ ಶ್ರಾವ್ಯ ಅವರು ತನ್ನ ಕಲಾ ಬದುಕನ್ನು ಕಟ್ಟಿಕೊಂಡಿದ್ದಾರೆ. ತನ್ನ ಮೂಲವನ್ನು ಮರೆಯದೆ, ಹುಟ್ಟೂರಿನ ಹೆಸರನ್ನು ಬೆಳಗುತ್ತಿರುವ ಈ ಕಲಾ ತಪಸ್ವಿನಿಯ ಪಯಣ ನಿರಂತರವಾಗಿರಲಿ.

“ನೃತ್ಯದ ನಾದಕ್ಕೂ, ಗಾಯನದ ಮಾಧುರ್ಯಕ್ಕೂ ಸೇತುವೆಯಾಗಿರುವ ಶ್ರಾವ್ಯ ಅವರ ಕಲಾ ಪಯಣಕ್ಕೆ ಆ ತಾಯಿ ಬ್ರಾಹ್ಮಿಯ ಕೃಪೆ ಸದಾ ಇರಲಿ”

Advertisement
Advertisement