ಮನೆಯ ಎಲ್ಲಾ ಕೆಲಸ ಮಾಡೋ ಹೆಂಡತಿಗೆ ತಿಂಗಳ ಸಂಬಳ ಕೊಡೋ ಗಂಡ – ಕಾರಣ ಕೇಳಿದ್ರೆ ಎದ್ದು ನಿಂತು ಸಲಾಂ ಹೊಡಿತೀರಾ!!

ಮನೆಯಲ್ಲಿ ಮನೆ ಕೆಲಸ ಮಾಡುವ ಹೆಂಡತಿಗೆ ಸಂಬಳ ನೀಡಬೇಕಾ ಎಂಬ ಚರ್ಚೆ ಒಂದು ಕೆಲ ದಿನಗಳಿಂದ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಇದರ ನಡುವೆಯೇ ಇನ್ನೊಬ್ಬ ಗಂಡ ತನ್ನ ಹೆಂಡತಿ ಅಡಿಗೆ ಮಾಡಿ ಮನೆ ಕೆಲಸ ಮಾಡುವುದಕ್ಕೆ ಪ್ರತಿ ತಿಂಗಳು ಆಕೆಗೆ ಸಂಬಳವನ್ನು ನೀಡಿ ಸುದ್ದಿಯಾಗುತ್ತಿದ್ದಾನೆ. ಅಷ್ಟೇ ಅಲ್ಲ ಆತ ಕೊಟ್ಟ ಕಾರಣ ಕೇಳಿದರೆ ನೀವು ಕೂಡ ಆತನಿಗೆ ಸಲಾಂ ಹೊಡೆಯುತ್ತೀರಿ.

Sponsored

ಹೌದು, ರೆಡ್ಡಿಟ್‌ನ ‘TwentiesIndia’ ಗ್ರೂಪ್‌ನಲ್ಲಿ ಬಳಕೆದಾರರೊಬ್ಬರು ತಮ್ಮ ಸರ್ಕಾರಿ ನೌಕರ ಅಣ್ಣನ ವೈವಾಹಿಕ ಜೀವನದ ನಿಯಮವೊಂದನ್ನು ಹಂಚಿಕೊಂಡಿದ್ದಾರೆ. ಅವರ ಅಣ್ಣ ಕೇಂದ್ರ/ರಾಜ್ಯ ಸರ್ಕಾರಿ ನೌಕರರಾಗಿದ್ದು, ಅವರ ಪತ್ನಿ ಗೃಹಿಣಿಯಾಗಿದ್ದಾರೆ. ತಮ್ಮ ಪತ್ನಿ ಪ್ರತಿದಿನ ಮಾಡುವ ಅಡುಗೆ, ಮನೆ ಸ್ವಚ್ಛಗೊಳಿಸುವಿಕೆ ಮತ್ತು ಮನೆ ನಿರ್ವಹಣೆಗಾಗಿ ಗಂಡ ಪ್ರತಿ ತಿಂಗಳು ಒಂದು ನಿಗದಿತ ಮೊತ್ತವನ್ನು ‘ವೇತನ’ದ ರೂಪದಲ್ಲಿ ನೀಡುತ್ತಾರೆ. ವಿಶೇಷವೆಂದರೆ, ಈ ಸಂಬಳದ ಹಣದಿಂದ ಪತ್ನಿ ಮನೆಯ ಯಾವುದೇ ದಿನಸಿ, ಕರೆಂಟ್ ಬಿಲ್ ಅಥವಾ ಮಕ್ಕಳ ಖರ್ಚನ್ನು ನೋಡಿಕೊಳ್ಳಬೇಕಿಲ್ಲ. ಮನೆಯ ಸಮಸ್ತ ಖರ್ಚು-ವೆಚ್ಚಗಳನ್ನು ಗಂಡನೇ ಪ್ರತ್ಯೇಕವಾಗಿ ನಿಭಾಯಿಸುತ್ತಾರೆ. ಪತ್ನಿಗೆ ನೀಡುವ ಸಂಬಳ ಕೇವಲ ಆಕೆಯ ವೈಯಕ್ತಿಕ ಹಣವಾಗಿರುತ್ತದೆ.

ಗಂಡ ಕೊಟ್ಟ ಕಾರಣ :

ಗಂಡನ ಪ್ರಕಾರ, ನಾವು ಹೊರಗಿನಿಂದ ಅಡುಗೆಯವರನ್ನೋ ಅಥವಾ ಮನೆಗೆಲಸದವರನ್ನೋ ನೇಮಿಸಿಕೊಂಡರೆ ಮಾರುಕಟ್ಟೆ ದರದಲ್ಲಿ ತಿಂಗಳಿಗೆ ಸಾವಿರಾರು ರೂಪಾಯಿ ಹಣ ಕೊಡುತ್ತೇವೆ. ಹಾಗಿರುವಾಗ ಅದೇ ಕೆಲಸವನ್ನು ಅತ್ಯಂತ ಪ್ರೀತಿ ಮತ್ತು ಜವಾಬ್ದಾರಿಯಿಂದ ಮಾಡುವ ಸ್ವಂತ ಹೆಂಡತಿಯ ಶ್ರಮದ ಮೌಲ್ಯ ಶೂನ್ಯವಾಗುವುದೇಕೆ? ಈ ಪ್ರಶ್ನೆಗೆ ನ್ಯಾಯ ಒದಗಿಸುವ ಸಲುವಾಗಿಯೇ ಅವರು ಪತ್ನಿಗೆ ಪ್ರತಿ ತಿಂಗಳು ಅಧಿಕೃತವಾಗಿ ಸಂಬಳ ನೀಡುವ ಪದ್ಧತಿಯನ್ನು ರೂಢಿಸಿಕೊಂಡಿದ್ದಾರೆ.

ಈ ಬಗ್ಗೆ ನೆಟ್ಟಿಗರು ಪರ- ವಿರೋಧ ಚರ್ಚೆಯನ್ನು ಹುಟ್ಟು ಹಾಕಿದ್ದಾರೆ. ಕೆಲವರು ಹೆಂಡತಿಯ ಕೆಲಸ ಕಾರ್ಯಗಳಿಗೆ ಗಂಡನ ಗೌರವ ಕೊಡುವ ಪರಿ ಇದಾಗಿದೆ ಎಂದು ಬಣ್ಣಿಸಿದರೆ ಮತ್ತೆ ಕೆಲವರು ಮದುವೆ ಎಂಬುದು ಎರಡು ಪ್ರೀತಿಗಳಿಂದ ಸಮ್ಮೇಳೀತವಾಗಿರುತ್ತದೆ ಅದರಲ್ಲಿ ಕೆಲಸ, ಕಾರ್ಯ, ಹಣ, ನನ್ನದು ನಿನ್ನದು ಎಂಬ ಭೇದ ಭಾವಗಳು ಉಂಟಾಗಬಾರದು ಎಂದು ಕಮೆಂಟಿಸಿದ್ದಾರೆ.