ಹೂವಿನ ಅಲಂಕಾರ, ಕಣ್ಣು ಕುಕ್ಕುವ ಮದುಮಗಳ ಉಡುಗೆ, ಮೈತುಂಬಾ ಒಡವೆಗಳು—ಸಾಮಾನ್ಯವಾಗಿ ಮದುವೆಯ ದಿನ ವಧುವೊಬ್ಬರು ನಗುತ್ತಾ ಕಾರಿನಿಂದ ಇಳಿದು ಬರುವ ದೃಶ್ಯ ಕಣ್ಣಿಗೆ ಕಾಣುತ್ತದೆ. ಆದರೆ, ಉತ್ತರಾಖಂಡದ ಈ ಕಥೆಯೇ ಬೇರೆ, ಇಲ್ಲಿ ಮದುಮಗಳೊಬ್ಬಳು ಕಾರಿನ ಬದಲಿಗೆ ಮದುವೆಯ ಸೀರೆಯುಟ್ಟು, ಬರೋಬ್ಬರಿ 18 ಕಿಲೋಮೀಟರ್ ಒರಟು ಪರ್ವತ ಹಾದಿಯನ್ನು ಕಾಲ್ನಡಿಗೆಯಲ್ಲೇ ಕ್ರಮಿಸಿ ಇಡೀ ವ್ಯವಸ್ಥೆಯ ಕಣ್ಣು ತೆರೆಸಿದ್ದಾಳೆ.
Sponsoredಬಲ್ಹಾರ್‌ ಗ್ರಾಮದಿಂದ ಡೆಹ್ರಾಡೂನ್‌ ಸಮೀಪದ ಉಂಡವಾ ಎನ್ನುವ ದೂರದ ವಸತಿ ಪ್ರದೇಶಕ್ಕೆ ವಧು ಶರ್ಮಿಳಾ ಮದುವೆ ದಿಬ್ಬಣದ ಜೊತೆ ತೆರಳುತ್ತಿದ್ದರು. ಈ ಗ್ರಾಮಕ್ಕೆ ಸರಿಯಾದ ರಸ್ತೆ ಸಂಪರ್ಕವಿಲ್ಲ. ಕಳೆದ ಮಂಗಳವಾರ ಲೋಖಂಡಿಯಿಂದ ತಮ್ಮ ಪ್ರಯಾಣ ಆರಂಭಿಸಿದ ಇವರು, ಶುಭ ಮುಹೂರ್ತಕ್ಕೆ ಬೇಗ ತಲುಪಲು ಒರಟಾದ ದಾರಿಯಲ್ಲಿ ವೇಗವಾಗಿ ನಡೆದುಕೊಂಡು ಹೋಗಿದ್ದಾರೆ.
उत्तराखंड के देहरादून स्थित चकराता के उदावा गांव की एक अनोखी शादी का वीडियो सोशल मीडिया पर तहलका मचा रहा है, जिसने परंपरा और विकास की पोल दोनों एक साथ खोल दी हैं!
यहाँ 'जोजोड़' नाम की एक ऐसी अद्भुत परंपरा है, जिसमें दूल्हा नहीं बल्कि दुल्हन खुद अपने घर से बारात लेकर दूल्हे के… pic.twitter.com/RZ0JMAbjKt
— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) October 22, 2026
ಮದುವೆಯ ಸಂಭ್ರಮದಲ್ಲಿರಬೇಕಾದ ಆ ನವವಧು, ಗ್ರಾಮಕ್ಕೆ ಸರಿಯಾದ ರಸ್ತೆ ಸಂಪರ್ಕ ಕಲ್ಪಿಸದ ವ್ಯವಸ್ಥೆಯ ವಿರುದ್ಧ ಧ್ವನಿಯೆತ್ತಲು ಮದುವೆ ಬಟ್ಟೆಯಲ್ಲೇ ಹೆಜ್ಜೆ ಹಾಕಿದಳು. ಸೌಕರ್ಯ ವಂಚಿತ ಬದುಕಿನ ಬೇಸರವನ್ನು ಸಾರುತ್ತಾ ಸಾಗಿದ ಈಕೆಯ ಸಾಹಸದ ಹೆಜ್ಜೆಗಳು, ರಸ್ತೆ ನಿರ್ಮಿಸಿಕೊಡುವಂತೆ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಅವರಲ್ಲಿ ಬಲವಾದ ಮನವಿಯನ್ನೂ ಮಾಡಿಕೊಂಡಿವೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅಭಿವೃದ್ಧಿಯ ಕನಸು ಕಾಣುವ ನಮ್ಮ ವ್ಯವಸ್ಥೆಗೆ ಒಂದು ಕನ್ನಡಿಯಾಗಿದೆ.
ಹಬ್ಬದ ಸಂಭ್ರಮದ ಮದುವೆ ಮಂಟಪದ ಬದಲಿಗೆ ಒರಟು ಹಾದಿಯನ್ನೇ ರಂಗುರಂಗಿನ ಮೆರವಣಿಗೆಯನ್ನಾಗಿ ಬದಲಾಯಿಸಿದ ಈ ನವವಧುವಿನ ದಿಟ್ಟ ಹೆಜ್ಜೆಗಳು, ಕೇವಲ ಆಕೆಯ ಮದುಮನೆ ತಲುಪಲಿಲ್ಲ; ಬದಲಿಗೆ ವ್ಯವಸ್ಥೆಯ ಮಂಪರನ್ನು ಕಳಚಿ, ಅಭಿವೃದ್ಧಿಯ ಕನಸುಗಳನ್ನು ಹೊತ್ತ ಸರ್ಕಾರದ ಬಾಗಿಲನ್ನು ತಟ್ಟಿವೆ. ಸೌಕರ್ಯಗಳ ಕೊರತೆಯ ಕತ್ತಲಲ್ಲಿ ಕಳೆದುಹೋದ ಅದೆಷ್ಟೋ ಗ್ರಾಮಗಳ ದನಿಯಾಗಿ ನಿಂತಿರುವ ಈಕೆಯ ಈ ಸಾಹಸದ ನಡಿಗೆ, ಕೇವಲ ಒಂದು ಮದುವೆಯ ಘಟನೆಯಲ್ಲ—ಬದಲಿಗೆ ಬದಲಾವಣೆಗಾಗಿ ಹಂಬಲಿಸುತ್ತಿರುವ ಮೌನ ಜನರ ಒಕ್ಕೊರಲ ಆಕ್ರೋಶ.
