Health Tips: ಬಸ್ಸು, ಕಾರು, ರೈಲು ಅಥವಾ ವಿಮಾನಗಳಲ್ಲಿ ಪ್ರಯಾಣ ಮಾಡುವ ಸಂದರ್ಭದಲ್ಲಿ ಹಲವರಿಗೆ ವಾಂತಿಯಾಗುವುದು ಕಾಮನ್ ಆಗಿದೆ. ದೂರದ ಪ್ರಯಾಣವಾದ ಕಾರಣ ಹೊಟ್ಟೆ ತೊಳೆಸಿ ಹೀಗೆ ವಾಂತಿಯಾಗುತ್ತದೆ ಎಂದು ಅನೇಕರು ಭಾವಿಸುತ್ತಾರೆ. ಅನೇಕರು ಅಲ್ಲ, ಎಲ್ಲರೂ ಭಾವಿಸುವುದೂ ಹೀಗೆಯೇ. ಆದರೆ ಪ್ರಯಾಣಿಸುವಾಗ ವಾಂತಿ ಆದರೆ ಅದು ಒಂದು ಖಾಯಿಲೆ ಎಂಬುದು ನಿಮಗೆ ಗೊತ್ತಾ? ಇಲ್ಲಿದೆ ನೋಡಿ ಅಚ್ಚರಿಯ ವಿಚಾರ.
Sponsored
Marriage AdSponsoredಹೌದು, ಪ್ರಯಾಣದ ವೇಳೆ ವಾಂತಿ ಅಥವಾ ಅಸ್ವಸ್ಥರಾದರೆ ವೈದ್ಯಕೀಯ ಪರಿಭಾಷೆಯಲ್ಲಿ ಇದನ್ನು ‘ಚಲನೆಯ ಖಾಯಿಲೆ’ ಎಂದು ಕರೆಯುತ್ತಾರೆ. ವೈದ್ಯರ ಪ್ರಕಾರ, ನಾವು ವಾಹನದಲ್ಲಿ ಕುಳಿತಾಗ, ಕಿವಿಗಳೊಳಗಿನ ದ್ರವವು ಕಂಪಿಸುತ್ತದೆ, ಇದು ಕುತ್ತಿಗೆ ಮತ್ತು ತಲೆಬುರುಡೆಯಲ್ಲಿ ಕಂಪನಗಳನ್ನು ಉಂಟುಮಾಡುತ್ತದೆ. ಈ ಕಂಪನವು ಮೆದುಳಿನ ಸಮತೋಲನವನ್ನು ಅಡ್ಡಿಪಡಿಸುತ್ತದೆ ಮತ್ತು ವಾಂತಿ ಅಥವಾ ತಲೆತಿರುಗುವಿಕೆಗೆ ಕಾರಣವಾಗುತ್ತದೆ.
ಚಲನೆಯ ಕಾಯಿಲೆ ಎಂದರೇನು?
ಚಲನೆಯ ಕಾಯಿಲೆ ಎಂದರೆ ಪ್ರಯಾಣದ ಸಮಯದಲ್ಲಿ ವಾಕರಿಕೆ, ವಾಂತಿ, ತಲೆತಿರುಗುವಿಕೆ, ತಲೆನೋವು ಅಥವಾ ಚಡಪಡಿಕೆ ಅನುಭವಿಸುವ ಸ್ಥಿತಿ. ಮೆದುಳು, ಕಣ್ಣುಗಳು ಮತ್ತು ಕಿವಿಗಳು ಸ್ಥಿರವಾದ ಮಾಹಿತಿಯನ್ನು ಕಳುಹಿಸದಿದ್ದಾಗ ಈ ಸಮಸ್ಯೆ ಉಂಟಾಗುತ್ತದೆ. ಉದಾಹರಣೆಗೆ, ನೀವು ಕಾರಿನಲ್ಲಿ ಪುಸ್ತಕ ಓದುತ್ತಿದ್ದರೆ ಅಥವಾ ನಿಮ್ಮ ಮೊಬೈಲ್ ಫೋನ್ ನೋಡುತ್ತಿದ್ದರೆ, ನಿಮ್ಮ ಕಣ್ಣುಗಳು ನಿಮ್ಮ ಮೆದುಳಿಗೆ ನೀವು ಚಲಿಸುತ್ತಿಲ್ಲ ಎಂದು ಹೇಳುತ್ತವೆ. ಈ ಸಂಕೇತವು ನಿಮ್ಮ ದೇಹವನ್ನು ಕೆಟ್ಟ ಅಥವಾ ವಿಷಕಾರಿ ಏನಾದರೂ ಪ್ರವೇಶಿಸಿದೆ ಎಂದು ಭಾವಿಸುವಂತೆ ಮಾಡುತ್ತದೆ, ಇದರ ಪರಿಣಾಮವಾಗಿ ವಾಂತಿ ಉಂಟಾಗುತ್ತದೆ.
