ಮಂಗಳೂರು: ಪ್ರೇಯಸಿಯಿಂದ ಫೋನ್‌, ಮೆಸೇಜ್‌ ಇಲ್ಲ: ವಿದೇಶದಲ್ಲಿ ಮಂಗಳೂರಿನ ಯುವಕ ಆತ್ಮ*ಹತ್ಯೆ

ಮಂಗಳೂರು: ಪ್ರೇಮ ವೈಫಲ್ಯ ಹಿನ್ನೆಲೆಯಲ್ಲಿ ವಿದೇಶದಲ್ಲಿದ್ದ ಮಂಗಳೂರು ಜಿಲ್ಲೆಯ ಯುವಕನೊಬ್ಬ ಪ್ರಾಣ ಕಳೆದುಕೊಂಡಿರುವ ಘಟನೆ ನಡೆದಿದೆ. ಪುನೀತ್‌ ಪೂಜಾರಿ (32) ಮೃತ ಯುವಕ. ಮಂಗಳೂರಿನ ಸೋಮೇಶ್ವರದ ಪುನೀತ್‌ ಕೆಲಸಕ್ಕೆಂದು ಓಮನ್‌ ದೇಶದಲ್ಲಿದ್ದನು.

Sponsored

ಕಳೆದ ಒಂದೂವರೆ ವರ್ಷದಿಂದ ಪುನೀತ್‌ ಪೂಜಾರಿ ಓಮನ್‌ ದೇಶದಲ್ಲಿ ಲಿಫ್ಟ್‌ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದನು. ಒಂದೂವರೆ ತಿಂಗಳ ಹಿಂದಷ್ಟೇ ಊರಿಗೆ ಬಂದು ಹೋಗಿದ್ದನು. ಆದರೆ ಇದೀಗ ಪ್ರೇಮ ವೈಫಲ್ಯದಿಂದ ಆತ್ಮ*ಹತ್ಯೆ ಮಾಡಿಕೊಂಡಿದ್ದಾನೆ.

ಸೋಮೇಶ್ವರ ನಿವಾಸಿಗಳಾದ ಚಂದ್ರ ಮತ್ತು ದೀಪಾ ದಂಪತಿಯ ಪುತ್ರನಾಗಿರುವ ಪುನೀತ್‌, ನಾಲ್ವು ವರ್ಷದಿಂದ ಉರ್ವಾ ನಿವಾಸಿ ಯುವತಿಯನ್ನು ಪ್ರೀತಿ ಮಾಡುತ್ತಿದ್ದು, ಈತ ಯವತಿ ಜೊತೆಗಿರುವ ಫೋಟೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಾಕಿದ್ದನು. ಆದರೆ ಯುವತಿ ಕೆಲವು ದಿನಗಳಿಂದ ಫೋನ್‌ ಕರೆ, ಮೆಸೇಜ್‌ಗೆ ಪ್ರತಿಕ್ರಿಯೆ ನೀಡುತ್ತಿರಲಿಲ್ಲ. ಇದರಿಂದ ಮನನೊಂದ ಪುನೀತ್‌ ಪ್ರಾಣ ಕಳೆದುಕೊಂಡಿರುವುದಾಗಿ ವರದಿಯಾಗಿದೆ.