Advertisement
Advertisement
ಉಡುಪಿ: ಪೆಟ್ರೋಲ್‌ ಬಂಕ್‌ ಮುಂದೆ ಮದ್ಯಪಾನ ಸೇವನೆ, ಪ್ರಶ್ನೆ ಮಾಡಿದ್ದಕ್ಕೆ ವ್ಯಕ್ತಿಗೆ ಐವರಿಂದ ಹಲ್ಲೆ
ಲಾರಿ, ಕಾರಿನಲ್ಲಿ ಬಂದು ಬಂಕ್‌ ಮಾಲಕರ ಸಂಬಂಧಿಗೆ ಹಲ್ಲೆ
Sponsoredಉಡುಪಿ: ನಗರದ ಗುಂಡಿಬೈಲ್‌ ನಲ್ಲಿರುವ ಪೆಟ್ರೋಲ್‌ ಬಂಕ್‌ ಒಂದರ ಮಾಲಕರ ಸಂಬಂಧಿ ಮೇಲೆ ಐವರು ಹಲ್ಲೆ ಮಾಡಿರುವ ಘಟನೆ ಶನಿವಾರ (ನ.7) ರಾತ್ರಿ ನಡೆದಿದೆ.
ನಿಟ್ಟೂರು ನಿವಾಸಿ ಆಶಿಶ್‌ ಶೆಟ್ಟಿ (44) ಹಲ್ಲೆಗೊಳಗಾದವರು.
Advertisement
ನ.7 ರಂದು ರಾತ್ರಿ 10 ಗಂಟೆ ಸುಮಾರಿಗೆ ಖಾಸಗಿ ಬಸ್‌ ಚಾಲಕ ಆಕಾಶ್‌ ಎನ್ನುವಾತ ಪೆಟ್ರೋಲ್‌ ಬಂಕ್‌ ಜಾಗದಲ್ಲಿ ಬಸ್‌ ನಿಲ್ಲಿಸಿ ಮದ್ಯಪಾನ ಮಾಡುತ್ತಿದ್ದ. ಇದಕ್ಕೆ ಬಂಕ್‌ ಮಾಲಕರ ಸಂಬಂಧಿ ಆಶಿಶ್‌ ಶೆಟ್ಟಿ ಪ್ರಶ್ನೆ ಮಾಡಿದ್ದಾರೆ. ಈ ವಿಚಾರಕ್ಕೆ ಆಶಿಶ್‌ ಶೆಟ್ಟಿ ಹಾಗೂ ಬಸ್‌ ಚಾಲಕ ಆಕಾಶ್‌ ನಡುವೆ ಮಾತಿನ ಚಕಮಕಿ ನಡೆದಿದೆ. ಪರಸ್ಪರ ತಳ್ಳಾಟ ನಡೆದಿದೆ.
ಇದಾದ ನಂತರ ಕೆಲ ಹೊತ್ತಿನಲ್ಲಿ ನಾಲ್ವರು ಕಾರಿನಲ್ಲಿ ಹಾಗೂ ಓರ್ವ ಲಾರಿಯಲ್ಲಿ ಬಂಕ್‌ಗೆ ಬಂದು ರೂ.3000 ರೂ. ಮೌಲ್ಯದ ಡೀಸೆಲ್‌ ಹಾಕಿ ಏಕಾಏಕಿ ಆಶಿಶ್‌ ಶೆಟ್ಟಿ ಮೇಲೆ ಹಲ್ಲೆ ಮಾಡಿದ್ದಾರೆ. ಕೈಯಿಂದ ಹೊಡೆದು, ಕಾಲಿನಿಂದ ತುಳಿದು ದೌರ್ಜನ್ಯ ಮಾಡಿದ್ದಾರೆ.
ಗಾಯಾಳು ಆಶಿಶ್‌ ಶೆಟ್ಟಿ ಖಾಸಗಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದಾರೆ. ಈ ಕುರಿತು ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಗಳ ಪತ್ತೆಗೆ ತನಿಖೆ ಮುಂದುವರಿದಿದೆ.
Advertisement
