ಬೆಂಗಳೂರು: ಕೆಆರ್ಪುರಂನಲ್ಲಿ ನಡೆದ ತ್ರಿಬಲ್ ಮರ್ಡರ್ ಪ್ರಕರಣಕ್ಕೆ ಕುರಿತಂತೆ ಇದೀಗ ಭಾರೀ ಟ್ವಿಸ್ಟ್ ದೊರಕಿದ್ದು, ತಂದೆ ತಾಯಿ ಹಾಗೂ ತಂಗಿಯನ್ನು ಬರ್ಬರವಾಗಿ ಕೊಲೆಗೈದ ಆರೋಪದ ಮೇಲೆ ಶ್ವೇತಾ ಹಾಗೂ ಆಕೆಯ ಗೆಳೆಯ ಜೈಲು ಸೇರಿದ್ದು, ಇದೀಗ ಪ್ರಮುಖ ಆರೋಪಿ ಶ್ವೇತಾಗೆ ತಮ್ಮ ಮೇಲಿರುವ ಕೊಲೆ ಆರೋಪದಿಂದ ಉಲ್ಟಾ ಹೊಡೆದಿದ್ದಾರೆ.
ತ್ರಿಬಲ್ ಮರ್ಡರ್ ಪ್ರಕರಣದ ಪ್ರಮುಖ ಆರೋಪಿ ಶ್ವೇತಾ ಕೋರ್ಟ್ನಲ್ಲಿ ಗೆಳೆಯ ಕೆನೆತ್ ವಿರುದ್ಧವೇ ಸಾಕ್ಷಿ ನುಡಿಯಲು ಮುಂದಾಗಿದ್ದು, ಕೊಲೆ ಪ್ರಕರಣದಲ್ಲಿ ನಾನು ಭಾಗಿಯಾಗಿದ್ದೆ. ಆದರೆ ಕೊಲೆಯ ತೀರ್ಮಾನ ಹಾಗೂ ಕೊಲೆ ಮಾಡಿದ್ದು ಕೆನತ್ ಎಂದು ಹೇಳಲಿದ್ದಾರೆ ಎನ್ನುವ ಮಾಹಿತಿ ಮೂಲಗಳಿಂದ ತಿಳಿದು ಬಂದಿದೆ.
ನಾನು ಕೊಲೆ ಮಾಡಿದ ಸಂದರ್ಭದಲ್ಲಿ ಮನೆಯಲ್ಲೇ ಇದ್ದೆ. ಆದರೆ ಯಾರನ್ನೂ ಚಾಕುವಿನಿಂದ ಚುಚ್ಚಿಲ್ಲ. ತಾನು ನೇರವಾಗಿ ಕೊಲೆ ಮಾಡಿಲ್ಲ. ಎಲ್ಲಾ ಕೊಲೆಗಳನ್ನು ಕೆನತ್ ಮಾಡಿದ್ದು, ನಾನು ಅಲ್ಲಿ ಇದ್ದೆ. ಅಲ್ಲದೇ ನಾನು ಅಪ್ರೂವರ್ ಆಗಲು ಸಿದ್ಧಳಿದ್ದೇನೆ. ನನ್ನ ಅರ್ಜಿ ಪರಿಗಣಿಸಿ ಎಂದು ಶ್ವೇತಾ ಮನವಿ ಮಾಡಿದ್ದಾರೆ.
ಇನ್ನು ಪ್ರಕರಣದ ತನಿಖೆ ಪ್ರಗತಿಯಲ್ಲಿದ್ದು, ಚಾರ್ಜ್ಶೀಟ್ ಸಲ್ಲಿಕೆ ನಂತರ ಅರ್ಜಿ ಹಾಕಿ ಕೋರ್ಟ್ ಅರ್ಜಿ ಇತ್ಯರ್ಥ ಪಡಿಸಿದೆ. ಫೋರೆನ್ಸಿಕ್ ವರದಿ ಕೆಲವು ಬರುವುದು ಬಾಕಿ ಇದ್ದು, ಇದರ ವರದಿ ಬಂದ ನಂತರ ಚಾರ್ಜ್ಶೀಟ್ ಸಲ್ಲಿಸಲು ಪೊಲೀಸರು ಸಿದ್ಧತೆಯಲ್ಲಿದ್ದಾರೆ.
