ವರದಕ್ಷಿಣೆಗೆ ಎಮ್ಮೆ, ಬೈಕ್‌ ನೀಡದ್ದಕ್ಕೆ ಹೆಂಡತಿಯ ಕೊ*ಲೆ- ಆರು ವರ್ಷಗಳ ಬಳಿಕ ಜೀವಾವಧಿ ಶಿಕ್ಷೆ

ವರದಕ್ಷಿಣೆಯಾಗಿ ತನಗೆ ತಮ್ಮ ಮತ್ತು ಮೋಟಾರ್‌ಸೈಕಲ್‌ ಕೊಡಿಸಿಲ್ಲ ಎನ್ನುವ ಕಾರಣಕ್ಕೆ ಪತ್ನಿಯನ್ನೇ ಕೊಲೆ ಮಾಡಿದ್ದ ಪ್ರಕರಣದಲ್ಲಿ ಬಿಹಾರದ ವ್ಯಕ್ತಿಗೆ ಕೋರ್ಟ್‌ ಇದೀಗ ಜೀವಾವಧಿ ಶಿಕ್ಷೆ ವಿಧಿಸಿದೆ. ಆರು ವರ್ಷಗಳ ನಂತರ ಈ ಪ್ರಕರಣದ ತೀರ್ಪು ಹೊರ ಬಂದಿದ್ದು, ದಂಪತಿಯ ಇಬ್ಬರು ಅಪ್ರಾಪ್ತ ಮಕ್ಕಳಿಗೆ ಆರ್ಥಿಕ ನೆರವು ನೀಡುವಂತೆ ಕೋರ್ಟ್‌ ಆದೇಶ ನೀಡಿದೆ.

Sponsored

2020 ರಲ್ಲಿ ರೀನಾ ದೇವಿಯನ್ನು ಆಕೆಯ ಪತಿ ಸುಭಾಷ್‌ ಯಾದವ್‌ ಕೊಲೆ ಮಾಡಿದ್ದಾನೆ ಎಂದು ಆರೋಪಿಸಲಾಗಿತ್ತು. ವರದಕ್ಷಿಣೆ ರೂಪದಲ್ಲಿ ಮೋಟಾರ್‌ ಸೈಕಲ್‌ ನೀಡಲು ಸುಭಾಷ್‌ ಪತ್ನಿಯ ಕುಟುಂಬದ ಮೇಲೆ ಒತ್ತ ಹಾಕುತ್ತಿದ್ದ.

2020 ರ ಜುಲೈ 30 ರಂದು ರೀನಾಳ ತಾಯಿ ಮಂಜು ದೇವಿ ನೀಡಿದ ದೂರಿನ ಆಧಾರದಲ್ಲಿ ಧನಹಾ ಪೊಲೀಸರು ಪ್ರಕರಣ ದಾಖಲು ಮಾಡಿದ್ದು, ಕೊಲೆ ಮಾಡಿದ ನಂತರ ಸಾಕ್ಷ್ಯ ನಾಶಪಡಿಸಲು ರೀನಾಳ ದೇಹವನ್ನು ಸುಟ್ಟಿದ್ದು, ಮೂರು ತುಂಡುಗಳಾಗಿ ಕತ್ತರಿಸಿ ಚೀಲಗಳಲ್ಲಿ ಹಾಕಲಾಗಿತ್ತು.

ಈ ಪ್ರಕರಣದಲ್ಲಿ ದಂಪತಿಯ ಇಬ್ಬರು ಅಪ್ರಾಪ್ತ ಮಕ್ಕಳು ಇದೀಗ ಪೋಷಕರ ಆರೈಕೆಯಿಂದ ವಂಚಿತರಾಗಿದ್ದು, ತಾಯಿ ಮೃತಪಟ್ಟಿದ್ದು, ತಂದೆಗೆ ಜೀವಾವಧಿ ಶಿಕ್ಷೆಯಾಗಿದೆ. ಮಕ್ಕಳ ಪರಿಸ್ಥಿತಿಯನ್ನು ಗಮನಿಸಿದ ಕೋರ್ಟ್‌ ಬಿಹಾರ ಸರಕಾರಕ್ಕೆ ಇಬ್ಬರು ಮಕ್ಕಳಿಗೆ ತಲಾ ತಿಂಗಳಿಗೆ ರೂ.4000 ಆರ್ಥಿಕ ನೆರವು ನೀಡುವಂತೆ ನಿರ್ದೇಶನ ನೀಡಿದೆ.