Google workspace : 15 ಜಿಬಿಯಿಂದ 1 ಟಿಬಿ ಗೆ ಹೆಚ್ಚಳ – ಸ್ಟೋರೇಜ್ ಸಾಮರ್ಥ್ಯ!!!

ಗೂಗಲ್‌ ವರ್ಕ್‌ಸ್ಪೇಸ್‌ ವೈಯಕ್ತಿಕ ಖಾತೆಯು ಸಣ್ಣ ವ್ಯಾಪಾರ ಮಾಲೀಕರು ಮತ್ತು ಉದ್ಯಮಿಗಳಿಗೆ ಮೀಸಲಾಗಿದೆ. ದೈನಂದಿನ ಕೆಲಸದ ಅಗತ್ಯಗಳನ್ನು ನಿರ್ವಹಿಸಲು ಒಂದೇ ಗೂಗಲ್‌ ಖಾತೆಯ ಅಗತ್ಯವಿರುತ್ತದೆ. ಇಂತಹ ಸಿಂಗಲ್ ವರ್ಕ್‌ಸ್ಪೇಸ್ ಖಾತೆಗಳ ಆಯ್ಕೆಯನ್ನು ಕಳೆದ ವರ್ಷ ಗೂಗಲ್ ಪರಿಚಯಿಸಿದೆ.

Sponsored

ಗೂಗಲ್‌ ವರ್ಕ್‌ಸ್ಪೇಸ್‌ನಲ್ಲಿಯೇ ಕೆಲಸ ಮಾಡುವರಿಗಾಗಿ ಗೂಗಲ್‌ ಹೊಸ ವೈಶಿಷ್ಟ್ಯಗಳನ್ನು ಪ್ರಕಟ ಮಾಡಿದೆ. ಅದರಲ್ಲಿ ಗೂಗಲ್‌ ವರ್ಕ್‌ಸ್ಪೇಸ್‌ನ ವೈಯಕ್ತಿಯ ಬಳಕೆದಾರರಗೆ ಈಗಿರುವ ಸಾಮಾನ್ಯ 15 ಜಿಬಿ ಬದಲಿಗೆ 1 ಟಿಬಿವರೆಗೆ ಸ್ಟೋರೇಜ್‌ನ ಮಿತಿಯನ್ನು ಏರಿಸುವುದಾಗಿ ಘೋಷಣೆ ಮಾಡಿದೆ.

ಬ್ಲಾಗ್ ಪೋಸ್ಟ್‌ನಲ್ಲಿ, ನವೀಕರಿಸಿದ ಸಂಗ್ರಹಣೆ ಮಿತಿಯನ್ನು ತನ್ನದೇ ಆದ ರೀತಿಯಲ್ಲಿ ಅಳವಡಿಸಲಾಗುವ ಕುರಿತು ಗೂಗಲ್ ಮಾಹಿತಿ ನೀಡಿದೆ. ಪ್ರಪಂಚದಾದ್ಯಂತ ಹೆಚ್ಚಿನ ವ್ಯಾಪಾರ ಮಾಲೀಕರಿಗೆ ಗೂಗಲ್‌ ವರ್ಕ್‌ಸ್ಪೇಸ್‌ ಇಂಡಿವಿಜುವಲ್‌ (Google Workspace Individual )ಅನ್ನು ತರಲು ಗೂಗಲ್‌ (Google) ಪ್ರಾದೇಶಿಕ ಲಭ್ಯತೆಯನ್ನು ವಿಸ್ತರಿಸುತ್ತಿದೆ.

ಗೂಗಲ್‌ ವರ್ಕ್‌ಸ್ಪೇಸ್‌ ಇಂಡಿವಿಜುವಲ್‌ ಈಗ ಫಿಲಿಪೈನ್ಸ್, ವಿಯೆಟ್ನಾಂ, ಇಂಡೋನೇಷ್ಯಾ, ಮಲೇಷ್ಯಾ, ತೈವಾನ್, ಥೈಲ್ಯಾಂಡ್, ನೆದರ್‌ಲ್ಯಾಂಡ್ಸ್, ಪೋರ್ಚುಗಲ್, ಬೆಲ್ಜಿಯಂ, ಫಿನ್‌ಲ್ಯಾಂಡ್, ಗ್ರೀಸ್ ಮತ್ತು ಅರ್ಜೆಂಟೀನಾದಲ್ಲಿ ಲಭ್ಯವಿದೆ.

ಅದರೊಂದಿಗೆ ಯುಎಸ್, ಕೆನಡಾ, ಮೆಕ್ಸಿಕೋ, ಬ್ರೆಜಿಲ್, ಜಪಾನ್, ಆಸ್ಟ್ರೇಲಿಯಾ ಮತ್ತು ಯುರೋಪ್‌ನಾದ್ಯಂತ ಆರು ದೇಶಗಳಿಗೂ ವಿಸ್ತರಣೆಯಾಗಿದೆ. ಅಲ್ಲಿ ಈಗಾಗಲೇ ವರ್ಕ್‌ಸ್ಪೇಸ್ ಇಂಡಿವಿಜುವಲ್ ಅನ್ನು ಹೊರತಂದಿದೆ.

ಸಂಗ್ರಹಣೆಯನ್ನು ಪಡೆಯಲು ಈ ಬಳಕೆದಾರರು ಹೆಚ್ಚುವರಿಯಾಗಿ ಏನನ್ನೂ ಮಾಡಬೇಕಾದ ಅವಶ್ಯಕತೆ ಇಲ್ಲ. ಸಂಗ್ರಹಣೆಯ ಹೆಚ್ಚಳವು ಹೊರಬರಲು ಪ್ರಾರಂಭವಾಗುವ ನಿಖರವಾದ ಸಮಯವನ್ನು ಬ್ಲಾಗ್ ಪೋಸ್ಟ್ ಹೇಳಿಕೊಂಡಿಲ್ಲ.

ಆದರೆ, ವ್ಯಾಪಾರ ಮಾಲೀಕರು “ಪಿಡಿಎಫ್‌ಗಳು, ಸಿಎಡಿ ಫೈಲ್‌ಗಳು ಮತ್ತು ಚಿತ್ರಗಳನ್ನು ಒಳಗೊಂಡಂತೆ 100 ಕ್ಕೂ ಹೆಚ್ಚು ಫೈಲ್ ಪ್ರಕಾರಗಳನ್ನು ಡ್ರೈವ್‌ನಲ್ಲಿ ಸಂಗ್ರಹಿಸಲು ಅನುವು ಮಾಡಿಕೊಡುತ್ತದೆ. ಜೊತೆಗೆ, ಮೈಕ್ರೋಸಾಫ್ಟ್ ಆಫೀಸ್ ಫೈಲ್‌ಗಳನ್ನು ಬದಲಾಯಿಸದೆ ಫೈಲ್ ಗಳನ್ನು ಬಳಸಲು ಕೂಡ ಸಾಧ್ಯವಾಗುತ್ತದೆ .

ಇದರ ಹೊರತಾಗಿ, Google ಈ ಖಾತೆಯಲ್ಲಿ Gmail ಗೆ ನವೀಕರಣವನ್ನು ಘೋಷಣೆ ಮಾಡಿದ್ದು, ಅದು ಗೌಪ್ಯತೆಯ ವಿಚಾರದಲ್ಲಿ ರಾಜಿಯಾಗದೇ, ಹೆಚ್ಚಿನವರಿಗೆ ಇಮೇಲ್ ಮಾಡಲು ಸಹಕಾರಿಯಾಗಿದೆ. ಮೇಲ್ ವಿಲೀನ ಟ್ಯಾಗ್‌ಗಳನ್ನು ಸೇರಿಸಲು ಮೇಲ್ ಸೇವೆಯಲ್ಲಿ ಮಲ್ಟಿ ಸೆಂಡ್‌ ಮೋಡ್‌ನ ಸಾಮರ್ಥ್ಯಗಳನ್ನು ಒಳಗೊಂಡಿದೆ. ಇವುಗಳನ್ನು ಬಳಸಿಕೊಂಡು, ವರ್ಕ್‌ಸ್ಪೇಸ್ ವೈಯಕ್ತಿಕ ಬಳಕೆದಾರರು ಮಲ್ಟಿ ಸೆಂಡ್‌ ಇಮೇಲ್‌ಗಳಿಗೆ “@firstname” ನಂತಹ ಟ್ಯಾಗ್‌ಗಳನ್ನು ಸೇರಿಸಬಹುದಾಗಿದೆ.

ಪ್ರತಿ ಇಮೇಲ್‌ಗೆ ವೈಯಕ್ತಿಕ ಅವಕಾಶ ನೀಡಲಾಗಿದ್ದು, ಇದರಿಂದ ಪ್ರತಿಯೊಬ್ಬ ಸ್ವೀಕರಿಸುವವರು ಇಮೇಲ್ ಅನ್ನು ಅವರಿಗೆ ರಚಿಸಲಾಗಿದೆ ಎಂದು ಭಾವಿಸುವಂತಹ ಅನುಭವ ಪಡೆಯಬಹುದು. ಮಲ್ಟಿ ಸೆಂಡ್‌ ಇಮೇಲ್‌ಗಳು ಅನ್‌ಸಬ್‌ಸ್ಕ್ರೈಬ್ ಲಿಂಕ್ ಅನ್ನು ಸಹ ಒಳಗೊಂಡಿದ್ದು, ಹಾಗಾಗಿ, ಸ್ವೀಕರಿಸುವವರು ಭವಿಷ್ಯದ ಸಂದೇಶಗಳಿಂದ ಹೊರಗುಳಿಯಬಹುದಾಗಿದೆ.