Hyundai Verna : ಬಂದಿದೆ ಅಚ್ಚುಮೆಚ್ಚಿನ ವೆರ್ನಾ ಕಾರು ಮಾರುಕಟ್ಟೆಗೆ! ಭರ್ಜರಿ ಒಂಭತ್ತು ಬಣ್ಣಗಳಲ್ಲಿ ಲಭ್ಯ!

Hyundai Verna car: ದಕ್ಷಿಣ ಕೊರಿಯಾ ಮೂಲದ ಕಂಪನಿಯ ಹ್ಯುಂಡೈ ಮೋಟಾರ್​ (Hyundai Motor)ಭಾರತೀಯ ಮಾರುಕಟ್ಟೆಯಲ್ಲಿ ಮಾರ್ಚ್​ 21ರಂದು ತನ್ನ ಜನಪ್ರಿಯ ಸೆಡಾನ್​ ಕಾರು ವೆರ್ನಾದ( Hyundai Verna car)ನೂತನ ಆವೃತ್ತಿಯನ್ನು ಮಂಗಳವಾರ ಬಿಡುಗಡೆಗೊಳಿಸಿದೆ.ಹುಂಡೈ ವೆರ್ನಾ 2023 ಆರು ರೂಪಾಂತರಗಳ ಅಡಿಯಲ್ಲಿ ಒಟ್ಟು ಹತ್ತು ಆಯ್ಕೆಗಳಲ್ಲಿ ಬಿಡುಗಡೆಯಾಗಿದೆ: EX, S, SX, SX(O), SX Turbo, SX(O) Turbo. ಮ್ಯಾನ್ಯುವಲ್ ಟ್ರಾನ್ಸ್‌ಮಿಷನ್, ಐವಿಟಿ ಮತ್ತು ಡಿಸಿಟಿ ಸೇರಿದಂತೆ ಮೂರು ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಕಾರನ್ನು ನೀಡಲಾಗುತ್ತದೆ.

Sponsored

ಹ್ಯುಂಡೈ ಹೊಸ ಹ್ಯುಂಡೈ ವೆರ್ನಾ 2023(Hyundai Verna 2023)ರಲ್ಲಿ ಕೆಲವು ಸೆಗ್ಮೆಂಟ್- ಮೊದಲ ವೈಶಿಷ್ಟ್ಯಗಳನ್ನು ಪರಿಚಯಿಸಿದ್ದು,ನಾಲ್ಕು ವೇರಿಯಂಟ್‌ಗಳಲ್ಲಿ ಹಾಗೂ ಒಂಬತ್ತು ಬಣ್ಣಗಳಲ್ಲಿ ಕಾರು ದೊರೆಯಲಿದೆ. ಎಲೆಕ್ಟ್ರಿಕ್‌ ಸನ್‌ರೂಫ್, 10.25 ಇಂಚಿನ ಟಚ್‌ಸ್ಟ್ರೀನ್‌ ಸೇರಿದಂತೆ ಎಲ್ಲ ಅತ್ಯಾಧುನಿಕ ಫೀಚರ್‌ಗಳನ್ನು ಒಳಗೊಂಡಿದೆ.

ಹೊಚ್ಚ ಹೊಸ ಕಾರು ಪವರ್‌ಟ್ರೇನ್ ಆಯ್ಕೆಗಳ ವಿಷಯದಲ್ಲಿ, ಹ್ಯುಂಡೈ ವೆರ್ನಾ 1.5- ಲೀಟರ್ MPi ರೂಪಾಂತರ ಮತ್ತು 1.5- ಲೀಟರ್ GDi ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಹೊಸ ಹ್ಯುಂಡೈ ವೆರ್ನಾ ಕಾರಿನ ಆರಂಭಿಕ ಎಕ್ಸ್‌ ಶೋರೂಮ್‌ ಬೆಲೆ 10.90 ಲಕ್ಷ ರೂ.ಆಗಿದ್ದು, ಟಾಪ್ ಎಂಡ್ ವೇರಿಯೆಂಟ್ಗೆ 17.38 ಲಕ್ಷ ರೂಪಾಯಿ ನಿಗದಿಪಡಿಸಲಾಗಿದೆ. 1.5 ಲೀಟರ್‌ ಎನ್‌ಎ ಪೆಟ್ರೋಲ್‌ ಎಂಜಿನ್‌ ಮತ್ತು 1.5 ಲೀಟರ್‌ ಟಬೊ ಪೆಟ್ರೋಲ್‌ ಎಂಜಿನ್‌ನಲ್ಲಿ ಮಾಡೆಲ್‌ ಕೂಡ ಲಭ್ಯವಿದೆ. ಹೊಸ ವೆರ್ನಾ ಆರು ಸ್ಪೀಡ್​ನ ಮ್ಯಾನುಯಲ್​ ಗೇರ್​ ಬಾಕ್ಸ್​ ಮತ್ತು 7 ಸ್ಪೀಡ್​ನ ಡಿಸಿಟಿ ಗೇರ್​ ಬಾಕ್ಸ್​ಗಳನ್ನು ಹೊಂದಿದೆ. ಡೀಸೆಲ್​ ಎಂಜಿನ್​ನ ಕಾರುಗಳನ್ನು ಹ್ಯುಂಡೈ ಇನ್ನೂ ಬಿಡುಗಡೆ ಮಾಡಿಲ್ಲ ಎನ್ನಲಾಗಿದೆ.

ಹುಂಡೈ ವೆರ್ನಾ 2023 ಇಂಟೀರಿಯರ್ಸ್ ಬಗ್ಗೆ ಗಮನಿಸಿದರೆ, ಹ್ಯುಂಡೈ ವೆರ್ನಾ 2023 ಡ್ಯುಯಲ್ ಟೋನ್ ಕಪ್ಪು ಮತ್ತು ಬೀಜ್ ಇಂಟೀರಿಯರ್‌ಗಳೊಂದಿಗೆ ಮಾರಾಟವಾಗಲಿದೆ. ಹ್ಯುಂಡೈ ಸೆಡಾನ್ ಹೆಚ್ಚಿನ ಟಚ್ ಪಾಯಿಂಟ್‌ಗಳಲ್ಲಿ ಸಾಫ್ಟ್- ಟಚ್ ಅಂಶಗಳನ್ನು ಹೊಂದಿರುತ್ತದೆ. 1.5 ಲೀಟರ್ನ ಪೆಟ್ರೋಲ್ ಎಂಜಿನ್ 115 ಪಿಎಸ್ ಪವರ್ ಹಾಗೂ 144 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. 1.5 ಲೀಟರ್ನ ಟರ್ಬೊ ಪೆಟ್ರೋಲ್ ಎಂಜಿನ್ 160 ಪಿಎಸ್ ಪವರ್ ಹಾಗೂ 253 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಹೊಚ್ಚ ಹೊಸ ಕಾರು ಆರು ಏರ್‌ಬ್ಯಾಗ್‌ಗಳನ್ನು ಪ್ರಮಾಣಿತವಾಗಿ ಬರಲಿದ್ದು, ಸೀಟ್‌ಬೆಲ್ಟ್ ರಿಮೈಂಡರ್ ಮತ್ತು ಮೂರು- ಪಾಯಿಂಟ್ ಸೀಟ್‌ಬೆಲ್ಟ್‌ಗಳಂತಹ ಇತರ ಪ್ರಮಾಣಿತ ವೈಶಿಷ್ಟ್ಯಗಳನ್ನೂ ಒಳಗೊಂಡಿದೆ. ಕಾರು ಲೆವೆಲ್ 2 ADAS ಅನ್ನು ಕೂಡ ಹೊಂದಿದೆ.

1.5 ಲೀಟರ್​ನ ಎಮ್​ಪಿಐ ಪೆಟ್ರೋಲ್​ ಎಂಜಿನ್​ 18.60 ಕಿಲೋ ಮೀಟರ್​​ ಮೈಲೇಜ್​ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಐವಿಟಿ ಗೇರ್​ ಬಾಕ್ಸ್ ಹೊಂದಿರುವ ಕಾರುಗಳು 19.60 ಕಿಲೋ ಮೀಟರ್​ ಮೈಲೇಜ್​ ನೀಡುತ್ತದೆ. ಜಿಡಿಐ ಎಂಜಿನ್​ ಹಾಗೂ ಮ್ಯಾನುಯಲ್​ ಗೇರ್​ ಬಾಕ್ಸ್​ ಒಳಗೊಂಡ ಕಾರು 20 ಕಿಲೋ ಮೀಟರ್​ ಹಾಗೂ ಡಿಸಿಟಿ ಗೇರ್​ ಬಾಕ್ಸ್​ ಹೊಂದಿರುವ ಕಾರು 20.60 ಕಿಲೋ ಮೀಟರ್​ ಮೈಲೇಜ್​ ಒದಗಿಸುತ್ತದೆ. ಹೊಸ ಹ್ಯುಂಡೈ ವೆರ್ನಾ 2023 ಹಳೆಯ ವೆರ್ನಾಗೆ ಹೋಲಿಕೆ ಮಾಡಿದರೆ ದೊಡ್ಡ ಆಯಾಮಗಳೊಂದಿಗೆ ದೊಡ್ಡ ಕ್ಯಾಬಿನ್ ಜಾಗವನ್ನು ಒದಗಿಸುತ್ತದೆ. ಇದು 528- ಲೀಟರ್ ಬೂಟ್ ಜೊತೆಗೆ ಬರಲಿದ್ದು, ವೈಶಿಷ್ಟ್ಯಗಳ ವಿಷಯದಲ್ಲಿ, ಹ್ಯುಂಡೈ ವೆರ್ನಾ 2023 ಬೋಸ್ ಸ್ಪೀಕರ್‌ಗಳೊಂದಿಗೆ ಜೋಡಿಯಾಗಿರುವ 10.25- ಇಂಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಬಹು- ಭಾಷಾ ಬೆಂಬಲ ಮತ್ತು 65 ಕ್ಕೂ ಹೆಚ್ಚು ಸಂಪರ್ಕಿತ ಕಾರ್ ತಂತ್ರಜ್ಞಾನದೊಂದಿಗೆ ಬರುತ್ತದೆ.

ಇದನ್ನೂ ಓದಿ: Best Selling Car : ಅತಿ ಹೆಚ್ಚು ಭರ್ಜರಿ ಸೇಲ್ ಕಂಡ ಕಾರುಗಳಿವು! ಫ್ರೆಬ್ರವರಿ ರಿಪೋರ್ಟ್ ಇಲ್ಲಿದೆ!